Month: June 2024

ബെംഗളൂരു : ബെംഗളൂരുവിലെ തടാകങ്ങളിൽ മീനുകൾ ചത്തുപൊങ്ങുന്നത് ആവർത്തിക്കുന്നതിൽ വിശദീകരണംതേടി ദേശീയ ഹരിതട്രിബ്യൂണൽ ബെംഗളൂരു കോർപ്പറേഷനും കർണാടക മലിനീകരണ നിയന്ത്രണ ബോർഡിനും നോട്ടീസയച്ചു. സ്വമേധയാ കേസെടുത്തശേഷമാണ് നോട്ടീസയച്ചത്. മീനുകൾ ചത്തുപൊങ്ങിയതിനെപ്പറ്റി വന്ന മാധ്യമവാർത്തകൾ പരിഗണിച്ചാണ് നടപടി. 2023-ൽ 15 തടാകങ്ങളിലായി മീനുകൾ ചത്തുപൊങ്ങിയ 20 സംഭവങ്ങളുണ്ടായിട്ടുണ്ടെന്ന് നോട്ടീസിൽ പറഞ്ഞു. 2017 മുതൽ 2023 വരെ 61 സംഭവങ്ങളുണ്ടായി. കഴിഞ്ഞവർഷം കോത്തന്നൂർ, കുന്ദലഹള്ളി, ഭട്ടരഹള്ളി തടാകങ്ങളിൽ പലതവണ മീനുകൾ ചത്തതായും ചൂണ്ടിക്കാട്ടി. മാലിന്യം ഒഴുകിയെത്തുന്നതാണ് മീനുകൾ ചാകാൻ കാരണമാകുന്നതെന്നും നോട്ടീസിലുണ്ട്. വ്യവസായസ്ഥാപനങ്ങളിൽനിന്ന് രാസമാലിന്യങ്ങൾ ഒഴുകിയെത്തുന്നതാണ് തടാകങ്ങളിലെ…

ബെംഗളൂരു : ബെംഗളൂരു-മംഗളൂരു ഹൈവേയിൽ നവയുഗ ടോൾപ്ലാസയിൽ ലോറിയിടിച്ച് ടോൾബൂത്ത് ജീവനക്കാരൻ മരിച്ചു. ബസവേശ്വരനഗർ സ്വദേശി നാഗരാജ് (25) ആണ് മരിച്ചത്. വെള്ളിയാഴ്ച രാത്രി 11.30-നായിരുന്നു സംഭവം. ഫാസ്ടാഗില്ലാത്തതിനാൽ ടോളിൽനിന്ന് രക്ഷപ്പെടാൻ ഡ്രൈവർ ശ്രമിച്ചപ്പോഴാണ് അപകടമുണ്ടായതെന്ന് പോലീസ് പറഞ്ഞു. ഭക്ഷണം കഴിച്ചശേഷം ടോൾ ഗേറ്റിലേക്ക് വരാൻ റോഡ് മുറിച്ചുകടക്കുന്നതിനിടെ നാഗരാജിനെ അധികവേഗത്തിലെത്തിയ ലോറി ഇടിച്ചുതെറുപ്പിക്കുകയായിരുന്നു. നെലമംഗല പോലീസ് കേസെടുത്തു. ലോറി ഹുബ്ബള്ളിയിൽനിന്ന് കസ്റ്റഡിയിലെടുത്തു. ലോറി ഉടമയ്ക്ക് നോട്ടീസയച്ചതായി പോലീസ് പറഞ്ഞു. അഞ്ചുമാസം മുമ്പാണ് നാഗരാജ് ടോൾബൂത്തിൽ ജോലിയിൽ പ്രവേശിച്ചത്.

ബെംഗളൂരു : ബെംഗളൂരു ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മെന്റിൽ (ഐ.ഐ.എം.ബി.) ജാതിവിവേചനം ആരോപിച്ച് അധ്യാപകൻ. മാർക്കറ്റിങ് വിഭാഗം അസോസിയേറ്റ് പ്രൊഫസർ ഗോപാൽദാസ് രാഷ്ട്രപതി ദ്രൗപദി മുർമുവിന് നൽകിയ പരാതിയുടെ അടിസ്ഥാനത്തിൽ സിവിൽ റൈറ്റ്‌സ് എൻഫോഴ്‌സ്‌മെന്റ് ഡയറക്ടറേറ്റ് അന്വേഷണം തുടങ്ങി. രാഷ്ട്രപതിയുടെ ഓഫീസ് ആവശ്യപ്പെട്ടതിനെത്തുടർന്നാണിത്. കഴിഞ്ഞ ജനുവരി മൂന്നിന് രാഷ്ട്രപതി ഐ.ഐ.എം.ബി. സന്ദർശിച്ചപ്പോഴാണ് ഗോപാൽദാസ് പരാതി നൽകിയത്. ഐ.ഐ.എം.ബി. ഡയറക്ടർ ഋഷികേശ് ടി. കൃഷ്ണ ഉൾപ്പെടെ എട്ടാളുകൾക്കെതിരേയായിരുന്നു പരാതി. ദളിത് വിഭാഗത്തിൽപ്പെട്ടതിനാൽ സ്ഥാനക്കയറ്റം നൽകിയില്ലെന്നും മാനേജ്‌മെന്റിൽനിന്നും സഹപ്രവർത്തകരിൽനിന്നും ഉപദ്രവമുണ്ടായെന്നും പരാതിയിൽ ആരോപിച്ചു. ഐ.ഐ.എം.ബി.യുടെ പരിപാടികളിൽനിന്ന് മാറ്റി…

