നീണ്ട ഇടവേളയ്‌ക്ക് ശേഷം ലിയോ എന്ന ചിത്രത്തിലൂടെ വിജയും തൃഷയും ഒന്നിച്ചെത്തിയിരുന്നു.
ഒട്ടേറെ ചിത്രങ്ങളില്‍ ഒരുമിച്ച്‌ നായികാ നായകന്മാരായി അഭിനയിക്കുന്നവരെ കുറിച്ച്‌ ഗോസിപ്പുകള്‍ പരക്കുന്നത് സാധാരണമാണ്.
സമാനമായ രീതിയില്‍ വിജയ്-തൃഷ കൂട്ടുകെട്ടിനെ കുറിച്ചും നിരവധി ഗോസിപ്പുകളും പുറത്ത് വന്നിരുന്നു.
വിജയുടെ കുടുംബത്തില്‍ ഭിന്നതയുണ്ടായതായും ഭാര്യ സംഗീതയുമായി വേര്‍പിരിഞ്ഞ് താമസിക്കുകയാണെന്നും വരെ കഥകള്‍ വന്നു.
എന്നാല്‍ പ്രശ്‌നങ്ങള്‍ കൂടുതല്‍ വഷളാവുന്ന തരത്തിലൊരു വെളിപ്പെടുത്തലാണ് സിനിമാലോകത്ത് നിന്നും ഇപ്പോള്‍ പുറത്തുവരുന്നത്.
വിലകൂടിയ നെക്ലേസ് വിജയ് തൃഷയ്ക്ക് സമ്മാനമായി നല്‍കിയെന്നാണ് പ്രചരിക്കുന്ന റിപ്പോര്‍ട്ടുകളില്‍ പറയുന്നത്.
അടുത്തിടെ ഒരു യൂട്യൂബ് ചാനലിന് നല്‍കിയ അഭിമുഖത്തിലൂടെ പ്രശസ്ത സിനിമാ പത്രപ്രവര്‍ത്തകനായ പാണ്ഡ്യന്‍ വിജയ് – തൃഷയെ കുറിച്ചുള്ള ചില രഹസ്യങ്ങള്‍ വെളിപ്പെടുത്തിയിരുന്നു.
മുന്‍പ് നടി തൃഷയുടെ വീട്ടില്‍ ഇഡി റെയ്ഡില്‍ ഒരു കോടി രൂപ വിലമതിക്കുന്ന വജ്ര നെക്ലേസ് പിടിച്ചെടുത്തിരുന്നു.
കണക്കില്‍ പെടാത്ത മാലയെക്കുറിച്ച്‌ ഉദ്യോഗസ്ഥര്‍ തൃഷയോട് ചോദിച്ചപ്പോള്‍ അത് തനിക്ക് സമ്മാനം കിട്ടിയതാണെന്നായിരുന്നു നടിയുടെ മറുപടി.
തമിഴിലെ സൂപ്പര്‍താരം കൂടിയായ നടന്‍ വിജയ് തനിക്ക് സമ്മാനമായി നല്‍കിയ മാലയാണെന്നാണ് തൃഷ പറഞ്ഞതെന്നും പാണ്ഡ്യന്‍ പറയുന്നു.
