Day: 25 November 2024

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ ട്രക്ക് ഡ്രൈവറടക്കം രണ്ട് പേര്‍ പിടിയില്‍. മധ്യപ്രദേശിലെ റായ്സൺ ജില്ലയിലാണ് സംഭവം. 15കാരിക്കൊപ്പം ഉണ്ടായിരുന്ന സുഹൃത്തിനെ ബന്ദിയാക്കിയ ശേഷമായിരുന്നു പീഡനം. സഞ്ജു, ശിവനാരായണ്‍ എന്നിവരാണ് അറസ്റ്റിലായത്. അക്ഷയ് അഹിർവാർ എന്നയാളെ പോലീസ് തിരയുകയാണ്. പെണ്‍കുട്ടിയും സുഹൃത്തായ ചെറുപ്പക്കാരനും ചേർന്ന് സില്‍വാനി-സാഗര്‍ റോഡിലുള്ള വനത്തിലെ ക്ഷേത്രം സന്ദര്‍ശിച്ച് മടങ്ങുകയായിരുന്നു. ബൈക്ക് വഴിയിൽ നിർത്തിയ ശേഷമാണ് ഇവർ ക്ഷേത്രത്തിലേക്ക് പോയത്. ഈ സമയത്ത് സഞ്ജു ആദിവാസി (21) എന്ന ട്രക്ക് ഡ്രൈവറും ഇയാളുടെ രണ്ട് സുഹൃത്തുകളും ചേർന്ന് ഇരുവരെയും ആക്രമിക്കുകയായിരുന്നു.

ബെംഗളൂരു: ചെന്നൈ – ബെംഗളൂരു ഹൈവേയിൽ ബൈക്ക് ലോറിയിലിടിച്ചുണ്ടായ അപകടത്തിൽ രണ്ട് വിദ്യാർഥികൾ മരിച്ചു. വെല്ലൂർ ടൗണിൽ ഞായറാഴ്ചയാണ് അപകടമുണ്ടായത്. റാണിപ്പേട്ടയിലെ മേൽവിഷാരം ടൗൺ സ്വദേശിയും ഒന്നാം വർഷ കോളജ് വിദ്യാർഥിയുമായ മുഹമ്മദ് തലാഖ് (17), മേൽവിഷാരത്തിലെ പിയു ഒന്നാം വർഷ വിദ്യാർഥി മുഹമ്മദ് പ്യാസ് (16) എന്നിവരാണ് മരിച്ചത്. ഇരുവരും മേൽവിഷാരം ടൗണിൽ നിന്ന് വെല്ലൂരിലേക്ക് സുഹൃത്തുക്കളെ കാണാനായി ബൈക്കിൽ പോകുകയായിരുന്നു. ബൈക്ക് നിയന്ത്രണം നഷ്ടപ്പെട്ട് ഹൈവേയിൽ നിർത്തിയിട്ടിരുന്ന ലോറിയിൽ ഇടിക്കുകയായിരുന്നു. ഇടിയുടെ ആഘാതത്തിൽ ഇരുവരും വാഹനത്തിൽ നിന്ന് തെറിച്ചുവീണു. ഇരുവരും ഹെൽമറ്റ്…

ബെംഗളൂരു : എയർ ഇന്ത്യ ബെംഗളൂരുവിൽ ബേസിക് മെയിന്റനൻസ് ട്രെയിനിങ് ഓർഗനൈസേഷൻ (ബി.എം.ടി.ഒ.) സ്ഥാപിക്കുന്നു. എൻജിനിയറിങ് വിദ്യാർഥികൾക്ക് പഠനസൗകര്യമൊരുക്കാനാണ് ലക്ഷ്യം. സിവിൽ ഏവിയേഷൻ ഡയറക്ടർ ജനറൽ അംഗീരിച്ച നാലു വർഷത്തെ എയർ ക്രാഫ്റ്റ് മെയിന്റനൻസ് എൻജിനിയറിങ് പ്രോഗ്രാമാണ് സെന്ററിൽ ആരംഭിക്കുക. ബെംഗളൂരു എയർപോർട്ട് സിറ്റിയിലാണ് കേന്ദ്രം സ്ഥാപിക്കുന്നത്. ഇതിന് ബെംഗളൂരു എയർപോർട്ട് സിറ്റി ലിമിറ്റഡുമായി എയർ ഇന്ത്യ കരാറൊപ്പിട്ടു.

