Day: 5 March 2018

ബെംഗളൂരു : നമ്മ മെട്രോയിൽ ഏറ്റവും കുറവു യാത്രക്കാർ ആശ്രയിക്കുന്ന സ്റ്റേഷൻ പീനിയ ഇൻഡസ്ട്രി. ഏറ്റവും കൂടുതൽ യാത്രക്കാർ ആശ്രയിക്കുന്നതു മജസ്റ്റിക്കിലെ കെംപഗൗഡ ഇന്റർചേഞ്ച് സ്റ്റേഷന്‍ ഗ്രീൻ ലൈനിൽ ഉൾപ്പെടുന്ന പീനിയ ഇൻഡസ്ട്രി സ്റ്റേഷനിൽ ആയിരത്തിൽ താഴെ യാത്രക്കാരാണു പതിവായി മെട്രോയെ ആശ്രയിക്കുന്നതെന്നു ബിഎംആർസിഎൽ പറയുന്നു. കെഎസ്ആർടിസിയുടെ ബസവേശ്വര ബസ് ടെർമിനലിൽനിന്നു പീനിയ ഇൻഡസ്ട്രി സ്റ്റേഷനിലേക്ക് എത്താനുള്ള യാത്രാ സൗകര്യങ്ങളുടെ അപര്യാപ്തതയാണു യാത്രക്കാർ കുറയാൻ കാരണം. ബസ് ടെർമിനലിനേയും മെട്രോ സ്റ്റേഷനേയും ബന്ധിപ്പിച്ചു മേൽപ്പാലം നിർമിക്കാനുള്ള പദ്ധതി സാങ്കേതിക കുരുക്കിലുമാണ്.യാത്രക്കാരില്‍ മുന്‍പിലുള്ള മജസ്റ്റിക്കിലെ കെംപഗൗഡ…

ബെംഗളൂരു : മഹാനഗരത്തിൽ ഹെലിപ്പാഡ് സൗകര്യമുള്ള ആദ്യ സർക്കാർ ആശുപത്രിയാകാൻ നാഷനൽ ഇൻസ്റ്റിറ്റ്യൂട്ട് ഓഫ് മെന്റൽ ഹെൽത്ത് ആൻഡ് ന്യൂറോ സയൻസസ് (നിംഹാൻസ്). ആശുപത്രിയിലെ ആർ.എം.വർമ സൂപ്പർ സ്പെഷ്യൽറ്റി ബ്ലോക്കിലാണ് ഈ സൗകര്യം വരുന്നത്. അഗ്നിസുരക്ഷാവകുപ്പിന്റെ ക്ലിയറൻസ് ലഭിക്കാനുള്ള കാലതാമസമാണു നിലവിലുള്ളതെന്നു നിംഹാൻഡ് ഡയറക്ടർ ഡോ. ബി.എൻ.ഗംഗാധർ പറഞ്ഞു. ന്യൂറോളജിക്കൽ മെഡിസിനുമായി ബന്ധപ്പെട്ട അത്യാഹിത ചികിൽസാ സംവിധാനമുള്ള ഈ ബ്ലോക്കിലേക്കു രോഗികളെ ഹെലികോപ്റ്ററുകളുടെ സഹായത്തോടെ സമയം പാഴാക്കാതെ എത്തിക്കാനുള്ള സൗകര്യാർഥമാണു ഹെലിപ്പാഡ് നിർമിച്ചിരിക്കുന്നതെന്നും അദ്ദേഹം പറഞ്ഞു.

ബെംഗളൂരു: കലാശിപാളയയിൽ മലയാളി വ്യാപാരിയെ ആക്രമിച്ചു പണവും മൊബൈൽ ഫോണും കവർന്നു. തലശേരി ചൊക്ലി സ്വദേശിയും ജെപി നഗർ സെക്കൻ‍‍‍ഡ് ഫേസിലെ മധുരിമ ബേക്കറി ഉടമയുമായ ഉമ്മർഹാജി (73) ആണു കവർച്ചയ്ക്കിരയായത്. ഇന്നലെ പുലർച്ചെ നാട്ടിൽ നിന്നു വരികയായിരുന്ന ഉമ്മർ കലാശിപാളയ മാർക്കറ്റിൽ ബസിറങ്ങി കോർപറേഷൻ സർക്കിളിലേക്കു നടക്കുന്നതിനിടെയാണു സംഭവം. ബൈക്കിലെത്തിയ രണ്ടംഗസംഘം കത്തികാണിച്ചു ഭീഷണിപ്പെടുത്തി കയ്യിലുണ്ടായിരുന്ന 6500 രൂപയും മൊബൈൽ ഫോണും കവർന്നു. തടയാൻ ശ്രമിക്കുന്നതിനിടെ കത്തി കൊണ്ട് ആഴത്തിൽ മുറിവേൽപ്പിക്കുകയും ചെയ്തു. ആശുപത്രിയിൽ ചികിൽസ തേടിയ ഉമ്മർ കെഎംസിസി പ്രവർത്തകരുടെ സഹായത്തോടെ…