Day: 31 January 2021

ബെംഗളൂരു : കർണാടകയിൽ കോവിഡ് വാക്സിൻ എടുത്ത 5 ഡോക്ടർമാർക്ക് കോവിഡ് ബാധിച്ചു എന്ന രീതിയിലുള്ള വാർത്തകൾ പുറത്ത് വരികയാണ്. എന്നാൽ ഇതിന് പിന്നിലുള്ള യാഥാർത്ഥ്യം ഇതാണ്. ചാമരാജ് നഗർ ജില്ലയിൽ നിന്നുള്ള 5 ഡോക്ടർമാർക്കാണ് കോവിഡ് ബാധിച്ചതായി സ്ഥിരീകരിച്ചത്. ഇതിനർത്ഥം കോവിഡ് വാക്സിൻ ഫലപ്രദമല്ല എന്നല്ല എന്ന് ആരോഗ്യ വകുപ്പ് അറിയിച്ചു.രാജ്യത്ത് ഉപയോഗിക്കുന്ന കോവി ഷീൽഡ് കോവാക്സിൻ തുടങ്ങിയ മരുന്നുകൾ രണ്ട് ഡോസിന് ശേഷമാണ് ഫലപ്രദമാവുക. ഇപ്പോൾ രാജ്യത്ത് ഒന്നാം ഘട്ടം കുത്തിവെപ്പ് മാത്രമാണ് നടക്കുന്നത്. 28 ദിവസത്തിന് ശേഷം രണ്ടാം ഡോസ്…

ബെംഗളൂരു: കോവിഡ് വാക്സിനേഷന് അധ്യാപകർക്ക് മുൻഗണന നൽകണമെന്ന് ആവശ്യം. അധ്യാപകരെ കോവിഡ് മുന്നണി പോരാളികളായി കണക്കാക്കി കോവിഡ് വാക്സിനേഷന് മുൻഗണന നൽകണമെന്ന് പ്രാഥമിക വിദ്യാഭ്യാസമന്ത്രി എസ്. സുരേഷ് കുമാറാണ് കേന്ദ്രസർക്കാരിനോട് ആവശ്യപ്പെട്ടത്. കോവിഡ് വ്യാപനം തടയാൻ അധ്യാപകരും വിദ്യാഭ്യാസവകുപ്പിലെ ജീവനക്കാരും നിർണായക പങ്ക് വഹിച്ചെന്ന് പ്രധാനമന്ത്രി നരേന്ദ്ര മോദി, കേന്ദ്ര ആരോഗ്യമന്ത്രി ഡോ. ഹർഷ വർധൻ എന്നിവർക്കയച്ച കത്തിൽ പറഞ്ഞു. വീടുകൾ കയറി വിവരങ്ങൾ ശേഖരിക്കുന്നതിനും കോവിഡിനെക്കുറിച്ച് ജനങ്ങളിൽ അവബോധം സൃഷ്ടിക്കാനും അധ്യാപകരുടെ സേവനം സർക്കാർ പ്രയോജനപ്പെടുത്തിയെന്ന് മന്ത്രി പറഞ്ഞു.

ബെംഗളൂരു : പൾസ് പോളിയോ മരുന്ന് വിതരണം ഇന്ന് സംസ്ഥാനത്തെ വിവിധ സ്ഥലങ്ങളിലായി നടക്കും. 5 വയസ്റ്റിന് താഴെയുള്ള കുട്ടികൾ ഇതുവരെ എത്ര പ്രാവശ്യം മരുന്ന് സ്വീകരിച്ചിട്ടുണ്ട് എങ്കിലും ഇന്ന് തുള്ളിമരുന്ന് എടുക്കണമെന്ന്  മന്ത്രി ഡോ: സുധാകർ അറിയിച്ചു. 64 ലക്ഷം കുട്ടികൾക്ക് പോളിയോ വാക്സിൻ നൽകാനുള്ള ക്രമീകരണങ്ങൾ ഒരുക്കിയിട്ടുണ്ട്. 30 ജില്ലകളിലായി 32908 ബൂത്തുകളിലായി 110179 ആരോഗ്യ പ്രവർത്തകരെയാണ് വാക്സിനേഷൻ വിതരണത്തിനായി നിയോഗിച്ചിട്ടുള്ളത്. ഉൾനാടൻ പ്രദേശങ്ങളിൽ വാക്സിൻ വിതരണത്തിന് 904 മൊബൈൽ ടീമുകളുടെ സേവനം ലഭ്യമാക്കിയിട്ടുണ്ട്. മരുന്ന് വിതരണത്തിൻ്റെ ഉൽഘാടനം മുഖ്യമന്ത്രി യെദിയൂരപ്പ…