ബെംഗളൂരു : ഏറിവരുന്ന തീവ്രവാദ ഭീഷണിയുടെ പശ്ചാത്തലത്തില്‍ നഗരത്തിനെ സുരക്ഷ ഉറപ്പാക്കാന്‍ പ്രത്യേകം തീവ്രവാദ വിരുദ്ധ സേന രൂപീകരിക്കാന്‍ തയ്യാറായി കര്‍ണാടക സര്‍ക്കാര്‍.
ഈ പുതിയ സേന (എ.ടി.എസ്) നവംബർ 1ന് നിലവിൽ വരുമെന്ന് ആഭ്യന്തര മന്ത്രി ബസവരാജ് ബൊമ്മൈ അറിയിച്ചു.
ബംഗ്ലദേശി കുടിയേറ്റക്കാരുടെ മറവിൽ, ജമാഅത്തുൽ മുജാഹിദ്ദീൻ ബംഗ്ലദേശ് (ജെഎംബി) ബെംഗളൂരു ആസ്ഥാനമാക്കി തീവ്രവാദ പ്രവർത്തനങ്ങൾ വ്യാപിച്ചിരുന്നതായി എൻഐഎ വെളിപ്പെടുത്തലിന്റെ അടിസ്ഥാനത്തിലാണ് ഇങ്ങനെ ഒരു തീരുമാനം.
എൻഐഎയ്ക്ക് സമാന്തരമായാകും എടിഎസ് പ്രവർത്തിക്കുന്നത്. ഇതിനു പുറമേ സൈബർ സെക്യൂരിറ്റി, ലഹരിമരുന്ന് വിരുദ്ധ സേനകളും ഡപ്യൂട്ടി കമ്മിഷണർമാരുടെ ഓഫിസ് കേന്ദ്രമാക്കി പ്രവർത്തിക്കും.
നഗരത്തിലെ റെയിൽവേ സ്റ്റേഷനുകളിലും ബസ് സ്റ്റാൻഡിലും മാർക്കറ്റുകളിലും സുരക്ഷ ശക്തമാക്കും. സംശയകരമായ നീക്കങ്ങൾ നിരീക്ഷിക്കാൻ ബെംഗളൂരു പൊലീസ് കമ്മിഷണർക്കു നിർദേശം നൽകിയിട്ടുണ്ടെന്നും ആഭ്യന്തര മന്ത്രി ആഭ്യന്തര മന്ത്രി അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
