ബെംഗളൂരു : ജെഡിഎസുമായുള്ള സഖ്യമാണ് ലോകസഭാ തെരഞ്ഞെടുപ്പിലെ വൻതോൽവിക്ക് കാരണമെന്ന് വിമർശിച്ച് മുൻമുഖ്യമന്ത്രിയും സീനിയർ നേതാവുമായ വീരപ്പമൊയ്ലി. സഖ്യമില്ലാതെ മൽസരിച്ചിരുന്നു എങ്കിൽ 15-16 സീറ്റുകളെങ്കിലും സംസ്ഥാനത്ത് കോൺഗ്രസിന് നേടാമായിരുന്നു എന്നും വീരപ്പമൊയ്ലി പറഞ്ഞു. എല്ലാവരുടേയും ശ്രദ്ധ സഖ്യ സർക്കാറിനെ നിലനിർത്തുന്നതിൽ മാത്രമായിരുന്നു. ഇടക്കാല തെരഞ്ഞെടുപ്പ് ഉണ്ടാകാം എന്ന ദേവഗൗഡയുടെ പ്രസ്താവനയേയും മൊയ്ലി തള്ളിക്കളഞ്ഞു. യുക്തിരഹിതമായി ദേവഗൗഡ നടത്തുന്ന പ്രസ്താവനകൾ സർക്കാറിന് തലവേദനയാകുന്നുണ്ട് എന്നും കൂട്ടിച്ചേർത്തു. തന്റെ സ്ഥിരം മണ്ഡലമായ ചിക്കബലാപുരയിൽ ബിജെപിയുടെ ബച്ചെ ഗൗഡയോട് മൊയ്ലി പരാജയപ്പെട്ടിരുന്നു.
Read Moreവിമർശനവുമായി വീരപ്പമൊയ്ലിയും;ജെഡിഎസുമായി സഖ്യമില്ലാതെ മൽസരിച്ചിരുന്നുവെങ്കിൽ 16 സീറ്റെങ്കിലും നേടാമായിരുന്നു എന്നും മുൻമുഖ്യമന്ത്രി.
