ബെംഗളൂരു : കഴിഞ്ഞ രണ്ടുമാസത്തിനിടെ മൈസൂരു സിറ്റി പോലീസ് നടത്തിയ സ്പെഷ്യൽ ഡ്രൈവിലൂടെ 42 വ്യത്യസ്ത കേസുകളിൽപ്പെട്ട 19 പ്രതികളെ അറസ്റ്റ് ചെയ്തു.
ഇവരിൽനിന്ന് 63 ലക്ഷം രൂപയുടെ മോഷ്ടിച്ച സ്വത്തുക്കൾ കണ്ടെടുത്തായി സിറ്റി പോലീസ് കമ്മിഷണർ സീമ ലട്കർ പറഞ്ഞു. തെളിയിക്കപ്പെട്ടവയിൽ 28 വാഹനമോഷണങ്ങളുംപെടും. 659 ഗ്രാം സ്വർണാഭരണങ്ങൾ, ഒരു കിലോ വെള്ളി, 27 ഇരുചക്ര വാഹനങ്ങൾ, ഒരു കാർ, 2,57,000 രൂപ, ഒരു ലാപ്ടോപ്പ് എന്നിവയും വിവിധ പ്രതികളിൽനിന്ന് കണ്ടെടുത്തു.
രണ്ടുവർഷം മുൻപ് സരസ്വതിപുരത്ത് ഒരു വീട് കൊള്ളയടിച്ച കേസിലെ പിടികിട്ടാപുള്ളിയെ അറസ്റ്റ് ചെയ്തതാണ് ഇതിൽ എറ്റവുംവലിയ കേസ്.
മയക്കുമരുന്ന് ദുരുപയോഗത്തിന്റെ അപകടങ്ങളെക്കുറിച്ച് പൊതുജനങ്ങളെ ബോധവത്കരിക്കുന്നതിനായി ബോധവത്കരണ പ്രചാരണം നടത്തുന്നുണ്ടെന്നും പോലീസ് അറിയിച്ചു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
