ബെംഗളൂരു ∙ മലയാളിയുടെ ക്രെഡിറ്റ് കാർഡിൽ നിന്ന് 58,999 രൂപ കവർന്നതായി പരാതി. മഹാദേവപുരയിൽ താമസിക്കുന്ന ഒറ്റപ്പാലം സ്വദേശിയും ട്രാവൽ ഏജൻസി ഉടമയുമായ കെ. മോഹനന്റെ പണമാണ് കവർന്നത്. നവംബർ 12ന് ഉച്ചയ്ക്കു 2.30ന് ആണ് സംഭവം. സ്റ്റേറ്റ് ബാങ്ക് ഓഫ് ഇന്ത്യയുടെ ക്രെഡിറ്റ് കാർഡിൽ നിന്നാണ് 30 മിനിറ്റിനുള്ളിൽ ആറു തവണയായി പണം കവർന്നത്.
തുടർച്ചയായി എസ്എംഎസ് സന്ദേശം ലഭിച്ചതിനെ തുടർന്നു നോക്കിയപ്പോഴാണ് പണം പിൻവലിച്ചതായി മനസ്സിലായത്. ഉടൻ തന്നെ ബാങ്കിന്റെ കസ്റ്റമർ കെയറുമായി ബന്ധപ്പെട്ട് കാർഡ് ബ്ലോക്ക് ചെയ്തപ്പോഴേക്കും ഇത്രയും പണം നഷ്ടപ്പെട്ടിരുന്നു. ഓരോ തവണയും ഒടിപി നമ്പർ ഉപയോഗിച്ചാണ് പണം പിൻവലിച്ചതെങ്കിലും ഇതു സംബന്ധിച്ച് ആരും ഫോണിലേക്കു വിളിച്ചിട്ടില്ലെന്നു മോഹനൻ പറഞ്ഞു.
വിവിധ ഇ വാലറ്റ് അക്കൗണ്ടുകളിലേക്കാണു പണം പോയിരിക്കുന്നത്. എസ്ബിഐയുടെ ക്രെഡിറ്റ് കാർഡ് വിഭാഗത്തിനും മഹാദേവപുര പൊലീസിലും പരാതി നൽകിയെങ്കിലും പണം എവിടെനിന്നാണ് പിൻവലിച്ചതെന്നു കണ്ടെത്താൻ സാധിച്ചിട്ടില്ല.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
