Month: August 2020

ബെംഗളൂരു : മാസ്ക് ധരിക്കാതെയും അകലം പാലിക്കാതെയുമെല്ലാം പുറത്തിറങ്ങിയവരിൽ നിന്നായി പിഴയിനത്തിൽ ഇതുവരെ സർക്കാർ പിരിച്ചെടുത്തത് 6.65 കോടി രൂപ. ലോക്ഡൗൺ ലംഘിച്ച് പുറത്തിറങ്ങിയ 1,12000 വാഹനങ്ങളാണ് സംസ്ഥാനത്ത് പിടിച്ചെടുത്തത്. ചട്ടലംഘനങ്ങളുമായി ബന്ധപ്പെട്ട് 12000 പേർ അറസ്റ്റിലാവുകയും ചെയ്തതായി മെഡിക്കൽ വിദ്യാഭ്യാസ മന്ത്രി ഡോ.കെ.സുധാകർ പറഞ്ഞു. ക്വാറന്റീൻ ലംഘിച്ച 5.7 ലക്ഷം പേർക്കു താക്കീത് നൽകി. തെറ്റ് ആവർത്തിച്ച 5821 പേർക്കെതിരെ കേസെടുക്കുകയും 3246 പേരെ പൊതു ക്വാറന്റീനിലേക്കു മാറ്റുകയും ചെയ്തതായി മന്ത്രി പറഞ്ഞു.

ബെംഗളൂരു: രണ്ട് ദിവസങ്ങളിലായി ഉണ്ടായ അക്രമണങ്ങളോട് അനുബന്ധിച്ച് നഗരത്തിലെ ഡി.ജെ.ഹള്ളി,കെ.ജി.ഹള്ളി പോലീസ് സ്റ്റേഷനുകളുടെ പരിധിയിൽ പ്രഖ്യാപിച്ച സി ആർ പി സി (കോഡ് ഓഫ് ക്രിമിനൽ പ്രൊസീജർ )സെക്ഷൻ 144 ഓഗസ്റ്റ് 15, 6 മണി വരെ നീട്ടി.  ബുധനാഴ്ചയാണ് നഗരത്തിൽ 144 പ്രഖ്യാപിച്ചത്. സോഷ്യൽ മീഡിയയിൽ വന്ന ഒരു പോസ്റ്റിനെ സംബന്ധിച് ബുധനാഴ്ച നഗരത്തിൽ വിവിധ ഭാഗങ്ങളിൽ ഉണ്ടായ സംഘർഷങ്ങളെ തുടർന്നാണ് നാലിൽ കൂടുതൽ പേർ ഒരുമിച്ച് ഒരു സ്ഥലത്ത് കൂട്ടം കൂടുന്നത് തടയുന്ന സെക്ഷൻ 144 നഗരത്തിൽ പ്രഖ്യാപിച്ചത്. നഗരത്തിലെ ഡി…

ബെംഗളൂരു: തലക്കാവേരിയിൽ ഉരുള്‍ പൊട്ടലിൽ മരിച്ച മുഖ്യപൂജാരിയെ സംസ്‌കരിച്ചു. ഉരുള്‍ പൊട്ടി മണ്ണിനടിയിലായ ക്ഷേത്രാധിപതിയും മുഖ്യ പൂജാരിയുമായിരുന്ന ടിഎസ് നാരായണ ആചാര്യരുടെ മൃതദേഹം അദ്ദേഹത്തിന്‍റെ ഇഷ്ടമണ്ണിലാണ് സംസ്‌കരിച്ചത്. മുഖ്യ പൂജാരിയുമായിരുന്ന ടിഎസ് നാരായണ ആചാര്‍ താമസിച്ച പുരാതന ഭവനത്തില്‍ നിന്ന് രണ്ടര കിലോമീറ്റര്‍ അകലെ നാഗതീര്‍ത്ഥയില്‍ ചീഞ്ഞളിഞ്ഞ നിലയിലാണ് ചൊവ്വാഴ്ച ഉച്ചയോടെ കേന്ദ്ര ദുരന്ത നിവാരണ സേന മൃതദേഹം പുറത്തെടുത്തത്. ഭാഗമണ്ഡല ആശുപത്രിയില്‍ പോസ്റ്റ്‌മോര്‍ട്ടത്തിന് ശേഷം കഴിഞ്ഞ ദിവസം വൈകീട്ട് മൃതദേഹം കുടുംബാംഗങ്ങള്‍ക്ക് കൈമാറി. അവസാന കര്‍മ്മങ്ങള്‍ നിര്‍വഹിക്കാന്‍ മക്കളെത്തിയിരുന്നു. മൂന്നുപേരുടെ മൃതദേഹങ്ങള്‍ക്കായി തെരച്ചില്‍ തുടരുന്നു.…

