Month: August 2025

ബെംഗളൂരു : 2019-20 മുതൽ 2022-23 വരെ ബ്രുഹത് ബെംഗളൂരു മഹാനഗര പാലികെ (ബിബിഎംപി)യിൽ നടത്തിയ പ്രവൃത്തികളുടെ നടത്തിപ്പിൽ ക്രമക്കേടുകൾ നടന്നതായി ആരോപിക്കപ്പെടുന്നതിനെക്കുറിച്ചുള്ള അന്വേഷണ റിപ്പോർട്ട് മുഖ്യമന്ത്രി സിദ്ധരാമയ്യയ്ക്ക് സമർപ്പിച്ചു. ജസ്റ്റിസ് എച്ച്.എൻ. നാഗമോഹൻ ദാസ് അധ്യക്ഷനായ അന്വേഷണ കമ്മീഷൻ ഇന്നലെ (ഓഗസ്റ്റ് 30) മുഖ്യമന്ത്രിയുടെ വസതിയായ കാവേരിയിൽ സിദ്ധരാമയ്യയ്ക്ക് റിപ്പോർട്ട് സമർപ്പിച്ചു. അനുബന്ധങ്ങളോടെ ആകെ 8900 പേജുകളുള്ള ഈ അന്വേഷണ റിപ്പോർട്ടാണിത്. ബിബിഎംപി പ്രവൃത്തികൾ നടപ്പിലാക്കുന്നതിൽ നിരവധി പോരായ്മകൾ കണ്ടെത്തിയിട്ടുണ്ട്, കൂടാതെ കുറ്റക്കാരായ ഉദ്യോഗസ്ഥർക്കെതിരെ നിയമപ്രകാരം നടപടിയെടുക്കാൻ അന്വേഷണ റിപ്പോർട്ടിൽ ശുപാർശ ചെയ്തിട്ടുണ്ട്.…

ബെംഗളൂരു : ഓണത്തിനു മലയാളികൾക്ക് നാട്ടിലെത്താൻ കർണാടക ആർടിസി. സെപ്റ്റംബർ രണ്ടുമുതൽ നാലുവരെ കേരളത്തിന്റെ വിവിധ ഭാഗങ്ങളിലേക്ക് 90 പ്രത്യേക ബസുകൾ പ്രഖ്യാപിച്ചു. ബെംഗളൂരുവിൽനിന്ന് കണ്ണൂർ, കാസർകോട്, മൂന്നാർ, കോഴിക്കോട്, എറണാകുളം, പാലക്കാട്, തൃശ്ശൂർ, ആലപ്പുഴ, കോട്ടയം, തിരുവനന്തപുരം എന്നിവിടങ്ങളിലേക്കാണ് പ്രത്യേക സർവീസുകൾ. ഓണത്തിനുശേഷം സെപ്റ്റംബർ ഏഴിന് ഇവിടങ്ങളിൽനിന്ന് ബെംഗളൂരുവിലേക്കും പ്രത്യേക സർവീസുകളുണ്ടാകും. ഇതുകൂടാതെ ബെംഗളൂരുവിൽനിന്ന് പുട്ടപർത്തി, കോയമ്പത്തൂർ, മധുര, കൊടൈക്കനാൽ, പുതുച്ചേരി എന്നിവിടങ്ങളിലേക്കും പ്രത്യേക സർവീസ് അനുവദിച്ചിട്ടുണ്ട്. രാജഹംസ എക്സിക്യുട്ടീവ്, നോൺ എസി സ്ലീപ്പർ, ഐരാവത് ക്ലബ് ക്ലാസ്, അംബാരി ഉത്സവ്, അംബാരി…

ബെംഗളൂരു : ദസറയുടെ ജംബു സവാരിയുടെ ഭാഗമായി ആനകളുടെ പരിശീലനം ആരംഭിച്ചു. രണ്ടാമത്തെ ബാച്ചിലെ അഞ്ച് ആനകൾകൂടി എത്തിയതോടെ 14 ആനകളുടെയും പരിശീലനം നഗരത്തിൽ ആരംഭിച്ചു. ആനകളുടെ രണ്ടാമത്തെ ബാച്ചിന്റെ ഭാരം പരിശോധിച്ചു. മടിക്കേരി വന്യജീവി ഡിവിഷനിലെ ദുബാരെ ക്യാമ്പിൽനിന്നുള്ള 43 വയസ്സുള്ള ‘സുഗ്രീവ’യാണ് ഏറ്റവും കൂടുതൽ ഭാരമുള്ള ആന. 5,545 കിലോ ഗ്രാമാണ് തൂക്കം. തൊട്ടുപിന്നാലെ നാഗർഹോള കടുവ സംരക്ഷണകേന്ദ്രത്തിലെ മത്തിഗോട് ക്യാമ്പിൽ നിന്നുള്ള 56 വയസ്സുള്ള ‘ശ്രീകാന്ത’ ആണ്. 4,990 കിലോ ഗ്രാം. നഗരത്തിന്റെ ഹൃദയഭാഗത്തൂടെ നിശ്ചയിച്ച ജംബൂ സവാരി ഘോഷയാത്ര…

ബെംഗളൂരു : ബെംഗളൂരുവിൽ നിന്ന് കൊട്ടാരക്കരയ്ക്ക് കേരള ആർടിസിയുടെ സ്ലീപ്പർ ബസ് സർവീസ് തുടങ്ങി. കൂടുതൽ യാത്രക്കാരുള്ള ദിവസങ്ങളിലാണ് ഈ ബസ് സർവീസ് നടത്തുകയെന്ന് ബെംഗളൂരു ഡിപ്പോ അധികൃതർ പറഞ്ഞു. 2,210 രൂപയാണ് ടിക്കറ്റ് നിരക്ക്. എസി മൾട്ടി ആക്സിൽ ബസാണ്.വൈകിട്ട് 5.45-ന് ബസ് ബെംഗളൂരു സാറ്റലൈറ്റ് ഡിപ്പോയിൽനിന്ന് പുറപ്പെടും. ഓണത്തോടനുബന്ധിച്ചുള്ള പ്രത്യേക സർവീസുകളായി സെപ്റ്റംബർ രണ്ടു മുതൽ സർവീസ് നടത്തും. പിന്നീട് ദിവസേനയുള്ള സർവീസായി മാറുമെന്നാണ് പ്രതീക്ഷിക്കുന്നതെന്നും ഡിപ്പോയിൽനിന്നും അറിയിച്ചു.