ബെംഗളുരു : വനിതകള്ക്കും ട്രാന്സ്ജെന്ഡര്മാര്ക്കും സൗജന്യമായി ഓട്ടോറിക്ഷാ ഡ്രൈവിങ് പരിശീലനം നല്കുന്ന പദ്ധതി ഗതാഗതമന്ത്രി രാമലിംഗ റെഡ്ഡി ബിടിഎം ലേഔട്ടില് ഉദ്ഘാടനം ചെയ്തു. ബാംഗ്ലൂര് പൊളിറ്റിക്കല് ആക് ഷന് കമ്മിറ്റി (ബി പാക്), ഐടി കണ്സല്റ്റിങ് കമ്പനിയായ സിജിഐ എന്നിവയുടെ സഹകരണത്തോടെയാണു പദ്ധതി നടപ്പാക്കുന്നത്.
ഓട്ടോറിക്ഷകള് നഗരത്തിലെ
ഗതാഗത സംവിധാനത്തിലെ നട്ടെല്ലാണെന്നു രാമലിംഗ റെഡ്ഡി പറഞ്ഞു. ഓട്ടോ ഡവര്മാര്ക്കായി ബജറ്റില് പ്രത്യേക പരിഗണനയുണ്ടാകുമെന്നും കൂടുതല് പദ്ധതികള് ഏര്പ്പെടുത്തുമെന്നും അദ്ദേഹം
പറഞ്ഞു.
