Year: 2026

ബെംഗളൂരു: ബൈക്ക് തട്ടി ഫോൺ നിലത്തുവീണതിനെച്ചൊല്ലിയുള്ള തർക്കത്തിനൊടുവിൽ ഫ്രൂട്ട് കച്ചവടക്കാരനും സുഹൃത്തിനും ക്രൂരമർദ്ദനം. മോഷ്ടാക്കളെന്ന് തെറ്റിദ്ധരിച്ച് എട്ടോളം വരുന്ന സംഘമാണ് ചിക്കപേട്ടയിൽ വെച്ച് ഇരുവരെയും ക്രൂരമായി ആക്രമിച്ചത്. അക്രമത്തിൽ ഫ്രൂട്ട് കച്ചവടക്കാരനായ യുവാവിന്റെ തലയ്ക്കും മുഖത്തിനും ഗുരുതരമായി പരിക്കേറ്റു. ജെ.ജെ. നഗർ സ്വദേശിയും ഫ്രൂട്ട് കച്ചവടക്കാരനുമായ ഷാഹിദ് ഖാന്റെ പരാതിയിൽ സിറ്റി മാർക്കറ്റ് പോലീസ് കേസെടുത്ത് അന്വേഷണം ആരംഭിച്ചു. ഒക്ടോബർ 19-ന് വൈകുന്നേരം ഏഴ് മണിയോടെയാണ് സംഭവം നടക്കുന്നത്. സുഹൃത്തായ ഫർദീൻ പാഷയ്ക്കൊപ്പം മജസ്റ്റിക്കിൽ നിന്നും ചിക്കപേട്ടയിലേക്ക് ഇരുചക്രവാഹനത്തിൽ സഞ്ചരിക്കവെ, വഴിയാത്രക്കാരനായ ഒരാളുമായി വാഹനം…

സാധനം എത്തിച്ചപ്പോൾ നൽകിയ 10 രൂപയുടെ കീറിയ നോട്ട് സ്വീകരിക്കാൻ മടിച്ചതിനെ തുടർന്ന് മർദനമേറ്റ ഓൺലൈൻ ഡെലിവറി ജീവനക്കാരൻ ചികിത്സയിലിരിക്കെ മരിച്ചു. ഡൽഹി ഈസ്റ്റ് വിനോദ് നഗറിൽ ഒക്ടോബർ 4നാണ് ഓൺലൈൻ ഡെലിവറി ജീവനക്കാരനായ സമീർ ഹുസൈന് മർദനമേറ്റത്. മർദനമേറ്റതിലുള്ള മനോവിഷമത്തെ തുടർന്ന് ഒക്ടോബർ 5ന് സമീർ വിഷം കഴിച്ച് ആത്മഹത്യയ്ക്ക് ശ്രമിക്കുകയായിരുന്നു. തുടർന്ന് ഗുരുതരാവസ്ഥയിൽ ചികിത്സയിലായിരുന്ന അദ്ദേഹം ചൊവ്വാഴ്ചയാണ് മരണത്തിന് കീഴടങ്ങിയത്. സംഭവവുമായി ബന്ധപ്പെട്ട് ഡൽഹി പൊലീസ് രണ്ട് പ്രതികളെ അറസ്റ്റ് ചെയ്തു. രാകേഷ് എന്ന ബണ്ടി (30), രാംപാൽ സിങ് (65)…

ബെംഗളൂരു: കർണാടകയുടെ വിഖ്യാതമായ മൈസൂരു ദസറ ആഘോഷങ്ങളുടെ ഭാഗമായുള്ള ജംബൂസവാരിയിൽ ചരിത്രത്തിലാദ്യമായി കേരളത്തിന്റെ നിശ്ചലദൃശ്യം (ഫ്ലോട്ട്) അണിനിരന്നു. സംസ്ഥാനത്തിന്റെ സമ്പന്നമായ സാംസ്കാരിക പൈതൃകവും തനതായ കലാരൂപങ്ങളും പ്രകൃതിസൗന്ദര്യവും വിളിച്ചോതിയ അവതരണം ഘോഷയാത്രയിൽ ഏറെ ശ്രദ്ധയാകർഷിച്ചു. കർണാടക സർക്കാരിന്റെ പ്രത്യേക ക്ഷണപ്രകാരമാണ് കേരളം ഈ സാംസ്കാരിക കൂട്ടായ്മയുടെ ഭാഗമായത്. കേരള സർക്കാരിന്റെ നിർദേശപ്രകാരം സാംസ്കാരിക വകുപ്പ് രൂപകൽപ്പന ചെയ്ത നിശ്ചലദൃശ്യത്തിന്റെ പ്രധാന ആകർഷണം തെയ്യവും കഥകളിയുമായിരുന്നു. അനുഷ്ഠാനകലാ പാരമ്പര്യത്തെ പ്രതിനിധീകരിച്ച് തെയ്യരൂപവും ശാസ്ത്രീയ കലകളുടെ പ്രതീകമായി കഥകളി രൂപവും ഒരുക്കിയപ്പോൾ, കേരളത്തിന്റെ ആഗോള സാംസ്കാരിക സ്വത്വത്തെ…

