Day: 17 October 2019

ബെംഗളൂരു : ഡെക്കാൻ കൾച്ചറൽ സൊസൈറ്റി ഓണോത്സവം നടത്തി. സമാപന സാംസ്‌കാരികസമ്മേളനം എഴുത്തുകാരനും നിരൂപകനുമായ ഇ. പി. രാജഗോപാലൻ ഉത്‌ഘാടനം ചെയ്തു. പ്രസിഡന്റ് സതീഷ് തോട്ടശ്ശേരി അധ്യക്ഷം വഹിച്ചു. സെക്രട്ടറി ജി ജോയ് സ്വാഗതവും ഖജാൻജി പീതാംബരൻ നന്ദിയും പറഞ്ഞു. കലാ കായിക മത്സരങ്ങളിൽ വിജയികളായവർക്കും എസ്. എസ് .എൽ. സി.,  പി. യു. സി.പരീക്ഷകളിൽ ഉന്നതവിജയം നേടിയവർക്കുള്ള സമ്മാനദാനം,  അംഗങ്ങളുടെ കലാപരിപാടികൾ, ശ്രുതിലയം ബാംഗളൂർ അവതരിപ്പിച്ച ഗാനമേള എന്നിവയും ഉണ്ടായി.

ബെംഗളൂരു : പ്രാദേശിക മാധ്യമമായ യെലഹങ്ക വോയ്സ് എഡിറ്റർ അനിൽരാജിനെ പരപ്പന അഗ്രഹാര സെൻട്രൽ ജയിലിൽ മരിച്ച നിലയിൽ കണ്ടെത്തി. ലൈംഗിക പീഡന കേസിൽ വിചാരണത്തടവുകാരനായി ഇരുന്നു അനിൽ. യെലഹങ്കക്കും സമീപത്തും ആയി നടന്ന അനധികൃത ഭൂമി ഇടപാടുകൾ സംബന്ധിച്ച വാർത്തകൾ പുറത്തുകൊണ്ടുവന്നതിലൂടെയാണ് അനിലും യെലഹങ്ക വോയ്സും ശ്രദ്ധിക്കപ്പെടുന്നത്. യുവതിയെ വിവാഹ വാഗ്ദാനം നൽകി പീഡിപ്പിച്ചു എന്ന കേസിൽ രണ്ടുമാസം മുൻപാണ് അറസ്റ്റിലായത്. ആത്മഹത്യയാണെന്നാണ് നിഗമനം.

ബെംഗളൂരു: മുഖ്യമന്ത്രി ബി.എസ്. യെദ്യൂരപ്പയുടെ പേരിൽ ഭൂമി അഴിമതിക്കേസിൽ പരാതി നൽകിയ അലയൻസ് സർവകലാശാല മുൻ വൈസ് ചാൻസലർ കൊല്ലപ്പെട്ടു. ഡോ. ഡി. അയ്യപ്പ ദൊറെയാണ് ആർ.ടി. നഗറിലെ വീടിനുസമീപത്തെ റോഡിൽ അജ്ഞാതരുടെ കുത്തേറ്റുമരിച്ചത്. ചൊവ്വാഴ്ച രാത്രി നടക്കാനിറങ്ങിയപ്പോൾ കുത്തേറ്റതാണെന്നാണ് പോലീസ് സംശയിക്കുന്നത്. നടക്കാൻപോയശേഷം വീട്ടിൽ തിരിച്ചെത്താത്തതിനാൽ കുടുംബാംഗങ്ങൾ അന്വേഷിച്ചിറങ്ങിയപ്പോഴാണ് കൊല്ലപ്പെട്ടനിലയിൽ കണ്ടെത്തിയത്. കൊലപാതകകാരണം അറിവായിട്ടില്ല. ആർ.ടി. നഗർ പോലീസ് കേസെടുത്തു. സംഭവംനടന്ന സ്ഥലത്തെ സി.സി.ടി.വി. ദൃശ്യങ്ങൾ പോലീസ് പരിശോധിച്ചുവരുകയാണ്. നേരത്തേ ആം ആദ്മി പാർട്ടിയിൽ പ്രവർത്തിച്ചിരുന്ന ഡോ. അയ്യപ്പ 2018-ലെ നിയമസഭാതിരഞ്ഞെടുപ്പ് സമയത്ത്…