ബെംഗളൂരു: വാണിജ്യ എൽപിജി സിലിണ്ടറുകളുടെ കടുത്ത ക്ഷാമം മൂലം ഹുബ്ബള്ളിയിലെ ഹോട്ടൽ വ്യവസായം കടുത്ത പ്രതിസന്ധിയിലേക്ക്. സിലിണ്ടറുകളുടെ ലഭ്യത കുറഞ്ഞതോടെ നഗരത്തിലെ പല പ്രമുഖ ഹോട്ടലുകളും അടച്ചുപൂട്ടൽ ഭീഷണിയിലാണ്. ഈ അടിയന്തര സാഹചര്യം മറികടക്കാൻ ബദൽ മാർഗമെന്ന നിലയിൽ വിറക് അടുപ്പുകളിലേക്ക് മാറുകയാണ് ഹോട്ടൽ ഉടമകൾ.
കഴിഞ്ഞ കുറച്ചു ദിവസങ്ങളായി ഹുബ്ബള്ളി നഗരത്തിലെ എംജി മാർക്കറ്റിൽ വിറക് അടുപ്പുകൾ വാങ്ങാൻ ഹോട്ടൽ ഉടമകളുടെ വൻ തിരക്കാണ് അനുഭവപ്പെടുന്നത്. മുമ്പ് ആവശ്യക്കാരില്ലാതിരുന്ന വിറക് അടുപ്പുകൾക്ക് ഇപ്പോൾ വിപണിയിൽ അപ്രതീക്ഷിത ഡിമാൻഡാണ് ഉണ്ടായിരിക്കുന്നത്. ഗ്യാസ് സിലിണ്ടറുകൾക്കായി കാത്തുനിൽക്കാതെ, ബിസിനസ്സ് എങ്ങനെയെങ്കിലും നിലനിർത്തുക എന്ന ലക്ഷ്യത്തോടെയാണ് ഉടമകൾ വിറക് അടുപ്പുകൾ കൂട്ടത്തോടെ വാങ്ങുന്നത്.
പാചകവാതക വിതരണത്തിലുണ്ടായ തടസ്സം ഹോട്ടലുകളുടെ ദൈനംദിന പ്രവർത്തനങ്ങളെ സാരമായി ബാധിച്ചിട്ടുണ്ട്. സിലിണ്ടറുകൾ ലഭിക്കാത്തതിനാൽ പല ഹോട്ടലുകളും ഇതിനോടകം തന്നെ പ്രവർത്തനസമയം വെട്ടിക്കുറച്ചു. വിറക് ഉപയോഗിച്ച് പാചകം ചെയ്യുന്നത് പ്രായോഗിക ബുദ്ധിമുട്ടുകൾ ഉണ്ടാക്കുമെങ്കിലും, ഹോട്ടലുകൾ പൂർണ്ണമായും അടച്ചിടുന്നത് ഒഴിവാക്കാൻ മറ്റ് മാർഗങ്ങളില്ലെന്നാണ് വ്യാപാരികൾ പറയുന്നത്. വരും ദിവസങ്ങളിലും സിലിണ്ടർ ക്ഷാമം തുടർന്നാൽ ഹുബ്ബള്ളിയിലെ ഹോട്ടൽ മേഖല കൂടുതൽ സ്തംഭനത്തിലേക്ക് നീങ്ങും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
