തേനി: കളക്കാട് മുണ്ടന്തുറൈ കടുവാ സങ്കേതത്തില് തുറന്നുവിട്ട അരിക്കൊമ്പന് ആരോഗ്യവാനെന്ന് തമിഴ്നാട് വനംവകുപ്പ്. വനത്തില് അരിക്കൊമ്പന് തീറ്റയെടുക്കുന്നതിന്റെ ദൃശ്യങ്ങള് തമിഴ്നാട് വനംവകുപ്പ് പുറത്തുവിട്ടു. തമിഴ്നാട് വനം പരിസ്ഥിതി വകുപ്പ് അഡീഷണല് ചീഫ് സെക്രട്ടറി സുപ്രിയ സാഹുവാണ് ട്വിറ്ററിലൂടെ വീഡിയോ പങ്ക് വച്ചത്. മണിമുത്താര് ഡാം സൈറ്റിനോട് ചേര്ന്നുള്ള പ്രദേശത്താണ് നിലവില് അരിക്കൊമ്പനുള്ളത്. ആനയെ നിരീക്ഷിക്കുന്ന വനം വകുപ്പ് ഉദ്യോഗസ്ഥരാണ് ദൃശ്യങ്ങള് പകര്ത്തിയത്. ചിന്നക്കനാലിൽ നിന്നും പെരിയാര് കടുവാ സങ്കേതത്തിലെത്തിച്ച് തുറന്നു വിട്ട അരിക്കൊമ്പൻ ജനവാസ മേഖലയിലിറങ്ങിയതോടെയാണ് തമിഴ്നാട് സര്ക്കാര് മയക്കുവെടി വെച്ച് പിടികൂടിയത്.
Read Moreഅരിക്കൊമ്പന്റെ ആരോഗ്യസ്ഥിതി പുറത്ത് വിട്ട് തമിഴ്നാട് വനംവകുപ്പ്
