Day: 25 April 2024

ബെംഗളൂരു: കർണാടക സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷനും ബിഎംടിസിയും രണ്ടാം പിയുസി പരീക്ഷ-2 എഴുതുന്ന വിദ്യാർത്ഥികൾക്ക് സൗജന്യ യാത്ര അനുവദിച്ചു. കോർപ്പറേഷനുകളുടെ സിറ്റി, സബർബൻ, റഗുലർ, എക്‌സ്‌പ്രസ് ബസുകളിൽ സെക്കൻഡറി പിയുസി പരീക്ഷാ അഡ്മിറ്റ് കാർഡ് ഹാജരാക്കിയാൽ അവരുടെ താമസസ്ഥലത്ത് നിന്ന് നിശ്ചിത പരീക്ഷാ കേന്ദ്രത്തിലേക്കും തിരിച്ചും യാത്രചെയ്യുമ്പോൾ സൗജന്യ യാത്ര അനുവദിക്കാനാണ് ഉത്തരവ്. കർണാടകയിലെ രണ്ടാം പിയുസി വിദ്യാർത്ഥികൾക്കുള്ള സപ്ലിമെൻ്ററി പരീക്ഷകൾ ഈ അധ്യയന വർഷം ഏപ്രിൽ 29 മുതൽ ആരംഭിക്കും. ഇക്കാര്യത്തിൽ, വിദ്യാർത്ഥികളെ അവരുടെ വിദ്യാഭ്യാസ സ്ഥാപനത്തിന് പുറമെ മറ്റ് സ്ഥാപനങ്ങളുടെ പരീക്ഷാ…

ബെംഗളൂരു: ലോക്സഭാ തെരഞ്ഞെടുപ്പിന്‍റെ ആദ്യഘട്ടം നടക്കാനിരിക്കേ ബിജെപിക്കു തിരിച്ചടി നല്‍കി പാർട്ടിയുടെ എംഎല്‍സി കെ.പി.നഞ്ചുണ്ടി കോണ്‍ഗ്രസില്‍ ചേർന്നു. എംഎല്‍സി സ്ഥാനം രാജിവച്ചാണ് പ്രമുഖ പിന്നാക്ക വിഭാഗം നേതാവായ നഞ്ചുണ്ടിയും അനുയായികളും കോണ്‍ഗ്രസില്‍ ചേർന്നത്. കഴിഞ്ഞ ദിവസം ബംഗളൂരുവിലെ കെപിസിസി ഓഫീസില്‍ ഉപമുഖ്യമന്ത്രിയും കെപിസിസി അധ്യക്ഷനുമായ ഡി.കെ. ശിവകുമാറിന്‍റെയും സംസ്ഥാനത്തിന്‍റെ ചുമതലയുള്ള എഐസിസി ജനറല്‍ സെക്രട്ടറി രണ്‍ദീപ് സിംഗ് സുർജേവാലയുടെയും സാന്നിധ്യത്തിലാണ് നഞ്ചുണ്ടിയും അനുയായികളും കോണ്‍ഗ്രസില്‍ ചേർന്നത്. വിശ്വകർമ വിഭാഗത്തില്‍പ്പെട്ടയാളായ നഞ്ചുണ്ടി മുന്പ് കോണ്‍ഗ്രസിലായിരുന്നു.

ബെംഗളൂരു: ബെംഗളൂരുവിൽ ബുധനാഴ്ച മുതൽ മൂന്ന് ദിവസത്തേക്ക് മദ്യവിൽപ്പന നിരോധനം. ഏപ്രിൽ 26 ന് നടക്കുന്ന ലോക്‌സഭാ തെരഞ്ഞെടുപ്പിൻ്റെ വോട്ടെടുപ്പ് കണക്കിലെടുത്ത് നഗരത്തിലെ എല്ലാ മദ്യവിൽപ്പനകളും (മോഡൽ ഷോപ്പുകൾ, റെസ്റ്റോറൻ്റുകൾ, ബാറുകൾ, പബ്ബുകൾ, ഹോട്ടലുകൾ എന്നിവിടങ്ങളിൽ) ബെംഗളൂരു പോലീസ് ഉദ്യോഗസ്ഥർ താൽക്കാലികമായി നിർത്തിവച്ചു. ഭക്ഷണവും മദ്യം അല്ലാത്ത പാനീയങ്ങളും നൽകുന്നതിന് റെസ്റ്റോറൻ്റുകളും ഹോട്ടലുകളും മാത്രമേ അനുവദിക്കൂ എന്ന് ഔദ്യോഗിക ഉത്തരവിൽ വ്യക്തമാക്കുന്നു. ബെംഗളൂരു സിറ്റി പോലീസ് ഡിപ്പാർട്ട്‌മെൻ്റിൻ്റെ ഔദ്യോഗിക ഉത്തരവ് പ്രകാരം ഏപ്രിൽ 24 ന് വൈകുന്നേരം 5 മണി മുതൽ ഏപ്രിൽ 26…

ബെംഗളൂരു: വോട്ട് ചെയ്യാൻ കേരളത്തിലേക്കു പോകുന്ന ബെംഗളൂരു മലയാളികൾക്കായി ഇന്ന് ഏർപ്പെടുത്തിയ കൊച്ചുവേളി, മംഗളൂരു സ്പെഷൽ ട്രെയിനുകളിലെ ടിക്കറ്റുകൾ തീർന്നു. കൂടാതെ കേരള, കർണാടക ആർടിസികൾ അനുവദിച്ച സ്പെഷൽ ബസുകളിലെ ടിക്കറ്റുകളും മിനിറ്റുകൾക്കുള്ളിൽ തീർന്നു. കേരള ആർടിസി നാളെ മാത്രം 16 സ്പെഷൽ ബസുകളാണ് ഇന്നലെ വരെ അനുവദിച്ചത്. ബസുകൾ ലഭിക്കുന്നതിനനുസരിച്ച് കോഴിക്കോട്, കണ്ണൂർ ഭാഗത്തേക്ക് കൂടുതൽ സ്പെഷൽ ബസുകൾ ഏർപ്പെടുത്തുമെന്ന് അധികൃതർ അറിയിച്ചു. സ്പെഷൽ ബസുകളിൽ ഫ്ലെക്സി നിരക്കാണ് ഈടാക്കുന്നത്. കർണാടക ആർടിസി 21 സ്പെഷൽ ബസുകളാണ് അനുവദിച്ചത്. കൂടാതെ മൈസൂരുവിൽ നിന്ന്…