ബംഗളൂരു: ബംഗളൂരുവിൽ വാടക പണം ചോദിച്ച വീട്ടുടമസ്ഥയെ വാടകക്കാരന്റെ മകൻ മൂർച്ചയുള്ള ആയുധം ഉപയോഗിച്ച് ആക്രമിച്ചു.
കഴിഞ്ഞ മാസം മുനേശ്വര നഗറിലാണ് സംഭവം ഉണ്ടായത്. വ്യാഴാഴ്ചയാണ് സംഭവം പുറത്തറിഞ്ഞത്.
ഇരയായ ശ്രീദേവി താമസിച്ചിരുന്ന കെട്ടിടം ഫയാസിന്റെതായിരുന്നുവെന്ന് മാധ്യമങ്ങൾ റിപ്പോർട്ട് ചെയ്യുന്നു.
ഫയാസ് വിദേശത്തായതിനാൽ വാടകക്കാരനായ നസീറിൽ നിന്ന് വാടക വാങ്ങി ഫയാസിന് അയച്ചുകൊടുക്കുകയായിരുന്നു ശ്രീദേവി ചെയ്തിരുന്നത്.
കഴിഞ്ഞ മാസവും പതിവുപോലെ ശ്രീദേവി നസീറിനോട് മൂന്ന് മാസത്തെ വാടക ചോദിച്ചു. വാടകയ്ക്ക് ശ്രീദേവി ഉറച്ചുനിന്നതോടെ നസീർ തന്റെ മകൻ സദ്ദാമിനെ വിവരം അറിയിച്ചു.
പ്രകോപിതനായ സദ്ദാം ശ്രീദേവിയുമായി വഴക്കിടുകയും സംഘർഷം രൂക്ഷമായതോടെ കത്തികൊണ്ട് ആക്രമിക്കുകയും ചെയ്തു.
മുഖത്തും കൈയിലും മുറിവേറ്റ ശ്രീദേവിയെ ചികിത്സയ്ക്കായി ആശുപത്രിയിൽ പ്രവേശിപ്പിച്ചു.
ബംഗളൂരു സൗത്ത് ഈസ്റ്റ് ലിമിറ്റിനു കീഴിലുള്ള ബന്ദേപാളയ പൊലീസ് സ്റ്റേഷനിലാണ് പരാതി നൽകിയത്. അന്വേഷണങ്ങൾ തുടരുകയാണെന്ന് പോലീസ് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
