Month: June 2019

ബെംഗളൂരു: ഗ്രാമത്തിലെ ആളുകളുടെ പ്രശ്നങ്ങൾ നേരിട്ടറിയാൻ കുമാരസ്വാമി ട്രെയിൻ മാർഗം യദ്ഗിറിലെത്തി. പിന്നീട് ഗ്രാമ വാസ്തവ്യ പരിപാടിയുടെ ഭാഗമായി ചന്ദ്രകി ഗ്രാമത്തിലെത്തുകയായിരുന്നു. ഗ്രാമങ്ങളിൽ താമസിച്ച് ജനങ്ങളുടെ പ്രശ്നങ്ങൾ അടുത്തറിയുക എന്നതാണ് ഗ്രാമ വാസ്തവ്യയുടെ ലക്ഷ്യം. 2006-07 കാലഘട്ടത്തിൽ ആദ്യമായി മുഖ്യമന്ത്രിയായപ്പോൾ കുമാരസ്വാമി തുടങ്ങിയ പരിപാടിയാണിത്.

ബെംഗളൂരു: മലയാളി എയർ കമോഡോർ ജോസ് ജോസഫ്, ബെംഗളൂരുവിലെ 26 എക്വിപ്‌മെന്റ് ഡിപ്പോ എയർ ഓഫീസർ കമാൻഡിങ്ങായി (എ.ഒ.സി.) ചുമതലയേറ്റു. ജെ.എൻ.യു.വിൽനിന്ന് ബിരുദവും മദ്രാസ് സർവകലാശാലയിൽനിന്ന് ബിരുദാനന്തരബിരുദവും നേടിയ ജോസ് ജോസഫ് 1986 ഡിസംബർ ആറിനായിരുന്നു വ്യോമസേനയിൽ ചേർന്നത്. കഴക്കൂട്ടം സൈനിക സ്കൂൾ, നാഷണൽ ഡിഫൻസ് അക്കാദമി, ഡിഫൻസ് സർവീസസ് സ്റ്റാഫ് കോളേജ്, ആർമി വാർ കോളേജ്, നാഷണൽ ഡിഫൻസ് കോളേജ് എന്നിവിടങ്ങളിൽ പഠിച്ചിട്ടുണ്ട്.

ബെംഗളൂരു: ലോക്‌സഭാ – നിയമസഭാ തിരഞ്ഞെടുപ്പുകൾ ഒന്നിച്ചുനടത്തുന്നത് എതിർത്ത് എച്ച്.ഡി. ദേവഗൗഡ.  ‘ഒരു രാജ്യം, ഒറ്റ തിരഞ്ഞെടുപ്പ്’ എന്ന ലക്ഷ്യം നടപ്പാക്കാൻ പ്രധാനമന്ത്രി നരേന്ദ്രമോദിയുടെ അധ്യക്ഷതയിൽ ചേർന്ന സർവകക്ഷി യോഗത്തിൽ തീരുമാനിച്ചതിനെക്കുറിച്ച് പ്രതികരിക്കുകയായിരുന്നു അദ്ദേഹം. ഇത് വോട്ടർമാർക്ക് ആശയക്കുഴപ്പത്തിനിടയാക്കുമെന്ന് അദ്ദേഹം വ്യക്തമാക്കി. ആത്മാർഥമായി പറഞ്ഞാൽ ഈ നീക്കം ആശയക്കുഴപ്പമുണ്ടാക്കും. ലോക്‌സഭാതിരഞ്ഞെടുപ്പിനും നിയമസഭാ തിരഞ്ഞെടുപ്പിനും പ്രത്യേകം പോളിങ് ബൂത്തുകൾ വരുന്നതാണ് പ്രശ്നത്തിന് കാരണമെന്നും ദേവഗൗഡ പറഞ്ഞു. ലോക്‌സഭാ – നിയമസഭാ തിരഞ്ഞെടുപ്പുകൾ ഒന്നിച്ചുനടത്താനുള്ള നിർദേശം നടപ്പാക്കുന്നത് പരിശോധിക്കാൻ പ്രത്യേക സമിതിയുണ്ടാക്കാനുള്ള കേന്ദ്രതീരുമാനത്തെ ചിലർ സ്വാഗതം ചെയ്തപ്പോൾ…

ബെംഗളൂരു :അടുത്ത 10 വർഷത്തിൽ ജലക്ഷാമം നേരിട്ടേക്കാവുന്ന 10 നഗരങ്ങളുടെ പട്ടികയിൽ ബെംഗളൂരുവും, നഗരങ്ങളിലെ ഭൂഗർഭജലം കൂടുതൽ ഉൾവലിഞ്ഞേക്കാമെന്ന് നീതി ആയോഗ് കേന്ദ്ര സർക്കാറിന് നൽകിയ റിപ്പോർട്ടിൽ പറയുന്നു. കുടിയേറ്റം കാരണം നഗരത്തിലെ ജനസംഖ്യയിൽ റെക്കാർഡ് വർദ്ധനവ് ഉണ്ടാകും എന്നാൽ അതിന് ആനുപാതികമായി ജല ലഭ്യത വർദ്ധിക്കാൻ സാദ്ധ്യതയില്ല, റിപ്പോർട്ടിൽ പറയുന്നു. കുഴൽ കിണറുകളുടെ പുനരുജ്ജീവനവും മഴവെള്ളക്കൊയ്ത്തുമടക്കമുള്ള മാർഗ്ഗങ്ങളിലൂടെ യുദ്ധകാലാടിസ്ഥാനത്തിൽ ജലം ലഭ്യമാക്കാനുള്ള പ്രവർത്തനങ്ങൾ നടപ്പാലാക്കേണ്ടതാണെന്ന് റിപ്പോർട്ടിൽ പറയുന്നു.  

ബെംഗളൂരു: കാർവാറിലെ ബുദ്ധ സന്യാസിയെ ഫെയ്സ്ബുക്കിലൂടെ പരിചയപ്പെട്ട സ്ത്രീ 2 കോടിയോളം രൂപ തട്ടിയെടുത്തതായി പരാതി. അനാഥരെയും മറ്റും സഹായിക്കാൻ 17 കോടിയോളം രൂപ നൽകുമെന്നായിരുന്നു വാഗ്ദാനം ലഭിച്ചതെന്ന് സന്യാസി പറഞ്ഞു. സഹായിയെന്ന പേരിൽ വില്യം എന്നൊരാളെ‍ കർണാടകയിലേക്ക് അയച്ചിട്ടുണ്ടെന്നും കസ്റ്റംസ് ക്ലിയറൻസ്, ആദായനികുതി, പൊലീസ് വെരിഫിക്കേഷൻ എന്നിവയ്ക്കായി പണം വേണമെന്നും ആവശ്യപ്പെട്ടു. ഇതനുസരിച്ച് ഇവർ നൽകിയ ബാങ്ക് അക്കൗണ്ടിലേക്ക് 2 കോടിയോളം രൂപ നിക്ഷേപിച്ചുവെന്നും അതിനുശേഷം ബന്ധമില്ലെന്ന് പരാതിയിൽ പറയുന്നു. അമേരിക്കൻ വംശജയെന്നും ഇന്ത്യയിൽ ഒട്ടേറെ സന്നദ്ധ പ്രവർത്തനങ്ങൾ നടത്താൻ താൽപര്യമുണ്ടെന്നും വിശ്വസിപ്പിച്ചാണു സ്ത്രീ…