ബെംഗളൂരു: കൃത്രിമ നിറം ചേർത്ത് വറുത്ത ഗ്രീൻ പീസ് വിൽക്കുന്നവർക്കെതിരെ സംസ്ഥാന സർക്കാർ നടപടിയെടുക്കുന്നു
വറുത്ത ഗ്രീൻ പീസ് തയ്യാറാക്കുന്നതിൽ കൃത്രിമ നിറങ്ങൾ ഉപയോഗിക്കുന്നതായി സോഷ്യൽ മീഡിയയിൽ വാർത്തകൾ പ്രചരിച്ചതിനെത്തുടർന്ന്, കർണാടകയിലുടനീളം വിൽക്കുന്ന ഗ്രീൻ പീസിന്റെ സാമ്പിളുകൾ ശേഖരിച്ച് വിശകലനത്തിനായി സർക്കാർ ഭക്ഷ്യ ലബോറട്ടറികളിലേക്ക് (സംസ്ഥാന, ഡിവിഷണൽ ഫുഡ് ലബോറട്ടറികൾ) അയയ്ക്കാൻ ഭക്ഷ്യ സുരക്ഷാ, മരുന്ന് ഭരണ വകുപ്പ് സിഗ്നേച്ചറി ഓഫീസർമാർക്കും ഭക്ഷ്യ സുരക്ഷാ ഓഫീസർമാർക്കും നിർദ്ദേശം നൽകി.
ഇതുമായി ബന്ധപ്പെട്ട് ഇതുവരെ സംസ്ഥാനത്തുടനീളം 70 ഗ്രീൻ പീസിന്റെ സാമ്പിളുകൾ ശേഖരിച്ച് വിശകലനത്തിനായി ലബോറട്ടറിയിൽ സമർപ്പിച്ചു. ലബോറട്ടറി വിശകലന റിപ്പോർട്ടുകളുടെ അടിസ്ഥാനത്തിൽ തുടർ നിയമനടപടികൾ സ്വീകരിക്കും.
അടുത്തിടെ ഗോബി മഞ്ചൂരിയനും ബോംബെ മധുരപലഹാരങ്ങളും സംസ്ഥാനത്ത് നിരോധിച്ചിരുന്നു. ഈ ലഘുഭക്ഷണങ്ങളിൽ ഉപയോഗിക്കുന്ന ചായം അവരുടെ ജീവൻ അപഹരിച്ചേക്കാമെന്ന് ഉള്ള ഭയാനകമായ റിപ്പോർട്ട് ആണ് അതിന് കാരണം .
ആ റിപ്പോർട്ട് ലഭിച്ചയുടനെ, സർക്കാർ ഈ രണ്ട് ലഘുഭക്ഷണങ്ങളും സംസ്ഥാനത്ത് നിരോധിച്ചു. നിറമുള്ള പലഹാരങ്ങൾ വിറ്റാൽ 10 ലക്ഷം രൂപ പിഴയും 7 വർഷത്തിൽ കൂടാത്ത തടവും ലഭിക്കുമെന്ന് ആരോഗ്യമന്ത്രി കർശന മുന്നറിയിപ്പും നൽകിയിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
