ബെംഗളൂരു: വാളയാര് ചെക്പോസ്റ്റില് മെത്താംഫിറ്റമിനുമായി യുവാവിനെ പിടികൂടിയെന്ന് എക്സൈസ്. ബെംഗളൂരുവിൽ നിന്ന് കൊണ്ടുവന്ന 49.39 ഗ്രാം മെത്താംഫിറ്റമിനുമായി വടക്കാഞ്ചേരി സ്വദേശി അഭിനവ് (21) ആണ് അറസ്റ്റിലായത്. പിടിച്ചെടുത്ത മയക്കുമരുന്നിന് വിപണിയില് ഒന്നര ലക്ഷത്തോളം രൂപ വിലയുണ്ട്. നാട്ടില് കൊണ്ടു വന്നു ചില്ലറ വില്പന നടത്തുന്നതിനാണ് പ്രതി മയക്കുമരുന്ന് കടത്തിയത്. ഇയാളുടെ സംഘത്തിലെ മറ്റുള്ളവരെക്കുറിച്ചു അന്വേഷണം ആരംഭിച്ചെന്ന് എക്സൈസ് അറിയിച്ചു. ചെക്കുപോസ്റ്റിലെ എക്സൈസ് സര്ക്കിള് ഇന്സ്പെക്ടര് പ്രശാന്തിന്റെ നേതൃത്വത്തിലായിരുന്നു പരിശോധന.
Read Moreഒന്നര ലക്ഷം വിലമതിക്കുന്ന ലഹരി മരുന്നുമായി 21 കാരൻ അറസ്റ്റിൽ
