ലണ്ടന്‍ : 2014 ല്‍ ഓസ്ട്രേലിയയ്ക്കെതിരെ നടന്ന അവസാന ടെസ്റ്റ്‌ മത്സരത്തില്‍ ധോണി അമ്പയറില്‍ നിന്നു സ്സ്ടംമ്പുകള്‍ ചോദിച്ചു വാങ്ങിയിരുന്നു ..തുടര്‍ന്ന്‍ ടെസ്റ്റ്‌ മത്സരങ്ങളില്‍ നിന്നുമുള്ള പെട്ടെന്നുള്ള വിടവാങ്ങല്‍ ക്രിക്കറ്റ് ലോകത്തെ ഞെട്ടിച്ചിരുന്നു ..ഇപ്പോഴിതാ ഇംഗ്ലണ്ടിനെതിരെ നടന്ന അവസാന ഏകദിന മത്സരത്തിലെ പരാജയത്തിനു ശേഷം ധോണി ക്രിക്കറ്റില്‍ നിന്നും വിരമിക്കുന്നു എന്ന വാര്‍ത്തകള്‍ വന്‍ തോതില്‍ പ്രചരിക്കുകയാണ് ..അതിനുള്ള പ്രധാന കാരണം മത്സര ശേഷം കളിയില്‍ ഉപയോഗിച്ച പന്ത് ധോണി അമ്പയറില്‍ നിന്നും ചോദിച്ചു വാങ്ങുന്ന ദൃശ്യങ്ങള്‍ തന്നെയാണ് ….
ഇംഗ്ലീഷ് പര്യടനത്തില്‍ പതിനായിരം ക്ലബ്ബില്‍ ഇടം പിടിച്ചെങ്കിലും , ബാറ്റിംഗില്‍ അദ്ദേഹത്തിന് തിളങ്ങാന്‍ കഴിയാതെ വന്നതും , ഗാംഗുലി ഉള്‍പ്പടെയുള്ള മുന്‍ താരങ്ങള്‍ വിരമിക്കലിനെ കുറിച്ച് അഭിപ്രായം ഉന്നയിച്ചതും സംശയത്തിനു മറ്റൊരു കാരണമായി ..എന്നാല്‍ യഥാര്‍ത്ഥ വിശദീകരണവുമായി പരിശീലകന്‍ രവി ശാസ്ത്രി എത്തിയതോടെ എല്ലാം വ്യക്തമായി …ധോണി എവിടെയും പോകുന്നില്ല എന്നും ..അഭ്യന്തര ക്രിക്കറ്റില്‍ നിന്നും വിടവാങ്ങുന്നതിനെ കുറിച്ച് യാതൊരു തീരുമാനവും ഇപ്പോഴില്ല എന്നും അദ്ദേഹം വ്യക്തമാക്കി ..പന്ത് വാങ്ങിയത് ബൌളിംഗ് പരിശീലകന്‍ ഭരത് അരുണിനെ കാണിക്കുവാന്‍ ആണെന്നും, മത്സരത്തിനു ശേഷം പന്തില്‍ സംഭവിച്ചിരിക്കുന്ന വ്യതിയാനം മനസ്സിലാക്കുവാന്‍ വേണ്ടിയെന്നും അദ്ദേഹം പറഞ്ഞു …..
