ബെംഗളൂരു: മലയാളി യുവാവിനെ കെട്ടിട നിർമാണ സ്ഥലത്തെ കുഴിയിൽ വീണു മരിച്ച നിലയിൽ കണ്ടെത്തി. ഹെബ്ബാൾ വ്യവസായ മേഖലയിലെ ചെറിയാൻ ഫാബ്രിക്കേറ്റർസ് ഉടമ മൈസൂരു വിജയ നഗർ സെക്കന്റ് സ്റ്റേജിൽ താമസിക്കുന്ന തൃശൂർ പട്ടിക്കാട് കൈപ്പനാൽ കെ.എം.ചെറിയാന്റെ മകൻ ക്രിസ്റ്റോ ചെറിയാൻ 35 ആണ് മരിച്ചത്.
ശനിയാഴ്ച വൈകിട്ട് 7 ന് നടക്കാൻ വീട്ടിൽ നിന്നും പുറത്തു ഇറങ്ങിയ ക്രിസ്റ്റോ രാത്രി ആയിട്ടും തിരിച്ചെത്തിയില്ല. ഇന്നലെ രാവിലെ വിജയനഗർ ലേണേഴ്‌സ് കോളേജിന് സമീപത്ത് അപാർട്മെന്റ് നിർമാണത്തിനായി പൈലിങ് നടത്തിയ കുഴിയിൽ നിന്നാണ് മൃതദേഹം കണ്ടെത്തിയത്. വിജയനഗർ പോലീസ് ഇൻക്യുസ്റ് നടത്തിയ മൃതദേഹം പോസ്റ്റുമോർട്ടത്തിനായി ജെ.എസ്.എസ് മെഡിക്കൽ കോളെജ് മോർച്ചറിയിലേക്ക് മാറ്റി. സംസ്ക്കാരം ഇന്ന് ഉച്ചകഴിഞ്ഞ് 2 ന് മൈസൂരു സെന്റ് ഗ്രിഗേറിയോസ്‌ ഓർത്തഡോസ് പള്ളിയിൽ.
മാതാവ് : സാലി
ഭാര്യ : ദയ മാറിയ
മകൻ : ബെഞ്ചമിൻ
