Day: 16 August 2018

കേരളത്തില്‍ ഉള്ളവര്‍ എല്ലാം ഒരു ദുരന്തത്തെ നേരിടുന്ന സമയത്ത് പിന്നില്‍ നിന്ന് കുത്തി അയല്‍ക്കാര്‍,മുല്ലപ്പെരിയാര്‍ ഡാമിന്റെ ജലനിരപ്പ്‌ 142 അടിയില്‍ നിന്ന് കുറക്കാന്‍ തയ്യാറാകാതെ തമിഴ്നാട്‌.ഇന്നലെ കേരള മുഖ്യമന്ത്രി പിണറായി വിജയന്‍ തമിഴ്നാട്‌ മുഖ്യമന്ത്രി എടപ്പടി പഴനി സ്വാമിക്ക് എഴുതിയ കത്തില്‍ മുല്ലപ്പെരിയാര്‍ അണക്കെട്ടിന്റെ ജലനിരപ്പ്‌ താഴ്ത്തണം എന്ന് ആവശ്യപ്പെട്ടിരുന്നു. എന്നാല്‍ ഇന്നും തമിഴ്നാട്‌ മുഖ്യമന്ത്രിയുടെ മറുപടിയില്‍ ആണ് അത് സാധ്യമല്ല എന്ന് കാണിച്ചിരിക്കുന്നത്,അണക്കെട്ട് സുരക്ഷിതമാണ് എന്നും അതുകൊണ്ട് തന്നെ ജലനിരപ്പ്‌ 142 അടിയില്‍ നിന്ന് താഴേക്ക്‌ ആക്കേണ്ട കാര്യമില്ല എന്നുമാണ് എടപ്പടി പഴനിസ്വാമി…

ന്യൂഡല്‍ഹി: സംസ്ഥാനത്ത് പ്രളയക്കെടുതി രൂക്ഷമായ സാഹചര്യത്തില്‍ കേന്ദ്ര സര്‍ക്കാര്‍ അടിയന്തര യോഗം വിളിച്ചു. യൂണിയന്‍ ക്യാബിനറ്റ് സെക്രട്ടറി പി. കെ സിന്‍ഹയുടെ നേതൃത്വത്തില്‍ കേന്ദ്ര ആഭ്യന്തരമന്ത്രാലയത്തിന് കീഴിലുള്ള ദുരന്തനിവാരണ സമിതിയുടെ യോഗമാണ് വിളിച്ചു ചേര്‍ത്തത്. മഴക്കെടുതി നേരിടുന്ന സംസ്ഥാനത്തേക്ക് കൂടുതല്‍ സൈനികര്‍ എത്തും. 30 പേരുടെ മിലിറ്ററി എന്‍ജിനീയറിംഗ് ടാസ്‌ക് ഫോഴ്‌സ് കോഴിക്കോട്ടെത്തി. പൂനെയില്‍നിന്നും ഭോപ്പാലില്‍നിന്നും 50 പേരടങ്ങുന്ന രണ്ടു ഗ്രൂപ്പ് സംഘവും ഇന്ന് ഉച്ചയോടെ തിരുവനന്തപുരത്തെത്തും. അണക്കെട്ടുകളിലെയും നദികളിലെയും ജലനിരപ്പ് ക്രമാതീതമായി ഉയരുകയും ഉരുള്‍പ്പൊട്ടലുകള്‍ തുടരുകയും പലപ്രദേശങ്ങള്‍ ഒറ്റപ്പെടുകയും ചെയ്ത സാഹചര്യത്തില്‍ മുഖ്യമന്ത്രി…