ബെംഗളൂരു : ചിക്കബല്ലാപുരയിലെ ദണ്ഡിഗാനഹള്ളി അണക്കെട്ടിൽ മുംബൈ സ്വദേശികളായ രണ്ട് പെൺകുട്ടികൾ മുങ്ങിമരിച്ചു. ആലിയ പട്ടേൽ (17), സോയ പട്ടേൽ (14) എന്നിവരാണ് മരിച്ചത്. അണക്കെട്ടിന്റെസംഭരണിൽ നീന്താനിറങ്ങിയപ്പോഴായിരുന്നു അപകടം. ഗൗരിബിദനൂരിലെ ബന്ധുവീട്ടിലെത്തിയതായിരുന്നു പെൺകുട്ടികൾ. ഞായറാഴ്ച രാവിലെയായിരുന്നു സംഭവം. ഞായറാഴ്ച മുംബൈയിലേക്ക് മടങ്ങാനിരിക്കുകയായിരുന്നു ഇരുവരും. മഞ്ചെനഹള്ളി പോലീസ് കേസെടുത്തു.

ബെംഗളൂരു : ബെലഗാവി ജില്ലയിലെ ചിക്കോടിയിൽ ബാലു മമ ജത്ര ആഘോഷത്തിനിടെ വിളമ്പിയ ഭക്ഷണംകഴിച്ച 44 പേരെ ദേഹാസ്വാസ്ഥ്യത്തെത്തുടർന്ന് ആശുപത്രിയിൽ പ്രവേശിപ്പിച്ചു. ഇതിൽ 30 പേരെ ചിക്കോടി സർക്കാർ ആശുപത്രിയിലും ബാക്കിയുള്ളവരെ കെരൂർ, എക്സംബ എന്നിവിടങ്ങളിലെ ആശുപത്രികളിലുമാണ് പ്രവേശിപ്പിച്ചത്. എല്ലാവരുടെയും ആരോഗ്യനില തൃപ്തികരമാണെന്ന് ഡോക്ടർമാർ പറഞ്ഞു. ആഘോഷത്തിനിടെ വിളമ്പിയ ചോറും സാമ്പാറും കഴിച്ചവർക്കാണ് ദേഹാസ്വാസ്ഥ്യമുണ്ടായത്. ചിലർക്ക് വയറിളക്കവും ഛർദിയുമുണ്ടാവുകയുംചെയ്തു.

ബെംഗളൂരു : ഹാസൻ എം.പി. പ്രജ്ജ്വൽ രേവണ്ണയുടെ അശ്ലീല വീഡിയോയിൽ ഉൾപ്പെട്ട അതിജീവിതയെ തട്ടിക്കൊണ്ടുപോയ കേസിൽ പ്രജ്ജ്വലിന്റെ അമ്മ ഭവാനി രേവണ്ണയ്ക്കുവേണ്ടി തിരച്ചിൽ ശക്തമാക്കി പ്രത്യേക അന്വേഷണസംഘം(എസ്.ഐ.ടി.). ഭവാനിയെ കണ്ടെത്തിയാലുടൻ അറസ്റ്റുചെയ്യാനാണ് നീക്കം. ബെംഗളൂരു, മൈസൂരു, ഹാസൻ, മാണ്ഡ്യ, രാമനഗര എന്നിവിടങ്ങളിൽ അവരെത്താൻ സാധ്യതയുള്ള സ്ഥലങ്ങളിലും ബന്ധുവീടുകളിലുമായിരുന്നു പരിശോധന. കേസിൽ ചോദ്യംചെയ്യലിന് ശനിയാഴ്ച ഭവാനിരേവണ്ണയുടെ വീട്ടിൽ അന്വേഷണസംഘമെത്തിയെങ്കിലും പിടികൊടുക്കാതെ അവർ മാറിനിൽക്കുകയായിരുന്നു. തുടർന്ന് ശനിയാഴ്ച രാത്രിയും ഞായറാഴ്ച പകലും അന്വേഷണം തുടർന്നെങ്കിലും കണ്ടെത്താനായില്ല. ഭവാനി രേവണ്ണ ഒളിവിൽപ്പോയതാണെന്നും അവരെ കണ്ടെത്തിയാലുടൻ അറസ്റ്റ് ചെയ്യുമെന്നും ആഭ്യന്തരമന്ത്രി…