ബെംഗളൂരു: ഉത്സവ സീസണിൽ ജനങ്ങൾക്ക് കൈത്താങ്ങായി ബൊമ്മനഹള്ളി മണ്ഡലത്തിൽ സൗജന്യ കോഴി വിതരണം. ഉഗാദി ആഘോഷങ്ങളുടെ തുടർച്ചയായും റംസാൻ മാസത്തിന്റെ പശ്ചാത്തലത്തിലും മങ്കമ്മനപാളയയിൽ സംഘടിപ്പിച്ച പരിപാടിയിൽ ആയിരക്കണക്കിന് ആളുകളാണ് പങ്കെടുത്തത്.
3,000 കോഴികൾ, കിലോമീറ്റർ നീളുന്ന ക്യൂ
എച്ച്.എസ്.ആർ ലേഔട്ട് ബ്ലോക്ക് കോൺഗ്രസ് പ്രസിഡന്റ് രാഘവേന്ദ്രയുടെ നേതൃത്വത്തിലാണ് ഈ വേറിട്ട കാരുണ്യപ്രവർത്തനം നടന്നത്. ഉഗാദിയുടെ പിറ്റേന്നുള്ള ‘പുതിയ കുഴപ്പ’ (Hosa Tadaku) ആഘോഷത്തിന് മാംസ വിഭവങ്ങൾക്ക് വലിയ ഡിമാൻഡ് ഉള്ള സമയത്താണ് ഈ വിതരണം നടന്നത്.
രാവിലെ 7 മണി മുതൽ തന്നെ മങ്കമ്മനപാളയയിൽ ആളുകൾ ഒത്തുകൂടിയിരുന്നു. സൗജന്യമായി കോഴിയെ ലഭിക്കാനായി റോഡരികിൽ ഒരു കിലോമീറ്ററോളം നീളത്തിലാണ് ആളുകൾ ക്യൂ നിന്നത്. ഏകദേശം 3,000 കോഴികളെയാണ് നിർധനർക്കും സാധാരണക്കാർക്കുമായി വിതരണം ചെയ്തത്.
“ഉത്സവ വേളയിൽ സാധാരണക്കാർക്ക് ആശ്വാസം നൽകാനാണ് ഈ വിതരണം സംഘടിപ്പിച്ചത്. മാംസത്തിന് വലിയ വിലയുള്ള സമയത്ത് ഈ നീക്കം വലിയ ജനപങ്കാളിത്തത്തിന് കാരണമായതായി- സംഘാടകർ അറിയിച്ചു,
ആഘോഷങ്ങളുടെ ഭാഗമായി നടന്ന ഈ ചിക്കൻ വിതരണം പ്രദേശവാസികൾക്കിടയിൽ വലിയ ആവേശമാണ് സൃഷ്ടിച്ചത്. തിരക്ക് നിയന്ത്രിക്കാൻ പ്രത്യേക സന്നദ്ധ പ്രവർത്തകരും രംഗത്തുണ്ടായിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
