ബെംഗളൂരു : വികൃതികാണിച്ചതിന് ശിക്ഷയായി മകന്റെ ശരീരത്തിൽ ഇരുമ്പുകമ്പി ചൂടാക്കിവെച്ച് പൊള്ളലേൽപ്പിച്ച യുവതി അറസ്റ്റിൽ.
ഓൾഡ് ഹുബ്ബള്ളി ടൗണിലെ ടിപ്പു നഗർ സ്വദേശി അനുഷ ഹുളിമരയെയാണ് അറസ്റ്റുചെയ്തത്. കുട്ടിയുടെ കൈയിലും കാലിലും കഴുത്തിലും പൊള്ളലേൽപ്പിച്ചെന്ന് ഓൾഡ് ഹുബ്ബള്ളി പോലീസ് പറഞ്ഞു.
തിങ്കളാഴ്ചയാണ് സംഭവം. മകന്റെ പെരുമാറ്റത്തിൽ രോഷംപൂണ്ട അവർ ക്രൂരമായി ശിക്ഷിക്കുകയായിരുന്നു. കരച്ചിൽകേട്ട് ഓടിയെത്തിയവർ കുട്ടിയെ രക്ഷപ്പെടുത്തി.
തുടർന്ന് അവർ പോലീസിനെ വിവരമറിയിച്ചു. പോലീസ് സ്ഥലത്തെത്തി യുവതിയെ കസ്റ്റഡിയിലെടുത്തു. ശിശുക്ഷേമവകുപ്പ് ഉദ്യോഗസ്ഥർ സ്ഥലത്തെത്തി കുട്ടിയുടെ ചികിത്സയ്ക്കുവേണ്ട നടപടിയെടുത്തു.
