കൊൽക്കത്ത: ഈഡൻ ഗാർഡൻസിൽ ഇന്ന് നടന്ന സെമി ഫൈനലിൽ ദക്ഷിണാഫ്രിക്കയെ 3 വിക്കറ്റിന് തോൽപ്പിച്ച് ഓസ്ട്രേലിയ ഫൈനലിലെത്തി.
ഈ വരുന്ന ഞായറാഴ്ച്ച അഹമ്മദാബാദ് നരേന്ദ്ര മോഡി ക്രിക്കറ്റ് സ്റ്റേഡിയത്തിൽ ഓസ്ട്രേലിയ ഇന്ത്യയെ ഫൈനലിൽ നേരിടും.
ടോസ് നേടിയ ആദ്യം ബാറ്റ് ചെയ്ത ദക്ഷിണാഫ്രിക്ക 49.4 ഓവറില് 212 റണ്സിന് ഓള് ഔട്ടായി. മുന്നിര അവിശ്വസനീയമായി തകര്ന്നടിഞ്ഞപ്പോള് സെഞ്ചുറിയുമായി പൊരുതി ഡേവിഡ് മില്ലറാണ് ദക്ഷിണാഫ്രിക്കയെ മാന്യമായ സ്കോറിലെത്തിച്ചത്.
24-4 എന്ന സ്കോറില് ക്രീസിലെത്തിയ മില്ലര് 101 റണ്സെടുത്ത് 48-ാം ഓവറില് പുറത്താവുമ്പോള് ദക്ഷിണാഫ്രിക്ക 200 കടന്നിരുന്നു. 116 പന്തില് എട്ട് ഫോറും അഞ്ച് സിക്സും പറത്തി മില്ലര് 101 റണ്സടിച്ചപ്പോള് 47 റണ്സെടുത്ത ഹെന്റിച്ച് ക്ലാസനും ദക്ഷിണാഫ്രിക്കക്കായി പൊരുതി.
ഓസ്ട്രേലിയക്കായി മിച്ചല് സ്റ്റാര്ക്കും നായകന് പാറ്റ് കമിന്സും മൂന്ന് വിക്കറ്റ് വീതം വീഴ്ത്തിയപ്പോള് ട്രാവിസ് ഹെഡും ജോഷ് ഹേസല്വുഡും രണ്ട് വിക്കറ്റ് വീതം വീഴ്ത്തി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
