സംസ്ഥാനത്ത് സ്കൂളുകൾ ജൂൺ ഒന്നിന് തുറക്കും; മാർഗ്ഗനിർദ്ദേശങ്ങളുമായി വിദ്യാഭ്യാസ വകുപ്പ്

ബെംഗളൂരു: വേനൽക്കാല അവധിക്ക് സമാപ്തി കുറിച്ചുകൊണ്ട് കർണാടകയിലുടനീളമുള്ള സ്കൂളുകൾ ജൂൺ ഒന്നിന് പുനരാരംഭിക്കും. പുതിയ അധ്യയന വർഷത്തിലേക്ക് വിദ്യാർത്ഥികളും അധ്യാപകരും ഒരുങ്ങുന്ന പശ്ചാത്തലത്തിൽ, സംസ്ഥാനത്തെ മുഴുവൻ സർക്കാർ, എയ്ഡഡ്, അൺഎയ്ഡഡ് പ്രൈമറി-ഹൈസ്കൂളുകൾക്കുമായി വിദ്യാഭ്യാസ വകുപ്പ് കർശനമായ മാർഗ്ഗനിർദ്ദേശങ്ങൾ പുറപ്പെടുവിച്ചു. കുട്ടികളുടെ സുരക്ഷയ്ക്കും ആധുനിക പഠനരീതികൾക്കും മുൻഗണന നൽകുന്നതാണ് പുതിയ നിർദ്ദേശങ്ങൾ. ഇത്തവണ മുതൽ വിദ്യാർത്ഥികൾക്കും അധ്യാപകർക്കും ഡിജിറ്റൽ ഹാജർ സംവിധാനം നിർബന്ധമാക്കിയിട്ടുണ്ട്. കൂടാതെ, തെരഞ്ഞെടുത്ത സ്കൂളുകളിൽ ദ്വിഭാഷാ അധ്യാപന സംവിധാനം നടപ്പിലാക്കാനും വകുപ്പ് നിർദ്ദേശം നൽകി.

മഴക്കാലം ആരംഭിക്കുന്നതിന് മുന്നോടിയായി സ്കൂൾ കെട്ടിടങ്ങളുടെ സുരക്ഷ ഉറപ്പാക്കണമെന്നതാണ് പ്രധാന നിർദ്ദേശം. സ്കൂൾ കെട്ടിടങ്ങൾ, ടോയ്‌ലറ്റുകൾ, അടുക്കളകൾ എന്നിവ തകർന്നതോ ജീർണാവസ്ഥയിലായതോ ആണെങ്കിൽ തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ അവ അടിയന്തിരമായി അറ്റകുറ്റപ്പണികൾ നടത്തുകയോ വൃത്തിയാക്കുകയോ ചെയ്യണം. മഴക്കാലത്തെ അപകടങ്ങൾ ഒഴിവാക്കാൻ സ്കൂൾ കെട്ടിടങ്ങളുടെ സുരക്ഷയ്ക്ക് പരമപ്രധാനമായ മുൻഗണന നൽകണമെന്നും വിദ്യാഭ്യാസ വകുപ്പിന്റെ മാർഗ്ഗനിർദ്ദേശത്തിൽ വ്യക്തമാക്കുന്നു.

ബെംഗളൂരുവിൽ പന്ത്രണ്ട് മണിക്കൂർ ജലവിതരണം മുടങ്ങും; പ്രമുഖ പ്രദേശങ്ങൾ ദുരിതത്തിലാകും; അറിയാൻ വായിക്കാം

വിദ്യാഭ്യാസ വകുപ്പ് പുറപ്പെടുവിച്ച മാർഗ്ഗനിർദ്ദേശങ്ങളിലെ പ്രധാന കാര്യങ്ങൾ ക്രമപ്രകാരം താഴെ നൽകുന്നു:

സ്കൂൾ കെട്ടിടങ്ങൾ, ടോയ്‌ലറ്റുകൾ, അടുക്കളകൾ എന്നിവ ജീർണാവസ്ഥയിലാണെങ്കിൽ, തദ്ദേശ സ്ഥാപനങ്ങളുടെ സഹകരണത്തോടെ അവ ഉടനടി നന്നാക്കുകയോ വൃത്തിയാക്കുകയോ ചെയ്യണം.

സ്കൂളുകളുടെ ശുചിത്വം, കുടിവെള്ളം, സുരക്ഷാ പരിശോധനകൾ എന്നിവ പൂർത്തിയാക്കേണ്ട അവസാന തീയതി മെയ് 28 ആണ്.

മെയ് 29 ന് പ്രധാനാധ്യാപകരും അസിസ്റ്റന്റ് അധ്യാപകരും സ്കൂളിൽ ഹാജരാകുകയും മുൻകൂർ തയ്യാറെടുപ്പുകൾ നടത്തുകയും വേണം.

ബെംഗളൂരു വിമാനത്താവള പാതയിലെ ഫ്ലൈഓവറിൽ താൽക്കാലിക ഗതാഗത നിയന്ത്രണം; യാത്രാ നിർദ്ദേശവുമായി അധികൃതർ

സ്കൂൾ ഉദ്ഘാടന ചടങ്ങും കുട്ടികളുടെ പ്രവേശന പ്രക്രിയയും ജൂൺ 1 ന് ഔദ്യോഗികമായി ആരംഭിക്കും.

6 നും 14 നും ഇടയിൽ പ്രായമുള്ള കുട്ടികൾ സ്കൂളിൽ നിന്ന് കൊഴിഞ്ഞുപോകുന്നില്ലെന്ന് ഉറപ്പാക്കണം.

ജൂൺ 30-ഓടെ എൻറോൾമെന്റ് ഡ്രൈവ് അവസാനിക്കും.

ഈ വർഷം ഉറുദു-ഇംഗ്ലീഷ് ദ്വിഭാഷാ മാധ്യമവും ആരംഭിക്കും.

ദ്വിഭാഷാ വിദ്യാഭ്യാസത്തിനായി വകുപ്പിൽ നിന്ന് മുൻകൂർ അനുമതി ലഭിച്ച സ്കൂളുകളിൽ ദ്വിഭാഷാ പഠന സംവിധാനം നടപ്പിലാക്കണം.

വിദ്യാർത്ഥികൾക്കും അധ്യാപകർക്കും ഡിജിറ്റൽ ഹാജർ നിർബന്ധമാണ്.

ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.

ബെംഗളൂരു ട്രിപ്പിൾ മർഡർ: അമ്മയുടെ കൊലപാതക ഗൂഢാലോചന; മറ്റുളളവർ അപ്രതീക്ഷിതമായി വന്ന് പെട്ടതത്; എല്ലാവരെയും വെട്ടി മലർത്തിയത് ഭയത്താൽ എന്ന് വെളിപ്പെടുത്തൽ

If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]