ബെംഗളൂരു : പ്രണയബന്ധത്തിനും വിവാഹത്തിനും വീട്ടുകാർ തടസ്സം സൃഷ്ടിച്ചതിൽ മനംനൊന്ത് അധ്യാപിക തുംഗഭദ്ര ജലസംഭരണിയിൽ ചാടി ആത്മഹത്യ ചെയ്തു. കൊപ്പൽ താലൂക്കിലെ കതരകി ഗ്രാമവാസിയായ സംഗീത മേട്ടിയാണ് ജീവനൊടുക്കിയത്. സ്വകാര്യ സ്കൂളിലെ സംഗീത അധ്യാപികയായിരുന്നു ഇവർ. ദസറ ഉത്സവ ദിവസം കൊപ്പലിലേക്ക് പോയ സംഗീത, പിന്നീട് വീട്ടിലേക്ക് തിരിച്ചെത്തിയിരുന്നില്ല. തുടർന്ന് നടത്തിയ തിരച്ചിലിൽ വിജയനഗർ ജില്ലയ്ക്ക് സമീപമുള്ള തുംഗഭദ്ര റിസർവോയറിന്റെ കായലിൽ നിന്ന് ഇവരുടെ മൃതദേഹം കണ്ടെത്തുകയായിരുന്നു. സംഗീതയും ബന്ധുവായ വികാസും തമ്മിൽ കഴിഞ്ഞ 14 വർഷമായി പ്രണയത്തിലായിരുന്നു. ഇവരുടെ പ്രണയത്തെക്കുറിച്ച് ഇരു കുടുംബങ്ങൾക്കും…

ബെംഗളൂരു: ഒക്ടോബർ 24-ന് ബെംഗളൂരുവിൽ നടക്കാനിരിക്കുന്ന തന്റെ സംഗീത പരിപാടിക്ക് മുന്നോടിയായി ഗായകൻ സോനു നിഗം കന്നഡ ജനതയോട് പരസ്യമായി ക്ഷമാപണം നടത്തി. കഴിഞ്ഞ വർഷം ഏപ്രിലിൽ കന്നഡ ഗാനത്തെക്കുറിച്ചുള്ള തന്റെ വിവാദ പ്രസ്താവന പഹൽഗാവ് ആക്രമണവുമായി താരതമ്യം ചെയ്തത് കന്നഡക്കാരുടെ ശക്തമായ രോഷത്തിന് കാരണമായിരുന്നു. ഈ പശ്ചാത്തലത്തിൽ ബെംഗളൂരുവിൽ അദ്ദേഹത്തിന്റെ പരിപാടി അനുവദിക്കരുതെന്ന് കർണാടക രക്ഷണ വേദികെ (കെആർവി) പോലീസ് കമ്മീഷണറോട് ആവശ്യപ്പെടുകയും സംസ്ഥാനവ്യാപകമായി പ്രതിഷേധ മുന്നറിയിപ്പ് നൽകുകയും ചെയ്തിരുന്നു. തുടർന്നാണ് കന്നഡക്കാരുമായുള്ള ബന്ധം നിലനിർത്താൻ താൻ ആയിരം തവണയും ക്ഷമാപണം നടത്താൻ…

