ചെന്നൈ: വിവാഹവിരുന്നില് പങ്കെടുത്തവര്ക്ക് സമ്മാനമായി താംബൂലം സഞ്ചിയില് മദ്യം വിതരണം ചെയ്ത സംഭവത്തില് വധുവിന്റെ വീട്ടുകാര്ക്കും ഇവര്ക്ക് മദ്യംവിറ്റ കടക്കാരനും 50,000 രൂപ പിഴവിധിച്ചു.
പുതുച്ചേരി സ്വദേശിയായ യുവതിയും ചെന്നൈയില് താമസിക്കുന്ന യുവാവും തമ്മിലുള്ള വിവാഹത്തെത്തുടര്ന്ന് മേയ് 28-നാണ് പുതുച്ചേരിയില് വിവാഹവിരുന്ന് നടന്നത്. വിവാഹത്തില് പങ്കെടുത്തവര്ക്ക് നല്കുന്ന താംബൂലം സഞ്ചിയില് ഒരോ കുപ്പി മദ്യം നല്കുന്ന വീഡിയോ സാമൂഹികമാധ്യമങ്ങളില് പ്രചരിച്ചിരുന്നു.
മദ്യത്തിന് വിലക്കുറവായതിനാല് കേന്ദ്രഭരണ പ്രദേശമായ പുതുച്ചേരിയില് ചെന്നൈയില് നിന്ന് അടക്കം ആളുകള് മദ്യം വാങ്ങുന്നതിനായി എത്താറുണ്ട്. പുതുച്ചേരിയില് നടത്തുന്ന വിരുന്നായതിനാല് ക്ഷണിച്ചപ്പോള്ത്തന്നെ അതിഥികളില് പലരും മദ്യമുണ്ടോയെന്ന് ചോദിച്ചുവെന്നും അതിനാലാണ് ഇത്തരത്തില് വ്യത്യസ്തമായ സമ്മാനം നല്കാന് തീരുമാനിച്ചതെന്നും വധുവിന്റെ വീട്ടുകാര് പറഞ്ഞു. എന്നാല് അനധികൃതമായി കൂടുതല് മദ്യംവാങ്ങിയതിനും വിതരണംചെയ്തതിനുമാണ് അധികൃതർ നടപടി സ്വീകരിച്ചത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