ബെംഗളൂരു: തിങ്കളാഴ്ച ഔദ്യോഗികമായി ആരംഭിച്ച് അഞ്ച് ദിവസം നീണ്ടുനിൽക്കുന്ന വാർഷിക കടലേക്കൈ ഇടവക അല്ലെങ്കിൽ നിലക്കടല മേളയ്ക്ക് ജനക്കൂട്ടം ഒത്തുകൂടിയപ്പോൾ, ഞായറാഴ്ച, കാളക്ഷേത്രം റോഡ് പ്രതീക്ഷയോടെ സജീവമായിരുന്നു. ആധുനിക ആകർഷണങ്ങളോടൊപ്പം പൈതൃകവും സമന്വയിപ്പിക്കുന്ന മേള, ബംഗളൂരുവിൽ നിന്നും മറ്റുമായി ലക്ഷക്കണക്കിന് സന്ദർശകരെ ആകർഷിക്കുമെന്നാണ് പ്രതീക്ഷിക്കുന്നത്. ബസവനഗുഡിയുടെ സാംസ്കാരിക വ്യക്തിത്വത്തിൻ്റെ മുഖമുദ്രയായ ആഴത്തിൽ വേരൂന്നിയ ഈ പരിപാടി ഈ വർഷം ഏഴോ എട്ടോ ലക്ഷം സന്ദർശകർ എത്തുമെന്നാണ് റിപ്പോർട്ടുകൾ. ആഘോഷങ്ങളുടെ പ്രധാന വേദിയായ ദൊഡ്ഡ ഗണപതി ക്ഷേത്രത്തിൽ നിരവധി ആളുകൾ ഇതിനോടകം എത്തിയിട്ടുണ്ട്. എന്നിരുന്നാലും, നേരിട്ടുള്ള…

കണ്ണൂർ വളപട്ടണത്ത് വൻ കവർച്ച. വളപട്ടണത്തെ വ്യാപാരിയുടെ വീട് കുത്തിത്തുറന്നാണ് മോഷണം നടത്തിയത്. മന്ന സ്വദേശി അഷ്റഫിൻ്റെ വീട്ടിലാണ് കവർച്ച നടന്നത്. ഒരു കോടി രൂപയും 300 പവനും മോഷണം പോയതായാണ് അഷറഫ് പൊലീസിൽ പരാതി നൽകിയിരിക്കുന്നത്.കുടുംബം വീട് പൂട്ടി വിവാഹത്തിന് പോയപ്പോഴായിരുന്നു കവർച്ച. സംഭവത്തിൽ വളപട്ടണം പൊലീസ് അന്വേഷണം ആരംഭിച്ചു.  

പാലക്കാട്: ഉപതിരഞ്ഞെടുപ്പിലെ തോല്‍വിയുടെ ഉത്തരവാദിത്വം ഏറ്റെടുത്ത് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍ രാജി സന്നദ്ധത അറിയിച്ചതായി റിപ്പോര്‍ട്ട്. പാലക്കാട്ടെ തോല്‍വിയില്‍ ശോഭ സുരേന്ദ്രനെ അടക്കം കാരണക്കാരായി കാട്ടി കേന്ദ്ര നേതൃത്വത്തിന് അയച്ച കത്തിലാണ് സുരേന്ദ്രന്‍ രാജി സന്നദ്ധത അറിയിച്ചത്. ശോഭയുടെ നേതൃത്വത്തില്‍ പലയിടത്തും വോട്ട് അട്ടിമറിച്ചെന്നു സുരേന്ദ്ര പക്ഷം ആരോപിക്കുന്നുണ്ട്. എന്നാല്‍, തത്കാലം രാജി വേണ്ടെന്ന നിലപാടാണ് കേന്ദ്ര നേതൃത്വം അറിയിച്ചതെന്ന് സുരേന്ദ്ര പക്ഷം വ്യക്തമാക്കുന്നു. പാലക്കാട് സി കൃഷ്ണകുമാറിനെ സ്ഥാനാര്‍ഥിയാക്കിയാതിനു പിന്നില്‍ കെ സുരേന്ദ്രനായിരുന്നു. ഇതാണ് സന്ദീപ് വാര്യര്‍ പാര്‍ട്ടി വിടാനുള്ള…

ബെംഗളൂരു: നിയന്ത്രണം വിട്ട കാർ വീട്ടിലേക്ക് ഇടിച്ചുകയറി ഉണ്ടായ അപകടത്തിൽ യുവാവിന് കാലുകൾ നഷ്ടപ്പെട്ടു. രാജാജിനഗറിലെ മഞ്ജുനാഥ് നഗറിൽ ഞായറാഴ്ചയാണ് അപകടമുണ്ടായത്. യുവാവ് വീട്ടുമുറ്റത്ത് നിന്ന് ഫോൺ വിളിക്കുമ്പോഴായിരുന്നു സംഭവം. അമിതവേഗത്തിലായിരുന്ന കാർ നിയന്ത്രണം വിട്ട് വീടിന്റെ മതിൽ തകർത്ത് ഉള്ളിലേക്ക് ഇടിച്ചുകയറുകയായിരുന്നു. യുവാവിനെ ഉടൻ തന്നെ ആശുപത്രിയിൽ എത്തിച്ചെങ്കിലും കാലുകൾ നഷ്ടമായതായി പോലീസ് പറഞ്ഞു. സംഭവത്തിൽ രാജാജിനഗർ ട്രാഫിക് പോലീസ് കേസെടുത്തു.