ബെംഗളൂരു: മജസ്റ്റിക് മെട്രോ ഇന്റർചേഞ്ച് സ്റ്റേഷനിൽ നിന്ന് കെഎസ്ആർടിസി ടെർമിനലിലേക്ക് നേരിട്ട് പ്രവേശിക്കാൻ പുതിയ കവാടം തുറന്നു.
മെട്രോ സ്റ്റേഷനിൽ നിന്ന് ഡി എന്ന് പേരിട്ട കവാടം വഴി കെഎസ്ആർടിസിയുടെ 2, 2 എ ടെർമിനലുകളിലേക്ക് പ്രവേശിക്കാം.
ഇവിടെ നിന്ന് മേൽപാലം വഴി കെഎസ്ആർടിസിയുടെ 1,3, ബിഎംടിസി ടെർമിനലുകളിലേക്കും പ്രവേശിക്കാം.
നേരത്തെ ഗുബിതോട്ടപ്പ റോഡിലേക്കുള്ള കവാടം വഴിയായിരുന്നു കെഎസ്ആർടിസി, ബിഎംടിസി ടെർമിനലുകളിൽ നിന്ന് യാത്രക്കാർ മെട്രോ സ്റ്റേഷനിലേക്ക് പ്രവേശിച്ചിരുന്നത്.
ലഗേജുകളുമായി യാത്രക്കാർ ചുറ്റിവളഞ്ഞ് സഞ്ചരിക്കുന്നത് ഏറെ പ്രയാസകരമായിരുന്നു. തുടർന്നാണ് പുതിയ കവാടം തുറന്നത്.
8 കവാടങ്ങളുള്ള മജസ്റ്റിക് ഇന്റർചേഞ്ച് സ്റ്റേഷനെ മാത്രം പ്രതിദിനം ചുരുങ്ങിയത് ഒന്നരലക്ഷം പേർ ആശ്രയിക്കുന്നുണ്ടെന്നാണ് കണക്ക്.
