ബെംഗളൂരു: കർണാടകയിലെ ബെലഗാവിലുള്ള സഹകരണ ബാങ്കിൽ കവർച്ച നടന്നു. 6 കോടി വിലമതിക്കുന്ന സ്വർണവും പണവുമായി കവർച്ചക്കാർ കടന്നതായി പോലീസ് അറിയിച്ചു. 4.37 കോടി രൂപയും 1.63 കോടി രൂപ വിലമതിക്കുന്ന ആഭരണങ്ങളും ഡ്യൂപ്ലിക്കേറ്റ് താക്കോൽ ഉപയോഗിച്ച് പ്രതികൾ തട്ടിയെടുക്കുകയാണ് ഉണ്ടായത്.
ബാങ്കിലെ സി സി ടി വി യും ഡി വി ആറും മോഷണത്തിൽ നഷ്ടപെട്ടിട്ടുണ്ട്. ബാങ്കുമായി ബന്ധപ്പെട്ട ആളുകളെ സംശയിക്കുന്നതായും പോലീസ് അറിയിച്ചു. ജീവനക്കാരെ ചോദ്യം ചെയ്ത് വരികയാണ്.
ലോക്കർ തകർക്കാതെ ആണ് മോഷണം നടന്നിട്ടുള്ളത് ബാങ്കിനുള്ളിൽ നിർബന്ധിത പ്രവേശനവും ഉണ്ടായിട്ടില്ല എന്നത് പോലീസിൽ കൂടുതൽ സംശയം സൃഷ്ടിക്കുകയാണെന്ന് പോലീസ് വൃത്തങ്ങൾ അറിയിച്ചു.