ബെംഗളൂരു : രാത്രി വൈകിയും ഉച്ചത്തിലുള്ള സംഗീതവും പടക്കം പൊട്ടിക്കലുംമൂലം ജനജീവിതം ദുസ്സഹമായതായി കാണിച്ച് നടി രാമ്യ (ദിവ്യ സ്പന്ദന) ബെംഗളൂരു പോലീസിന് പരാതി നൽകി. എക്സ് (X) ലൂടെയാണ് താരം തന്റെ പ്രതിഷേധവും ആശങ്കയും പങ്കുവെച്ചത്. ബെംഗളൂരുവിലെ ഫൺ വേൾഡ് (Fun World) അമ്യൂസ്‌മെന്റ് പാർക്കിൽ രാത്രി മുഴുവൻ നീണ്ടുനിന്ന ആഘോഷങ്ങളുടെയും ശബ്ദമലിനീകരണത്തിന്റെയും ദൃശ്യങ്ങൾ ഉൾപ്പെടുത്തിയാണ് നടി പോസ്റ്റ് പങ്കുവെച്ചത്. രാത്രി മൂന്ന് മണിയായിട്ടും പാർക്കിൽ പടക്കം പൊട്ടിക്കുകയും ഉച്ചത്തിൽ സംഗീതം കേൾപ്പിക്കുകയും ചെയ്യുകയാണെന്ന് രാമ്യ വ്യക്തമാക്കി. രാത്രി 10 മണി മുതൽ…

ബെംഗളൂരു: ഉത്തരിഹള്ളിയിലെ ബ്രിഗേഡ് 7 ഗാർഡൻസ് അപാര്ട്മെന്റിലെ ഡി ബ്ലോക്കിലെ എട്ടാം നിലയിലെ ഫ്ലാറ്റിൽ വൻ തീപിടിത്തം. ബുധനാഴ്ച രാവിലെ 11.50-നാണ് അപകടമുണ്ടായത്. സംഭവം നടക്കുമ്പോൾ ഫ്ലാറ്റിൽ ആരും ഇല്ലാതിരുന്നതിനാൽ വൻ ദുരന്തവും ആളപായവും ഒഴിവായി. വൈകീട്ട് 3.30-ഓടെയാണ് ഫയർഫോഴ്സ് തീയണച്ചത്. ഹുളിമാവ്, അഞ്ചനപുര, ബനശങ്കരി ഫയർ സ്റ്റേഷനുകളിൽ നിന്നുള്ള അഗ്നിശമന സേനാ യൂണിറ്റുകൾ സ്ഥലത്തെത്തി മണിക്കൂറുകളോളം പരിശ്രമിച്ചാണ് തീ നിയന്ത്രണവിധേയമാക്കിയത്. വൈദ്യുതി ഷോർട്ട് സർക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം. ഫ്ലാറ്റിലുണ്ടായിരുന്ന ഫർണിച്ചറുകളും മറ്റ് സാമഗ്രികളും പൂർണമായി കത്തിനശിക്കുകയും വീടിന്റെ ഉൾവശത്തിന് കനത്ത…

ബെംഗളൂരു : ലോകപ്രശസ്തമായ മൈസൂരു ദസറ ആഘോഷങ്ങൾ വർണ്ണാഭമായ ചടങ്ങുകളോടെ സമാപിച്ചു. പതിനൊന്ന് ദിവസത്തെ നീണ്ട നവരാത്രി ഉത്സവമാണ് ഇത്തവണ വിജയകരമായി പൂർത്തിയായത്. ഉത്സവത്തിന്റെ അവസാന ദിവസമായ ഒക്ടോബർ 21-ന് നടന്ന ഗംഭീരമായ ജംബു സവാരിയും തുടർന്നെത്തിയ വർണ്ണാഭമായ ടോർച്ച് ലൈറ്റ് പരേഡും കാണാൻ നിരവധി ആളുകളാണ് എത്തിച്ചേർന്നത്. 2026-ലെ മൈസൂരു ദസറ ഉത്സവം ബുധനാഴ്ച രാത്രി ആകാശത്ത് വിസ്മയമൊരുക്കിയ വർണ്ണാഭമായ വെടിക്കെട്ടോടെയാണ് ഔദ്യോഗികമായി പര്യവസാനിച്ചത്. മൈസൂർ നഗരത്തിന്റെ രാത്രിാകാശത്തെ പ്രകാശപൂരിതമാക്കിയ മനോഹരമായ വെടിക്കെട്ട് പ്രകടനം ഏവരുടെയും മനംകവരുന്നതായിരുന്നു. ദസറ ആഘോഷങ്ങളുടെ സമാപനം കുറിച്ചുകൊണ്ടുള്ള…