Month: April 2020

ബെംഗളൂരു : മൈസൂരുവിൽ ഒട്ടേറെപ്പേർക്കു കോവിഡ് സ്ഥിരീകരിച്ച നഞ്ചൻഗുഡിലെ 25 ഗ്രാമങ്ങൾ പൂർണമായും അടച്ചു. സ്ഥിതിഗതികൾ നിയന്ത്രണത്തിലാകും വരെ ഗ്രാമങ്ങളിലേക്കു പ്രവേശിക്കാനോ, ഇവിടെ നിന്നുള്ളവരെ പുറത്തു പോകാനോ അനുവദിക്കില്ല. ജില്ലയിൽ ഇതുവരെ 88 പേർക്കാണ് കോവിഡ് ബാധിച്ചത്. ഇവരിൽ 33 പേർക്കു രോഗം ഭേദമായി. ഇന്നലെ പുതിയ കേസുകൾ ഇല്ലാതിരുന്നതും ആശ്വാസമായി. നഞ്ചൻഗുഡിലെ ഫാർമ കമ്പനിയിലെ ഒരു ജീവനക്കാരനാണ് ഇവിടെ ആദ്യമായി രോഗം സ്ഥിരീകരിച്ചത്, തുടർന്ന് അത് നിരവധി ജീവനക്കാരിലേക്കും കൂടെ താമസിക്കുന്നവരിലേക്കും പകരുകയായിരുന്നു.

ബെംഗളൂരു : ഇന്നലെ രാത്രി തുടങ്ങി ഇന്ന് രാവിലെയും തുടർന്ന മഴയെത്തുടർന്ന് നഗരത്തിൽ ചിലയിടങ്ങളിൽ വൻ നാശനഷ്ടം. ലഗ്ഗരെക്ക് സമീപം ലക്ഷ്മിദേവി നഗര, പ്രീതീ നഗര പ്രദേശത്താണ് വൻ നാശനഷ്ടം ഉണ്ടായിരിക്കുന്നത്. ലഗ്ഗരെ പാലത്തിന് സമീപമാണ് ഇത് ഏകദേശം അരക്കിലോമീറ്ററോളം ദൂരമാണ് തകർന്നത്. മെയിൻ റോഡ് തകർന്ന് ഇടിഞ്ഞ് താഴുകയായിരുന്നു ,ഇതിനെ തുടർന്ന് അവിടെ ഇരുവശവും പാർക്ക് ചെയ്തിരുന്ന വാഹനങ്ങൾ മണ്ണിനടിയിലേക്ക് പോകുകയും തകരുകയുമായിരുന്നു. ആളപായമില്ല എന്നാൽ നിരവധി വാഹനങ്ങൾ ഇവിടെ കുടുങ്ങിക്കിടക്കുകയാണ്. നിരവധി കാറുകളും ഇരുചക്രവാഹനങ്ങളും കേടുവന്നിട്ടുണ്ട്. ഈ പ്രദേശത്തിൻ്റെ സമീപത്ത് നിരവധി…

ബെംഗളൂരു: നഗരത്തിലും പരിസര പ്രദേശങ്ങളിലും 27-3-2020 ന് ശഅബാൻ ഒന്നായി ക്കണക്കാക്കി ബാംഗ്ലൂരിലെ ഹിലാൽ കമ്മിറ്റി തീരുമാനിച്ചത് പ്രകാരം നാളെ 24.04.2020 വെള്ളി ശഅബാൻ 29 ആണെന്നും നാളെ മാസം കാണാൻ സാധ്യതയുള്ളതിനാൽ മാസപ്പിറവി വെള്ളിയാഴ്ച്ച വൈകുന്നേരം ദൃശ്യമായാൽ ശനിറമളാൻ ഒന്ന് ആയിരിക്കുമെന്നും അല്ലാത്തപക്ഷം ശഅബാൻ 30 പൂർത്തിയാക്കി ഞായറാഴ്ച്ച റമളാൻ ഒന്നായി ക്കണക്കാക്കണമെന്നും മലബാർ മുസ്ലിം അസോസിയേഷൻ ഖത്തീബ് സെയ്തുമുഹമ്മദ് നൂരി അറിയിച്ചു കേരളത്തിൽ ഇന്ന് മാസപ്പിറവി കണ്ടതിനാൽ നാളെയാണ് നൊയമ്പ് റംസാൻ നൊയമ്പ് ആരംഭിക്കുന്നത്.