Month: April 2026

ബെംഗളൂരു: വേനൽച്ചൂടിൽ വെന്തുരുകിയ സിലിക്കൺ സിറ്റിയിൽ വൈകുന്നേരത്തോടെ അപ്രതീക്ഷിതമായി എത്തിയ ഇടിമിന്നലോടു കൂടിയ മഴയും ആലിപ്പഴ വർഷവും ജനജീവിതം ദുസ്സഹമാക്കി. നഗരത്തിന്റെ മിക്ക ഭാഗങ്ങളിലും മണിക്കൂറുകളോളം പെയ്ത കനത്ത മഴയിൽ ഗതാഗതം പൂർണ്ണമായും തടസ്സപ്പെട്ടു. പെട്ടെന്നുണ്ടായ പ്രകൃതിക്ഷോഭത്തിൽ നഗരവാസികൾ പരിഭ്രാന്തരായി. നഗരം വെള്ളത്തിനടിയിൽ മജസ്റ്റിക്, കോറമംഗല, മല്ലേശ്വരം, ജയനഗർ, ഹെബ്ബാൾ, ശിവാജി നഗർ തുടങ്ങി നഗരത്തിന്റെ പ്രധാന ഭാഗങ്ങളെല്ലാം മഴയിൽ മുങ്ങി. വിധാന സൗധയ്ക്ക് പരിസരത്തും ശാന്തിനഗർ, ജെ.പി നഗർ, കോർപ്പറേഷൻ മേഖലകളിലും ശക്തമായ മഴയാണ് രേഖപ്പെടുത്തിയത്. കൊടും ചൂടിനിടയിൽ പെട്ടെന്നുണ്ടായ ഈ മാറ്റത്തിൽ…

ബെംഗളൂരു: വൈദ്യുതി കണക്ഷൻ ഉടമസ്ഥാവകാശം മാറ്റുന്നതിനുള്ള നടപടിക്രമങ്ങൾ ലളിതമാക്കി ബാംഗ്ലൂർ വൈദ്യുതി വിതരണ കമ്പനി (ബെസ്കോം). ഗ്രേറ്റർ ബെംഗളൂരു അതോറിറ്റിയുടെ (ജിബിഎ) ‘ഇ-ഖാത’ ഡാറ്റാബേസുമായി ബെസ്കോം പോർട്ടൽ സംയോജിപ്പിച്ചതോടെ, ഇനി മുതൽ ഉപഭോക്താക്കൾക്ക് ഓഫീസുകൾ കയറിയിറങ്ങാതെ തന്നെ ഓൺലൈനായി പേര് മാറ്റാൻ സാധിക്കും. നേരത്തെ ആഴ്ചകളോളം നീണ്ടുനിന്നിരുന്ന സങ്കീർണ്ണമായ ഈ പ്രക്രിയ ഇപ്പോൾ ഏതാനും മിനിറ്റുകൾക്കുള്ളിൽ പൂർത്തിയാക്കാം. രേഖകളുമായി നേരിട്ട് ഹാജരാകേണ്ടി വന്നിരുന്ന പഴയ രീതി മുതലെടുത്ത് ഇടനിലക്കാർ പതിനായിരം രൂപയോളം ഈടാക്കിയിരുന്ന സ്ഥാനത്ത്, പുതിയ സംവിധാനത്തിലൂടെ വെറും 1,300 രൂപയ്ക്ക് (സ്റ്റാമ്പ് പേപ്പർ,…

ബെംഗളൂരു: വിദ്യാലയങ്ങളിലെ വിവിധ ആഘോഷ പരിപാടികളിൽ അശ്ലീല ചുവയുള്ള ഗാനങ്ങൾ ഉപയോഗിക്കുന്നതിനും നൃത്തങ്ങൾ അവതരിപ്പിക്കുന്നതിനും കർണാടക സ്കൂൾ വിദ്യാഭ്യാസ വകുപ്പ് കർശന നിരോധനം ഏർപ്പെടുത്തി. സർക്കാർ, എയ്ഡഡ്, അൺ എയ്ഡഡ് സ്കൂളുകൾക്ക് ബാധകമായ നിർദ്ദേശങ്ങൾ ഏപ്രിൽ 16-ന് പുറത്തിറക്കിയ സർക്കുലറിലൂടെയാണ് വകുപ്പ് വ്യക്തമാക്കിയത്. നിയമം ലംഘിക്കുന്ന സ്കൂൾ മാനേജ്‌മെന്റുകൾക്കെതിരെ കർശന നടപടി സ്വീകരിക്കാൻ ഡെപ്യൂട്ടി ഡയറക്ടർമാർക്ക് നിർദ്ദേശം നൽകിയിട്ടുണ്ട്. സാംസ്കാരിക മൂല്യങ്ങൾ ഉയർത്തിപ്പിടിക്കുന്നതും മൂല്യാധിഷ്ഠിതവുമായ പാട്ടുകൾ മാത്രമേ സ്കൂളുകളിൽ ഉപയോഗിക്കാവൂ എന്ന് സർക്കുലറിൽ പറയുന്നു. കുട്ടികളുടെ സ്വഭാവരൂപീകരണത്തെയും മാനസികാരോഗ്യത്തെയും ദോഷകരമായി ബാധിക്കുന്ന പ്രകടനങ്ങൾ വിദ്യാഭ്യാസ…

ബെംഗളൂരു: നമ്മ മെട്രോ ട്രെയിനുകളിൽ യാത്ര ചെയ്യുന്ന സ്ത്രീകളുടെ ദൃശ്യങ്ങൾ അവരുടെ അനുവാദമില്ലാതെ രഹസ്യമായി പകർത്തി സാമൂഹിക മാധ്യമങ്ങളിലൂടെ പ്രചരിപ്പിച്ച യുവാവിനെതിരെ കർണാടക ഹൈക്കോടതിയുടെ രൂക്ഷവിമർശനം. “നിങ്ങൾ എങ്ങനെയുള്ള മനുഷ്യനാണ്? സ്ത്രീകൾക്ക് ഒരിടത്തും സുരക്ഷിതമായിരിക്കാൻ കഴിയില്ലേ?” എന്ന് കേസ് പരിഗണിക്കവെ കോടതി ചോദിച്ചു. പ്രതിയായ ബി.കെ. ദിഗന്ത് നൽകിയ ഹർജി തള്ളിക്കൊണ്ടാണ് ജസ്റ്റിസ് എം. നാഗപ്രസന്നയുടെ ബെഞ്ച് കടുത്ത ഭാഷയിൽ പ്രതികരിച്ചത്. അക്കൗണ്ടന്റായ ദിഗന്ത് കഴിഞ്ഞ വർഷം മെയ് മാസത്തിലാണ് ബനശങ്കരി പോലീസിന്റെ പിടിയിലായത്. മെട്രോ ട്രെയിനുകളിൽ വെച്ച് സ്ത്രീകളുടെ ദൃശ്യങ്ങൾ ഒളിഞ്ഞുനോട്ടമെന്നോണം പകർത്തുകയും…