ബെംഗളൂരു: നഗരത്തെ പിടിച്ച് കുലുക്കിയ വൻ നിക്ഷേപ തട്ടിപ്പ് കേസിലെ ഭാഗമായ ഐ.എം.എ ജ്വല്ലറി ഗ്രൂപ്പിൻ്റെ സ്വത്ത് വകകൾ റവന്യൂ വകുപ്പ് കണ്ട് കെട്ടി. പതിനായിരക്കണക്കിന് ആളുകളുടേതടക്കം 40000 കോടിയോളം രൂപയുടെ സാമ്പത്തിക തട്ടിപ്പ് തടന്നതായാണ് കണക്കാക്കുന്നത്. ആദ്യം അന്വേഷിച്ച പ്രത്യേക അന്വേഷണ സംഘവും (എസ്ഐടി), സംസ്ഥാന സർക്കാർ ചുമതലപ്പെടുത്തിയ ഉദ്യാഗസ്ഥനും സമർപ്പിച്ച റിപ്പോർട്ടിന്റെ അടിസ്ഥാനത്തിലാണിത് സ്വത്ത് കണ്ട് കെട്ടിയത്. ഐഎംഎ ഗ്രൂപ്പ് കെട്ടിടങ്ങളിലെ മേശ, കസേര തുടങ്ങിയ ഉപകരണങ്ങളും സെക്യൂരിറ്റി നിക്ഷേപങ്ങളും ഉൾപ്പെടെ 7.5 കോടി രൂപയുടെ സ്ഥാവരജംഗമ വസ്തുക്കളാണ് കണ്ടുകെട്ടിയത്. നേരത്തെ എൻഫോഴ്സ്മെന്റ്…

ബെംഗളൂരു: ജയനഗറിൽ പ്രവർത്തിക്കുന്ന ഓഹരി ബ്രോക്കർ സ്ഥാപനം വ്യാജ ഒപ്പുകൾ നിർമിച്ച് ലക്ഷങ്ങൾ തട്ടിയെടുത്തതായി പരാതി. ആർ.എം.വി. എക്സ്റ്റൻഷൻ സ്വദേശിയായ ഹേമന്ത് കുമാറാണ് തന്റെ 80 ലക്ഷം രൂപ തട്ടിയെടുത്തതായി പോലീസിൽ പരാതി നൽകിയത്. കൃഷിവകുപ്പിൽനിന്ന് വിരമിച്ചപ്പോൾ ലഭിച്ച 80 ലക്ഷം രൂപയാണ് 2017ൽ സ്ഥാപനത്തെ വിശ്വസിച്ച് നിക്ഷേപിച്ചത്. അന്ന് ചില പേപ്പറുകളിൽ ഒപ്പിട്ടുനൽകുകയും ചെയ്തിരുന്നു. വിരമിച്ചതിനുശേഷം സ്ഥാപനത്തിലെ ജീവനക്കാരുടെ നിരന്തര സമ്മർദത്തെത്തുടർന്നാണ് പണംനിക്ഷേപിച്ചതെന്നും ഇദ്ദേഹം  പറഞ്ഞു. രണ്ടുവർഷത്തിന് ശേഷം അന്വേഷണം നടത്തിയപ്പോഴാണ് വ്യാജ ഒപ്പുകളിട്ട് തന്റെ പേരിൽ ചില ഇടപാടുകൾ നടന്നതായി അറിഞ്ഞതെന്ന്…