ബെംഗളൂരു :കേരള സര്ക്കാരിന്റെ സ്ത്രീശാക്തീകരണ പദ്ധതിയുടെ ഭാഗമായി കേരള സംസ്ഥാന ചലച്ചിത്ര വികസന കോര്പ്പറേഷന് നിര്മ്മിച്ച കന്നി ചിത്രമായ ‘നിഷിദ്ധോ’ 13-ാമത് ബെംഗളൂരു ഇന്റര്നാഷണല് ഫിലിം ഫെസ്റ്റിവെലില് പ്രദർശനത്തിന് എത്തും.
താര രാമാനുജന് രചനയും സംവിധാനവും നിര്വ്വഹിച്ച ചിത്രം മാര്ച്ച് 3 മുതല് 10 വരെ നടക്കുന്ന ചലച്ചിത്രമേളയിലെ ഇന്ത്യന് സിനിമാ മത്സരവിഭാഗത്തിലാണ് പ്രദര്ശിപ്പിക്കുക. കെഎസ്എഫ് ഡിസിയുടെ ‘ഫിലിംസ് ഡയറക്ടഡ് ബൈ വിമെന്’ പദ്ധതിക്ക് കീഴില് നിര്മ്മിക്കുന്ന രണ്ട് സിനിമകളില് ഒന്നാണിത്.
പശ്ചിമ ബംഗാളില് നിന്നും തമിഴ്നാട്ടില് നിന്നും കേരളത്തിലെ പട്ടണത്തിലേക്ക് കുടിയേറിയ രണ്ട് പേരുടെ ജീവിതമാണ് നിഷിദ്ധോ പ്രമേയമാക്കുന്നത്. കനി കുസൃതിയും തന്മയ് ധനാനിയയും പ്രധാന കഥാപാത്രങ്ങളെ അവതരിപ്പിക്കുന്നു.
മാര്ച്ച് 18 മുതല് 25 വരെ നടക്കുന്ന 26-ാമത് കേരള രാജ്യാന്തര ചലച്ചിത്ര മേളയിലെ മത്സര വിഭാഗത്തിലേക്കും കൊല്ക്കൊത്ത അന്താരാഷ്ട്ര ചലച്ചിത്ര മേളയിലേക്കും നിഷിദ്ധോ തെരഞ്ഞെടുക്കപ്പെട്ടിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
