ബെംഗളൂരു: എം.എല്.സി തെരഞ്ഞെടുപ്പുമായി ബന്ധപ്പെട്ട് കര്ണാടക കോണ്ഗ്രസില് തര്ക്കം രൂക്ഷം. തെരഞ്ഞെടുപ്പില് മത്സരിപ്പിക്കേണ്ട നാല് പേരുടെ പട്ടിക സംബന്ധിച്ച് പാര്ട്ടിക്കുള്ളില് തീരുമാനമായെങ്കിലും ലിസ്റ്റ് ഇതുവരെ ഗവര്ണര്ക്ക് അയച്ചിട്ടില്ല. പാര്ട്ടിക്കുള്ളിലെ ഭിന്നതകള് മൂലമാണ് ലിസ്റ്റ് അയക്കുന്നത് വൈകുന്നതെന്നാണ് റിപ്പോര്ട്ട്.
ദലിത് ആക്ടിവിസ്്റ്റ് ഡി.ജി സാഗര്, മാധ്യമപ്രവര്ത്തകന് ദിനേഷ് അമിന് മാട്ടു, കോണ്ഗ്രസ് പ്രചാരണവിഭാഗം മേധാവി രമേഷ് ബാബു, കര്ണാടക എന്.ആര്.ഐ ഫോറം ഡെപ്യൂട്ടി ചെയര്പേഴ്സണ് ആരതി കൃഷ്ണ എന്നിവരെ തെരഞ്ഞെടുപ്പില് മത്സരിപ്പിക്കാനാണ് കോണ്ഗ്രസ് പദ്ധതി.
പേരുകള്ക്ക് കോണ്ഗ്രസ് ഹൈക്കമാന്ഡ് അംഗീകാരം നല്കിയെങ്കിലും പാര്ട്ടിക്കുള്ളില് ഇതുസംബന്ധിച്ച് ധാരണയായിട്ടില്ലെന്നാണ് റിപ്പോര്ട്ടുകള്. പാര്ട്ടി പ്രവര്ത്തകരെ തന്നെ മത്സരിപ്പിക്കണമെന്ന് ഒരുവിഭാഗം ആവശ്യപ്പെട്ടതോടെയാണ് തര്ക്കം രൂക്ഷമായത്.
