Month: August 2026

ബെംഗളൂരു: മഡിവാളയിൽ മെഡിക്കൽ ഷോപ്പ് ഉടമയായ സുഹൈലിനെ ക്രൂരമായി കൊലപ്പെടുത്തിയ കേസിൽ പ്രധാന പ്രതി ഗുണ്ട ആദിൽ ഉൾപ്പെടെ ആറ് പേരെ പോലീസ് അറസ്റ്റ് ചെയ്തു. സംഭവം നടന്ന് 24 മണിക്കൂറിനുള്ളിലാണ് മഡിവാല പോലീസ് പ്രതികളെ വലയിലാക്കിയത്. ശനിയാഴ്ച രാത്രി മഡിവാല അണ്ടർപാസിന് സമീപത്തുവെച്ച് മാരകായുധങ്ങളുമായി എത്തിയ സംഘം സുഹൈലിനെ ആക്രമിക്കുകയായിരുന്നു. കൊലപാതകത്തിന് ശേഷം സ്ഥലത്തുനിന്ന് രക്ഷപ്പെട്ട പ്രതികൾക്കായി പോലീസ് ഉടൻ തന്നെ തിരച്ചിൽ ആരംഭിച്ചിരുന്നു. നേരത്തെ നടന്ന മറ്റൊരു കൊലപാതകത്തിന്റെ പ്രതികാരമാണ് ഈ ആക്രമണമെന്ന് പോലീസ് സംശയിക്കുന്നു. കഴിഞ്ഞ ജനുവരിയിൽ ബന്ദേപാളയ പോലീസ്…

ബെംഗളൂരു: ഈദ് മിലാദ് ഘോഷയാത്രകളുടെ പശ്ചാത്തലത്തിൽ ബുധനാഴ്ച ബെംഗളൂരു നഗരത്തിലെ പ്രധാന റോഡുകളിൽ സമഗ്ര ഗതാഗത നിയന്ത്രണവും വഴിതിരിച്ചുവിടലും ഏർപ്പെടുത്തി. നഗരത്തിന്റെ വിവിധ ഭാഗങ്ങളിൽ നിന്നുള്ള ഘോഷയാത്രകൾ നൃപതുംഗ റോഡിലെ വൈ.എം.സി.എ ഗ്രൗണ്ടിൽ സംഗമിക്കുന്നതിനാലാണ് ക്രമീകരണം. ഉച്ചയ്ക്ക് 12 മണി മുതൽ രാത്രി 11 മണി വരെയാണ് അലങ്കരിച്ച വാഹനങ്ങളുടെയും റാലികളുടെയും സഞ്ചാരം പ്രതീക്ഷിക്കുന്നത്. ജെ.സി റോഡ്, കെ.ജി റോഡ്, രാജാ റാം മോഹൻ റോയ് റോഡ്, കസ്തൂർബ റോഡ്, മല്യ ഹോസ്പിറ്റൽ റോഡ്, ആർ.ടി നഗർ മെയിൻ റോഡ്, ദിന്നൂർ മെയിൻ റോഡ്,…

ബെംഗളൂരു: ബെംഗളൂരുവിൽ നിന്ന് ഡൽഹിയിലേക്ക് പോയ കർണാടക കേഡർ ഐ.എ.എസ് ഉദ്യോഗസ്ഥൻ ഗ്യാനേന്ദ്ര കുമാർ ഗംഗവാറിനെ കാണാനില്ലെന്ന രീതിയിൽ പ്രചരിച്ച വാർത്തകൾക്ക് വിരാമം. കുടുംബത്തിലുണ്ടായ അടിയന്തിര സാഹചര്യം കാരണം നാട്ടിലേക്ക് പോയതാണെന്നും താൻ സുരക്ഷിതനാണെന്നും ഉദ്യോഗസ്ഥൻ സർക്കാറിനെ അറിയിച്ചു. 2016 ബാച്ച് ഐ.എ.എസ് ഉദ്യോഗസ്ഥനായ ഗ്യാനേന്ദ്ര കുമാറിനെ കാണാനില്ലെന്ന വാർത്തകൾ പുറത്തുവന്നതോടെ വലിയ രീതിയിലുള്ള അഭ്യൂഹങ്ങളാണ് പ്രചരിച്ചത്. കർണാടക പബ്ലിക് സർവീസ് കമ്മീഷനിലെ (KPSC) ക്രമക്കേടുകളുമായി ബന്ധപ്പെട്ടാണ് ഉദ്യോഗസ്ഥൻ അപ്രത്യക്ഷനായതെന്ന തരത്തിൽ വാർത്തകൾ പരന്നിരുന്നു. 2024 ഫെബ്രുവരി മുതൽ 2026 മാർച്ച് വരെ കെ.പി.എസ്.സി…

