ബെംഗളൂരു: ഒരു കഷ്ണം ദോശ ആവി പറക്കുന്ന ചൂടുള്ള സാമ്പാറിന്റെയോ മസാല ചട്ണിയുടെയോ ഒരു പാത്രത്തിലേക്ക് മുക്കുകയും അതിനെ ചുരുട്ടി വായിലേക്ക് വെക്കുമ്പോൾ ഉള്ളൊരു സന്തോഷം നമ്മളെല്ലാവരും അനുഭവിച്ചിട്ടുണ്ട്. ദോശയിൽ നന്നായി താളിച്ച ഉരുളക്കിഴങ്ങ് നിറച്ചും കിട്ടുന്ന മസാല ദോശയോ ആവട്ടെ അല്ലങ്കിൽ മൊരിഞ്ഞ നല്ല ചൂട് നെയ്‌റോസ്സ്റ്റോ ആവട്ടേ ഒന്നിന് ഒന്ന് മികച്ചതാണ്.
എന്നാൽ കഴിഞ്ഞ കുറച്ച് വർഷങ്ങളായി, വിനീതമായ ദോശ നിരവധി പരീക്ഷണങ്ങൾക്ക് വിധേയമാണ്. നമുക്ക് ഇപ്പോൾ പിസ്സ ദോശകൾ, കൊറിയൻ ദോശകൾ, ഷെസ്‌വാൻ ദോശകൾ, കൂടാതെ മാഗി ദോശകൾ പോലും കണ്ടെത്താൻ കഴിയും, എന്നാൽ അവയിൽ ചിലതിന് അത്ര മോശം രുചിയില്ലെന്ന് സമ്മതിക്കാതെ വയ്യ.
എന്നിരുന്നാലും, കർണാടകയിലെ പരമ്പരാഗത ദോശകൾ ആസ്വദിക്കാൻ ആളുകൾ തേടി പോകുന്ന കഥകൾ ഇപ്പോളും തുടരുന്നു. മസാല ദോശയെക്കുറിച്ചല്ല സംസാരിക്കുന്നത്, എന്ന് പ്രത്യേകം ഓർക്കുക! ദാവൻഗെരെ ബെന്നെ ദോശ, മുൾബഗൽ ദോശ, നീർ ദോശ തുടങ്ങിയ ദോശ കുടുംബത്തിലെ തലമൂത്ത നായകന്മാരെയാണ് ഇവിടെ പരാമർശിക്കുന്നത്, അവ ലോകമെമ്പാടുമുള്ള ദോശകൾ പോലെ പ്രസിദ്ധമല്ലായിരിക്കാം, എന്നിരുന്നാലും ഒരേപോലെ രുചികരവും പ്രിയപ്പെട്ടതുമായ ദോശകൾക്ക് കേട്ടതാണ് സംസ്ഥാനം.
കർണാടകയിൽ ഓരോ 100 കിലോമീറ്ററിനും ശേഷം, വെള്ളത്തിന്റെ സ്വഭാവം മാറുന്നതിനാൽ ദോശയുടെ രുചി മാറുന്നുവെന്നാണ് @ghatotkatcha എന്ന ഇൻസ്റ്റാഗ്രാം അക്കൗണ്ട് കൈകാര്യം ചെയ്യുന്ന ഫുഡ് ഇൻഫ്ലുവൻസർ കുനാൽ ബൈസാനി വിശ്വസിക്കുന്നത്. സംസ്ഥാനത്തിന്റെ ഓരോ ഭാഗവും വ്യത്യസ്ത രീതിയിലുള്ള ദോശ വാഗ്ദാനം ചെയ്യുന്നതായും അദ്ദേഹം കൂട്ടിച്ചേർത്തു.
