Day: 30 January 2021

ബെംഗളൂരു : ഡൽഹിയിൽ റിപ്പബ്ലിക് ദിനത്തിൽ കർഷകൻ മരണമടഞ്ഞതുമായി ബന്ധപ്പെട്ട് തിരുവനന്തപുരം എം പി ശശി തരൂരിനെതിരെ കർണാടകയിലും രാജ്യദ്രോഹകേസ് റജിസ്റ്റർ ചെയ്തു. സാമൂഹിക പ്രവർത്തകനായ ബി.എസ്.രാകേഷ് നൽകിയ പരാതിയെ തടർന്നാണ് പാരപ്പന അഗ്രഹാര പോലീസ് കേസെടുത്തത്. കർഷകൻ മരണപ്പെട്ട വിഷയവുമായി ബന്ധപ്പെട്ട് തെറ്റിദ്ധാരണ പരത്തുന്ന സന്ദേശം സമൂഹ മാധ്യമങ്ങളിൽ പങ്കുവച്ചതിനാണ് കേസ്. മാധ്യമ പ്രവർത്തകനായ രാജ് ദീപ് സർദ്ദേസായി അടക്കം 7 പേർക്കെതിരെ കേസുണ്ട്. ഹരിയാന, ഉത്തർ പ്രദേശ്, മധ്യപ്രദേശ് എന്നിവിടങ്ങളും ഇവർക്കെതിരെ രാജ്യദ്രോഹ കേസ് നിലവിലുണ്ട്.

ബെംഗളൂരു: ഭാവിയുടെ വാഹന മേഖലയായ വൈദ്യുതി വാഹനങ്ങളിൽ കൂടുതൽ മുതൽ മുടക്കാൻ കർണാടക. സംസ്ഥാനത്ത് 2 ലിഥിയം ബാറ്ററി പ്ലാൻ്റുകൾ സ്ഥാപിക്കുന്നു. പുതിയ ഊർജ്ജ നിയമത്തിനും സർക്കാർ രൂപം നൽകുമെന്ന് ശനിയാഴ്ച ഉപമുഖ്യമന്ത്രി അശ്വഥ് നാരായണ അറിയിച്ചു. ഒരു പ്ലാൻ്റ് ഹുബ്ബളളി മേഖലയിലും ഒരു പ്ലാൻ്റ് ചിക്ക ബല്ലാ പുരയിലും ആയിരിക്കും സ്ഥാപിക്കുക എന്ന് അദ്ദേഹം കൂട്ടിച്ചേർത്തു. ഇ വാഹന നിർമ്മാണം കൂടുതൽ വില കുറഞ്ഞതാകാൻ ഇത് സഹായിക്കും. രാജ്യത്ത് ആദ്യമായി ഇ വാഹന പോളിസി 2018ൽ പുറത്തിറക്കിയത് കർണാടക ആണ്. പെട്രോൾ ബങ്കുകൾ…

ബെംഗളൂരു : വൈദ്യുതി നിരക്ക് വർദ്ധിപ്പിക്കാൻ ശുപാർശയുമായി നഗരത്തിലെ വൈദ്യുതി വിതരണ കമ്പനി. യൂണിറ്റിന് 1.39 രൂപ വർദ്ധിപ്പിക്കാനും അതിൽ ഗാർഹിക ഉപയോക്താക്കൾക്ക് നിരക്കിളവ് നൽകുന്നതും പരിഗണിക്കുന്നുണ്ട്. കർണാടക ഇലക്ട്രിസിറ്റി റഗുലേറ്ററി കമ്മീഷനു (കെ.ഇ.ആർ.സി) സമർപ്പിച്ച ശുപാർശയനുസരിച്ച് ഒരു ലക്ഷത്തിലധികം യൂണിറ്റ് ഉപയോഗിക്കുന്ന വ്യവസായ ശാലകൾക്കും വിദ്യാഭ്യാസ സ്ഥാപനങ്ങൾക്കും ആശുപത്രികൾക്കു മെല്ലാം യൂണിറ്റിന് 6 പൈസ ഇളവ് ഉണ്ട്. ബെസ്കോം അടക്കമുള്ള വൈദ്യുതി വിതരണ കമ്പനികളാണ് ശുപാർശ റഗുലേറ്ററി കമ്മറ്റിയുടെ മുന്നിൽ സമർപ്പിച്ചത്. കഴിഞ്ഞ വർഷം 1.26 രൂപ വർദ്ധനവ് ഓരോ യൂണിറ്റിൻ്റെ മുകളിലും…

ബെംഗളൂരു : ബയപ്പനഹള്ളി – മൈസൂരു റോഡ് പർപ്പിൾ ലൈനിൽ ഭാഗികമായി മെട്രോ സർവ്വീസ് തടസപ്പെടും. നാളെ 31 ന് രാവിലെ 7 മുതൽ 9 വരെ ബയപ്പനഹള്ളി – എം.ജി.റോഡ് റൂട്ടിൽ സർവ്വീസ് ഉണ്ടാകില്ല. എം.ജി റോഡ് – മൈസൂരു റോഡ് റൂട്ടിലും ,നാഗസാന്ദ്ര- സിൽക്ക് ഇൻസ്റ്റിറ്റ്യൂട്ട് റൂട്ടിലും സർവ്വീസ് തടസ്സപ്പെടില്ല. 9 മണിയോടെ സർവ്വീസുകൾ സാധാരണ നിലയിലാകും.