ബെം​ഗളൂരു: ടാനറി റോഡിലൂടെ നാഗവാര മെയിൻ റോഡിലേക്ക് യാത്ര ചെയ്യുന്നവർക്ക് ലക്ഷ്യസ്ഥാനത്ത് എത്തുന്നതിനേക്കാൾ പ്രധാനം ജീവൻ തിരിച്ചുകിട്ടുന്നതാണെന്ന് യാത്രക്കാരും നാട്ടുകാരും. റോഡിന്റെ ശോചനീയാവസ്ഥ വൻ ദുരിതമായി മാറിയതോടെ വാഹനം പൂർണമായും നല്ല അവസ്ഥയിലാണെങ്കിൽ മാത്രമേ ഈ വഴി യാത്ര ചെയ്യാൻ സാധിക്കൂ എന്ന സ്ഥിതിയാണ്. വൻ കുഴികളും നിരപ്പില്ലാത്ത ഉപരിതലവും തകർന്ന റോഡും കാരണം സാധാരണ യാത്രകൾ വലിയ ദുരന്തമായി മാറുകയാണ്. മെട്രോ ജോലി, കുടിവെള്ള പൈപ്പ്‌ലൈൻ സ്ഥാപിക്കൽ, അണ്ടർഗ്രൗണ്ട് കേബിളിങ് എന്നിവയ്ക്കായി റോഡ് പലതവണ വെട്ടിപ്പൊളിച്ചെങ്കിലും കഴിഞ്ഞ ഏതാനും മാസങ്ങളായി അറ്റകുറ്റപ്പണികളോ ടാറിങ്ങോ…

ബെംഗളൂരു: റോഡപകടത്തിൽ പരിക്കേറ്റ യുവതിയെ ആശുപത്രിയിലെത്തിച്ച് ‘നല്ല ശമര്യക്കാരൻ’ ചമഞ്ഞ് പോലീസിനെ പറ്റിക്കാൻ ശ്രമിച്ച കാർ ഡ്രൈവർ ഡാഷ്‌കാം ദൃശ്യങ്ങളുടെ സഹായത്തോടെ പിടിയിലായി. തെക്കുകിഴക്കൻ ബംഗളൂരുവിലെ എച്ച്.എസ്.ആർ ലേഔട്ടിലാണ് സിനിമയെ വെല്ലുന്ന സംഭവം നടന്നത്. ജൂലൈ 11-ന് രാത്രി 8.24-ഓടെ 14-ാം മെയിൻ റോഡിലെ മക്ഡൊണാൾഡ്സ് ജങ്ഷന് സമീപത്തായിരുന്നു കേസിനാസ്പദമായ അപകടം. റോഡരികിലൂടെ നടന്നുപോകുകയായിരുന്ന ജസ്കിരൺ (37) എന്ന യുവതിയെ അമിതവേഗതയിലെത്തിയ കാർ ഇടിച്ചുതെറിപ്പിക്കുകയായിരുന്നു. തലയ്ക്കും കൈകൾക്കും ശരീരത്തിന്റെ വിവിധ ഭാഗങ്ങളിലും ഗുരുതരമായി പരിക്കേറ്റ ഇവരെ അപകടമുണ്ടാക്കിയ കാറിന്റെ ഡ്രൈവർ തന്നെ ഉടനടി സമീപത്തെ…