Month: January 2025

ബെംഗളൂരു: ചാമരാജ്‌നഗറിലെ കൊല്ലേഗലിൽ പോലീസിനെ അക്രമിച്ച കൊലക്കേസ് പ്രതിയെ വെടിവെച്ച് കീഴ്‌പ്പെടുത്തി. കരിഗട്ട താലൂക്കിലെ പ്രമോദിനു നേരെയാണ് പോലീസ് വെടിയുതിർത്തത്. കഴിഞ്ഞയാഴ്ച പലഹള്ളി വില്ലേജിൽ നടന്ന ഒരു കൊലക്കേസിൽ പ്രതിയാണ് പ്രമോദ്. ഇയാളെ ബുധനാഴ്ച വൈകീട്ട് അറസ്റ്റ് ചെയ്യാനെത്തിയപ്പോൾ പോലീസിനുനേരെ കത്തി വീശി അക്രമിക്കുകയിരുന്നു. അക്രമത്തിൽ കോൺസ്റ്റബിൾ ശരത്തിന് കുത്തേറ്റു. തുടർന്ന് പോലീസ് പ്രമോദിന്റെ രണ്ടു കാലിന്റെയും മുട്ടിന് താഴെ വെടിവെക്കുകയായിരുന്നു. പോലീസ് സ്വയംരക്ഷാർഥമാണ് വെടിവെച്ചതെന്ന് എസ്.പി. മല്ലികാർജുന ബലദാനി അറിയിച്ചു. പരിക്കേറ്റ ശരത്തിനെ ചാമരാജ്‌നഗർ ടൗൺ ആശുപത്രിയിലും പ്രമോദിനെ മാണ്ഡ്യ ഇൻസ്റ്റിറ്റ്യൂട്ട് ഓഫ്…

വയനാട്: വയനാട് വിനോദസഞ്ചാരത്തെ പ്രോത്സാഹിപ്പിക്കാനായി ബെംഗളൂരു ഉൾപ്പെടെ ദക്ഷിണേന്ത്യയിലെ പ്രധാന നഗരങ്ങളിൽ റോഡ്ഷോകൾ സംഘടിപ്പിച്ചു. കേന്ദ്ര വിനോദസഞ്ചാര വകുപ്പും വയനാട് ടൂറിസം ഓർഗനൈസേഷനും(ഡബ്ല്യു.ടി.ഒ.) സംയുക്തമായാണ് ഹൈദരാബാദ്, ചെന്നൈ, ബെംഗളൂരു നഗരങ്ങളിൽ റോഡ്ഷോ നടത്തുന്നത്. ഹൈദാബാദിലും ചെന്നൈയിലും കഴിഞ്ഞ ദിവസങ്ങളിൽ പരിപാടി സംഘടിപ്പിച്ചു. വെള്ളിയാഴ്ചയാണ് ബെംഗളൂരുവിലെ റോഡ് ഷോ.   വയനാട്ടിലെ വിനോദസഞ്ചാര മേഖലയിൽ കഴിഞ്ഞ കുറച്ചുകാലമായി നേരിടുന്ന മാന്ദ്യത്തെ മറികടക്കാൻ ഈ പരിപാടി സഹായിക്കുമെന്ന് ഇന്ത്യ ടൂറിസം റീജണൽ ഡയറക്ടർ വെങ്കിടേശൻ ദത്തറേയൻ പറഞ്ഞു. ഉരുൾപൊട്ടൽ ദുരിതം വിനോദസഞ്ചാരികൾക്കിടയിൽ സുരക്ഷ സംബന്ധിച്ച് ഏറെ തെറ്റിദ്ധാരണയുണ്ടാക്കിയതായി…

