ബെംഗളൂരു: അന്തർസംസ്ഥാന ജല തർക്ക കേസുകൾ ചർച്ച ചെയ്യുന്നതിനായി കർണാടക മുഖ്യമന്ത്രി ബസവരാജ് ബൊമ്മൈ ശനിയാഴ്ച നിയമവിദഗ്ധരും മന്ത്രിമാരും ഉദ്യോഗസ്ഥരുമായി നടത്തുന്ന വെർച്വൽ മീറ്റിംഗിൽ പങ്കെടുക്കും. ബെംഗളൂരുവിനും മറ്റ് നഗരങ്ങൾക്കും കുടിവെള്ളം ലഭിക്കുന്നതിനും വൈദ്യുതി ഉൽപ്പാദിപ്പിക്കുന്നതിനും സഹായിക്കുന്ന മേക്കേദാതു പദ്ധതി നടപ്പാക്കണമെന്ന് ആവശ്യപ്പെട്ട് പദയാത്ര നടത്തിയ പ്രതിപക്ഷ കോൺഗ്രസിനുള്ള മറുപടിയായാണ് ഇത്.
യോഗത്തിൽ കർണാടകയിലെ വിവിധ ജല നിഗമുകളുടെ മാനേജിംഗ് ഡയറക്ടർമാർക്കും അന്തർസംസ്ഥാന ജല തർക്ക കേസുകളുടെ കോർഡിനേറ്റർമാർക്കും ഒപ്പം ജലവിഭവ മന്ത്രി ഗോവിന്ദ് കർജോൾ, നിയമ-പാർലമെന്ററി കാര്യ മന്ത്രി ജെ സി മധു സ്വാമി, കർണാടക അഡ്വക്കറ്റ് ജനറൽ, ചീഫ് സെക്രട്ടറി, ജലവിഭവ വകുപ്പ് ഉദ്യോഗസ്ഥർ, സുപ്രീം കോടതിയിലെ മുതിർന്ന അഭിഭാഷകരായ ശ്യാം ദിവാൻ, മോഹൻ വി എന്നിവർ പങ്കെടുക്കുമെന്നാണ് പ്രതീക്ഷിക്കുത്.
തിങ്കളാഴ്ച കേന്ദ്ര റോഡ് ഗതാഗത-ഹൈവേ മന്ത്രി നിതിൻ ഗഡ്കരിയുടെ അധ്യക്ഷതയിൽ നടന്ന ‘പിഎം ഗതി ശക്തി’ ദക്ഷിണമേഖലാ സമ്മേളനത്തിൽ പങ്കെടുത്ത മുഖ്യമന്ത്രി, അന്തർസംസ്ഥാന നദീജല തർക്കങ്ങൾ പരിഹരിക്കുന്നതിനേക്കാൾ കൂടുതൽ തർക്കങ്ങൾ സൃഷ്ടിക്കുന്നതിനാൽ കേന്ദ്രസർക്കാർ നിയമം പുനഃപരിശോധിക്കണമെന്നും പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
