ബെംഗളൂരു: സർക്കാർ കണക്കുകൾ പ്രകാരം, ആരംഭിക്കാൻ അനുമതി ലഭിച്ച 26 ശതമാനം സ്വകാര്യ സ്‌കൂളുകളെങ്കിലും കഴിഞ്ഞ അഞ്ച് വർഷത്തിനിടെ അടച്ചുപൂട്ടി.
2019-20 മുതൽ 2023-24 വരെയുള്ള അധ്യയന വർഷങ്ങളിൽ 2,905 സ്വകാര്യ അൺ എയ്ഡഡ് സ്‌കൂളുകൾ തുടങ്ങാൻ സ്കൂൾ വിദ്യാഭ്യാസ, സാക്ഷരതാ വകുപ്പ് അനുമതി നൽകി, അതിൽ 762 എണ്ണം പൂട്ടി.
കണക്കുകൾ പ്രകാരം, വിജയപുര ജില്ലയിലാണ് ഏറ്റവും കൂടുതൽ സ്‌കൂളുകൾക്ക് അനുമതി നൽകിയത്, 292, അവയിൽ അഞ്ചെണ്ണം മാത്രമാണ് അടച്ചുപൂട്ടിയത്. ബെംഗളൂരു സൗത്തിൽ 255 പുതിയ സ്‌കൂളുകൾ വന്നെങ്കിലും അവയിൽ 85 എണ്ണം ആരംഭിച്ച് അഞ്ച് വർഷത്തിനുള്ളിൽ അടച്ചുപൂട്ടി. ബംഗളൂരു നോർത്തിൽ 75 സ്‌കൂളുകളാണ് അനുവദിച്ചത്, 56 എണ്ണം അഞ്ച് വർഷത്തിനുള്ളിൽ അടച്ചുപൂട്ടി.
2018 ന് ശേഷം വകുപ്പ് ഏർപ്പെടുത്തിയ കർശനമായ മാനദണ്ഡങ്ങളും ആ മാനദണ്ഡങ്ങൾ നടപ്പിലാക്കുന്നതിൻ്റെ കാര്യത്തിൽ പ്രാദേശിക തലത്തിലുള്ള ഉദ്യോഗസ്ഥരുടെ പീഡനവുമാണ് സ്കൂൾ മാനേജ്മെൻ്റുകൾ കുറ്റപ്പെടുത്തുന്നത്.
2018 മുതൽ ഒരു സ്കൂൾ ആരംഭിക്കുന്നതിന് അര ഏക്കർ ഭൂമി നിർബന്ധമാക്കിയിട്ടുണ്ടെന്നും അത് പലർക്കും താങ്ങാനാകുന്നില്ലെന്നും കർണാടകയിലെ അസോസിയേറ്റഡ് മാനേജ്മെൻ്റ് ഓഫ് പ്രൈമറി ആൻഡ് സെക്കൻഡറി സ്കൂളുകളുടെ ജനറൽ സെക്രട്ടറി ഡി ശശി കുമാർ മാധ്യമങ്ങളോട് പറഞ്ഞു.
അടച്ചുപൂട്ടിയ സ്കൂളുകളിൽ ഭൂരിഭാഗവും സംസ്ഥാന ബോർഡുമായി അഫിലിയേറ്റ് ചെയ്ത ബജറ്റ് സ്കൂളുകളാണെന്ന് സ്വകാര്യ സ്കൂൾ മാനേജ്മെൻ്റുകളുടെ പ്രതിനിധികൾ പറഞ്ഞു.
പുതിയ സ്കൂൾ സ്ഥാപിക്കുന്നതിന് 20 കോടി രൂപയെങ്കിലും വേണമെന്നും മിനിമം വിദ്യാർത്ഥികളുടെ എണ്ണം നിലനിർത്തേണ്ടത് നിർബന്ധമാണെന്നും സ്വകാര്യ സ്കൂൾ മാനേജ്മെൻ്റുകൾ അറിയിച്ചു.
ഫ്രാഞ്ചൈസി സ്കൂളുകളുടെ എണ്ണത്തിലുണ്ടായ വർധനയും വിദ്യാഭ്യാസ മേഖലയിലേക്കുള്ള കോർപ്പറേറ്റുകളുടെ കടന്നുകയറ്റവുമാണ് സ്വകാര്യ സ്കൂൾ മാനേജ്മെൻ്റുകൾ ഉദ്ധരിച്ച മറ്റൊരു കാരണം.
“മാതാപിതാക്കൾ മറ്റ് ബോർഡ് സ്കൂളുകളിലേക്കും കോർപ്പറേറ്റ്, ഫാൻസി ചെയിൻ സ്കൂളുകളിലേക്കും ആകർഷിക്കപ്പെടുന്നതായും ബെംഗളൂരുവിലെ ഒരു സ്വകാര്യ സ്കൂളിൻ്റെ മാനേജ്മെൻ്റ് പ്രതിനിധി പറഞ്ഞു.
സിബിഎസ്ഇ, ഐസിഎസ്ഇ സ്കൂളുകളുടെ എണ്ണത്തിലുള്ള വർധനയും സംസ്ഥാന ബോർഡ് സ്‌കൂളുകൾ അടച്ചുപൂട്ടുന്നതിന് കാരണമായിട്ടുണ്ടെന്നും മറ്റ് ബോർഡുകളെ അപേക്ഷിച്ച് പ്രാദേശിക തലത്തിൽ വിവേചനം നേരിടുന്നുണ്ടെന്നും അദ്ദേഹം കൂട്ടിച്ചേർത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