കൊച്ചി: ദുരിതം വിതച്ച് കനത്തമഴ തുടരുന്ന കേരളത്തില്‍ ദുരന്ത നിവാരണ പ്രവര്‍ത്തനങ്ങള്‍ക്കായി രംഗത്തുള്ള കേന്ദ്ര നാവികസേനയുടെ നമ്പറുകള്‍ പ്രചരിപ്പിക്കരുത്. നാവിക സേനാംഗങ്ങള്‍ക്ക് നാട്ടുകാരില്‍ നിന്ന് നേരിട്ട് സഹായാഭ്യര്‍ത്ഥനകള്‍ സ്വീകരിക്കാന്‍ നിര്‍വാഹമില്ലാത്തതിനാലാണ് നമ്പറുകള്‍ പ്രചരിപ്പിക്കരുതെന്ന നിര്‍ദ്ദേശം നല്‍കിയിരിക്കുന്നത്. സംസ്ഥാന ദുരന്ത നിവാരണ അതോറിറ്റിയുടെ നിര്‍ദ്ദേശമനുസരിച്ചാണ് നേവിയുടെ രക്ഷാഭടന്മാര്‍ പ്രവര്‍ത്തിക്കുക. ഭാഷയോ സ്ഥലമോ അറിയാത്ത നാവിക സേനാംഗങ്ങള്‍ നേരിട്ട് പ്രവര്‍ത്തിച്ചു തുടങ്ങിയാല്‍ വലിയ ആശയക്കുഴപ്പമുണ്ടാകുമെന്നതിനാലാണിതെന്ന് നാവികസേനാ വൃത്തങ്ങള്‍ അറിയിച്ചു. സാമൂഹ്യമാധ്യമങ്ങളില്‍ ഏറെ ഫോളോവേഴ്സുള്ള ചില മാധ്യമപ്രവര്‍ത്തകര്‍ ഇത് ഷെയര്‍ ചെയ്യാതിരിക്കാന്‍ ശ്രദ്ധിക്കണമെന്നും സൂചിപ്പിച്ചു. ദുരിതത്തില്‍പ്പെട്ടവരെക്കുറിച്ച് വിവരം നല്‍കാന്‍…

കനത്ത മഴയും വെള്ളപ്പൊക്കവും തുടരുന്ന സാഹചര്യത്തിൽ സംസ്ഥാനത്ത് സർവീസ് നടത്തുന്ന നിരവധി ട്രെയിനുകൾ റദ്ദാക്കി. വെള്ളം കയറിയതിനാല്‍ അങ്കമാലിക്കും ആലുവയ്ക്കും ഇടയില്‍ ബ്രിഡ്ജ് നമ്പര്‍ 176ലൂടെ തീവണ്ടികള്‍ കടത്തിവിടുന്നതു താല്‍ക്കാലികമായി നിര്‍ത്തിവെച്ചു. ഈ സാഹചര്യത്തില്‍ തീവണ്ടിഗതാഗതത്തില്‍ താഴെപ്പറയുന്ന ക്രമീകരണങ്ങള്‍ വരുത്തിയിട്ടുണ്ട്. 16-08-18നു റദ്ദാക്കിയ തീവണ്ടികള്‍ 56361 ഷൊര്‍ണൂര്‍-എറണാകുളം പാസഞ്ചര്‍ ഓടില്ല. 16-08-18ന് ഓട്ടം പുനഃക്രമീകരിച്ച തീവണ്ടികള്‍. 15-08-18നു ഹൂബ്ലിയില്‍നിന്നു പുറപ്പെട്ട 12777-ാം നമ്പര്‍ ഹൂബ്ലി-കൊച്ചുവേളി എക്സ്പ്രസ് തൃശൂര്‍ വരെ മാത്രമേ സര്‍വീസ് നടത്തുകയൂള്ളൂ. 15-08-18നു ചെന്നൈ -തിരുവനന്തപുരം സൂപ്പര്‍ഫാസ്റ്റ് എക്സ്പ്രസ് പാലക്കാട് ജങ്ഷനില്‍ ഓട്ടം നിര്‍ത്തും. 15-08-18നു…

തിരുവനന്തപുരം: കേരളത്തെ തകർത്തെറിഞ്ഞ് പേമാരിയും പ്രളയവും തുടരുകയാണ്. സംസ്ഥാനത്തെ 14 ജില്ലകളിലും റെഡ് അലര്‍ട്ട് തുടരുകയാണ്. മുഴുവന്‍ ജില്ലകളിലും കനത്ത മഴയും നാശനഷ്ടങ്ങളും വര്‍ധിക്കുന്ന സാഹചര്യത്തിൽ ഞായറാഴ്ച വരെ സംസ്ഥാനമൊട്ടാകെ അതീവ ജാഗ്രതാനിർദ്ദേശം പുറപ്പെടുവിച്ചിട്ടുണ്ട്. ഇന്നലേയും ഇന്നുമായി മാത്രം മരിച്ചത് 37 പേരാണ്.  അതീവ ഗുരുതര സാഹചര്യമാണെന്നാണ് സർക്കാരിന്‍റെ വിലയിരുത്തൽ. കനത്ത മഴയെ തുടര്‍ന്ന് സംസ്ഥാനത്തെ എല്ലാ ജില്ലകളിലെയും വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി പ്രഖ്യാപിച്ചിട്ടുണ്ട്. പ്രഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് അവധി. എറണാകുളം ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് ഓഗസ്റ്റ് 16, 17…