ബെംഗളൂരു: സംസ്ഥാനത്ത് സദാചാര ഗുണ്ടായിസം അവസാനിപ്പിക്കുമെന്ന് കർണാടക മുഖ്യമന്ത്രി സിദ്ധരാമയ്യ. ക്രമസമാധാന പാലനത്തിൽ മതങ്ങൾക്കിടയിൽ വിവേചനം ഇല്ലെന്ന് ഉറപ്പാക്കാൻ പോലീസ് ഉദ്യോഗസ്ഥരോട് ആവശ്യപ്പെട്ടു. കോൺഗ്രസ് സർക്കാർ അധികാരത്തിൽ വന്നതിന് ശേഷം ഉന്നത പോലീസ് ഉദ്യോഗസ്ഥരുമായി നടത്തിയ കന്നി ചർച്ചയിൽ, ക്രമസമാധാന നില വഷളായാൽ ബന്ധപ്പെട്ട ഉദ്യോഗസ്ഥർ ഉത്തരവാദികളായിരിക്കുമെന്ന് മുന്നറിയിപ്പ് നൽകുകയും സോഷ്യൽ മീഡിയ പോസ്റ്റുകളിലൂടെ ഐക്യം തകർക്കുന്നവർക്കെതിരെ കർശന നടപടിയെടുക്കാൻ നിർദേശിക്കുകയും ചെയ്തു. ജനസൗഹൃദമായി പെരുമാറാൻ ഞങ്ങൾ പോലീസിനോട് ആവശ്യപ്പെട്ടിട്ടുണ്ട്, പരാതി നൽകാൻ വരുന്നവരോട് അവർ മാന്യമായി പെരുമാറണം എന്നും അദ്ദേഹം കൂട്ടിച്ചേർത്തു.
പോലീസ് ഇൻസ്പെക്ടർ മാത്രമല്ല, റൗഡിസം, ക്ലബ്ബുകൾ, മയക്കുമരുന്ന് ഭീഷണി തുടങ്ങിയ കുറ്റകൃത്യങ്ങൾക്കും നിയമവിരുദ്ധ പ്രവർത്തനങ്ങൾക്കും അവരുടെ ഏതെങ്കിലും പോലീസ് സ്റ്റേഷൻ പരിധിയിൽ ഉണ്ടായാൽ അതിന് അവർ ഉത്തരവാദികളാണെന്നും അവർക്കെതിരെ നടപടിയെടുക്കുമെന്നും സിദ്ധരാമയ്യ മാധ്യമപ്രവർത്തകരോട് പറഞ്ഞു. കൂടാതെ ക്രമസമാധാന പരിപാലന സമയത്ത്, മതങ്ങൾക്കിടയിൽ ഒരു വിവേചനവും ഉണ്ടാകരുത്, എല്ലാവരേയും ഒരുപോലെ കാണുകയും തുല്യമായി സംരക്ഷിക്കുകയും വേണമെന്നും അദ്ദേഹം പറഞ്ഞു. ഇവിടെ സദാചാര പോലീസിംഗ് ഇല്ലന്നും ഞങ്ങൾ അത് അവസാനിപ്പിക്കുമെന്നും അദ്ദേഹം കൂട്ടിച്ചേർത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
