ബെംഗളൂരു : കോൺഗ്രസ് മുൻ എംപി ഡി.കെ. സുരേഷിന്റെ ഭാര്യയാണെന്ന് പറഞ്ഞ് സാമൂഹിക മാധ്യമത്തിൽ പോസ്റ്റിട്ട യുവതിയെ രാമനഗര സൈബർ ക്രൈം പോലീസ് അറസ്റ്റുചെയ്തു.
പ്രൈമറി സ്കൂൾ അധ്യാപിക പവിത്ര ദൊഡ്ഡലഹള്ളി (30) ആണ് അറസ്റ്റിലായത്. ഡി.കെ. സുരേഷിന്റെ ഭാര്യയാണെന്ന് പറഞ്ഞാണ് ഇവർ ഫെയ്സ്ബുക്കിലും ഇൻസ്റ്റഗ്രാമിലും പോസ്റ്റ് ചെയ്തത്.
എംപിയുടെ ഫോട്ടോ യുവതിയുടെ ചിത്രത്തിനൊപ്പം വെച്ചും പോസ്റ്റ് ചെയ്തതായി പരാതിയിൽ പറഞ്ഞു.
ഡി.കെ. സുരേഷിന്റെ ഭാര്യയായതിൽ സന്തോഷമുണ്ടെന്ന് പറഞ്ഞ് ഏപ്രിൽ എട്ടിന് യുവതി ഇൻസ്റ്റഗ്രാം അക്കൗണ്ടിൽ വീഡിയോയും ഇട്ടിരുന്നു.
ഡി.കെ. സുരേഷിന്റെപേരും പറഞ്ഞ് യുവതി ആളുകളെ കബളിപ്പിച്ചിരുന്നതായും പരാതിയിൽ പറഞ്ഞു.