ബല്ലാരി മസാല ദോശകൾ കനം കുറഞ്ഞതും എന്നാൽ ചടുലവുമല്ലെങ്കിലും, ബെൽഗാമിലുള്ള ദോശയ്ക്ക് മഹാരാഷ്ട്രിയൻ സ്വാധീനമുണ്ട്, ഉത്തരേന്ത്യൻ ഭക്ഷണ രീതിയോട് സാമ്യവുമുണ്ട്. മുൻ സ്ഥലത്തെ ചൂടുള്ള കാലാവസ്ഥ കാരണം ദാവൻഗരെയിലെ വെണ്ണകൊണ്ടുള്ള ബെന്നെ ദോശകൾ ബെംഗളൂരുവിൽ അത്ര രുചികരമല്ല, അതേസമയം തുപ്പട് മസാല ദോശ എന്നറിയപ്പെടുന്ന ഹാസനിലെ ദോശകളിൽ ഈ പ്രദേശത്ത് ധാരാളമായി ലഭിക്കുന്നു വെന്നും പോരാത്തതിന് അതിൽ നെയ്യ് അധികമായി അടങ്ങിയിട്ടുണ്ട്, എന്നും അദ്ദേഹം വിശദീകരിക്കുന്നു.
മറുവശത്ത്, മുൾബഗൽ ദോശ ഒരു സെമി-അപ്പം പോലെയാണ്, കാരണം മാവിൽ അവലക്കി (അല്ലെങ്കിൽ പോഹ) അടങ്ങിയിരിക്കുന്നു. കർണാടകയുടെയും ആന്ധ്രാപ്രദേശിന്റെയും അതിർത്തിയിലുള്ള മുൽബാഗൽ പട്ടണത്തിലാണ് ഇതിന്റെ ഉത്ഭവം. എന്നാൽ ഉയർന്ന താപനില കാരണം ഇത് വേഗം കേടാകുമെന്നും, അദ്ദേഹം കൂട്ടിച്ചേർക്കുന്നു.
മൈസൂരു, മണ്ഡ്യ, ബംഗളൂരു എന്നിവിടങ്ങളിലെ ചില പഴയ പ്രദേശങ്ങളിൽ വരുമ്പോൾ, നനുത്തതും സുഷിരവുമായ അവലക്കി ദോശ ഉണ്ടാക്കാൻ അവലക്കി ഉപയോഗിക്കുന്നു. “ഇത് ഒരു വശത്ത് മൊരിഞ്ഞതും മറുവശത്ത് വെളുത്തതുമാണ്, എന്നും കുനാൽ വിശദീകരിക്കുന്നു.
കർണാടകയിലെ പരമ്പരാഗത ദോശകളെക്കുറിച്ച് പറയുമ്പോൾ, നീർദോശ എങ്ങനെ ഉപേക്ഷിക്കും? തീരദേശ നഗരമായ മംഗലാപുരത്ത് നിന്ന് ഉത്ഭവിച്ച വെള്ളയും സുഷിരവും മൃദുവും സ്‌പോഞ്ചിയും ഉള്ള നീർദോശകൾ സംസ്ഥാനത്ത് നിന്നും നിർബന്ധമായും കഴിക്കേണ്ട ഒന്നാണ്. മികച്ച നീർദോശ ഉണ്ടാക്കാൻ, ഒരാൾക്ക് വേണ്ടത് പഴകിയ അരിയാണ്, കുറഞ്ഞത് എട്ട് മണിക്കൂർ എങ്കിലും പഴക്കമുള്ളതാവേണമെന്ന് ബെംഗളൂരു എംബസി മാന്യത ടെക് പാർക്കിലെ ഹിൽട്ടൺ ആൻഡ് ഹിൽട്ടൺ ഗാർഡൻ ഇൻ എക്സിക്യൂട്ടീവ് ഷെഫ് ഗൗരവ് ആനന്ദ് വെളിപ്പെടുത്തുന്നു.
കുതിർക്കുമ്പോൾ, ഞങ്ങൾ നിരവധി പരീക്ഷണങ്ങൾ നടത്തി, കുറഞ്ഞത് 12 മണിക്കൂറെങ്കിലും അരി കുതിർക്കുന്നതാണ് ഏറ്റവും നല്ലതെന്ന നിഗമനത്തിലെത്തിയതെന്നും ദേഹം കൂട്ടിച്ചേർത്തു. ശേഷം അരച്ച മാവിലേക്, അല്പം ഉപ്പ് ചേർക്കുക, നിങ്ങളുടെ നീർ ദോശ തയ്യാർ. ഈ മാവിൽ പയറൊന്നും ചേർക്കേണ്ട ആവശ്യമില്ലന്നും അദ്ദേഹം വിശദീകരിക്കുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
