ബെംഗളൂരു: ജെ പി നഗറിൽ അഞ്ജനപുരയ്ക്ക് സമീപം ഏഴാം ബ്ലോക്കിൽ അപ്പാർട്മെന്റിന് സമീപം ഒരു പുള്ളിപ്പുലിയെ കണ്ടത് പ്രദേശവാസികളിൽ വലിയ ആശങ്കയുണ്ടാക്കി.
അഞ്ജനപുര ഏഴാം ബ്ലോക്ക് റോഡിൽ പുള്ളിപ്പുലി ചുറ്റിത്തിരിയുന്ന പുള്ളിപ്പുലിയുടെ ദൃശ്യങ്ങൾ പുലർച്ചെ രണ്ട് മണിയോടെ ഒരു വീട്ടിലെ സിസിടിവി ക്യാമറയിലാണ് പതിഞ്ഞത്.
വീഡിയോ സോഷ്യൽ മീഡിയയിൽ വൈറലായതോടെ നാട്ടുകാർക്കിടയിൽ ആശങ്ക ഉടലെടുത്തു. തുരഹള്ളി വനമേഖലയ്ക്കടുത്താണ് അഞ്ജനപുര സ്ഥിതി ചെയ്യുന്നതിനാൽ, കാട്ടിൽ നിന്ന് തന്നെ പുള്ളിപ്പുലി അകത്തുകടന്നിരിക്കാമെന്ന് സംശയിക്കുന്നു.