ബെംഗളൂരു: കർണാടകയില്‍ വീണ്ടും മങ്കി പോക്സ് (എം-പോക്സ്) കേസ് റിപ്പോർട്ട്‌ ചെയ്തു. ദുബായിലേക്ക് യാത്ര ചെയ്ത 40 വയസ്സുള്ളയാൾക്കാണ് രോഗം സ്ഥിരീകരിച്ചത്. ഇയാൾ നിലവിൽ ബെംഗളൂരുവിലെ വിക്ടോറിയ ആശുപത്രിയിൽ ചികിത്സയിലാണെന്ന് ആരോഗ്യ വകുപ്പ് അറിയിച്ചു. ഈ വർഷത്തെ ആദ്യ എം-പോക്സ് കേസാണിത്. യാത്ര ചരിത്രം ഉൾപ്പെടെയുള്ള മറ്റ് വിശദാംശങ്ങൾ സ്ഥിരീകരിക്കുന്നതിനായി കൂടുതൽ അന്വേഷണങ്ങൾ നടന്നുവരികയാണെന്ന് വകുപ്പ് ഉദ്യോഗസ്ഥർ പറഞ്ഞു. കഴിഞ്ഞ വർഷവും സംസ്ഥാനത്ത് എം-പോക്സ് കേസുകൾ റിപ്പോർട്ട്‌ ചെയ്തിരുന്നു. പാകിസ്ഥാൻ, തായ്‌ലൻഡ് എന്നിവിടങ്ങളിലേക്ക് യാത്ര പശ്ചാത്തലമുള്ളവർക്കായിരുന്നു രോഗം സ്ഥിരീകരിച്ചത്. എന്നാൽ ഇവ പിന്നീട് ഭേദമായതായി…

ബെംഗളൂരു : 2019-ലെ കർണാടക സംസ്ഥാന ചലച്ചിത്രപുരസ്കാരം പ്രഖ്യാപിച്ചു. ‘പൈൽവാൻ’ എന്ന ചിത്രത്തിലെ പ്രകടനത്തിന് കിച്ച സുദീപിന് മികച്ചനടനുള്ള പുരസ്കാരം ലഭിച്ചു. അനുപമ ഗൗഡയാണ് മികച്ച നടി (ചിത്രം: ത്രയംബകം). 180 സിനിമകൾ അവാർഡിനായി സമർപ്പിച്ചിരുന്നു. പി. ശേഷാദ്രി സംവിധാനംചെയ്ത ‘മോഹൻദാസ്’ ആണ് മികച്ചചിത്രം. ഡാർലിങ് കൃഷ്ണ സംവിധാനംചെയ്ത ‘ലൗ മോക്ക്‌ടെയിൽ’ രണ്ടാമത്തെ മികച്ചചിത്രത്തിനുള്ള പുരസ്കാരം നേടി. സഹനടൻ: തബല നാനി (കെമിസ്ട്രി ഓഫ് കരിയപ്പ), സഹനടി: അനൂഷ കൃഷ്ണ (ബ്രാഹ്മി), ജനപ്രിയ സിനിമ: ഇന്ത്യ വേഴ്‌സസ് ഇംഗ്ലണ്ട്, കുട്ടികളുടെ സിനിമ: എല്ലി ആദൂദു…

ബെംഗളൂരു : മാർച്ച് മുതൽ യശ്വന്തപുര- തിരുവനന്തപുരം നോർത്ത് പ്രതിവാര തീവണ്ടിയുൾപ്പെടെ വിവിധ തീവണ്ടികളുടെ നമ്പറിൽ മാറ്റംവരുമെന്ന് ദക്ഷിണ പശ്ചിമ റെയിൽവേ അറിയിച്ചു. മാർച്ച് ആറ്ുമുതൽ യശ്വന്തപുര-തിരുവനന്തപുരം നോർത്ത് പ്രതിവാര എക്സ്‌പ്രസ് നമ്പർ 22677 ആയിരുന്നത് 16562 ആകും. മാർച്ച് ഏഴുമുതൽ തിരുവനന്തപുരം നോർത്ത്- യശ്വന്തപുര പ്രതിവാര എക്സ്പ്രസിന്റെ നമ്പർ 22678 ആയിരുന്നത് 16562 ആകുമെന്നും റെയിൽവേ അറിയിച്ചു. തീവണ്ടികളുടെ സമയത്തിലും സ്റ്റോപ്പിലും മാറ്റമുണ്ടാകില്ല. നമ്പർമാറുന്ന മറ്റു ട്രെയിനുകൾ  ഡോ. എം.ജി.ആർ. ചെന്നൈ സെൻട്രൽ- മൈസൂരു എക്സ്പ്രസ് (12609 ആയിരുന്നത് 16551 ആകും). മാറ്റം…

ബെംഗളൂരു : നഗരത്തിൽ ആളില്ലാത്ത വീടുകൾ കുത്തിത്തുറന്ന് കവർച്ച നടത്തുന്ന സംഘത്തിനായി തിരച്ചിൽ. കഴിഞ്ഞ 15 ദിവസത്തിനിടെ നഗരത്തിൽ 20 വീടുകളിലാണ് കവർച്ച നടത്തിയത്. ആവലഹള്ളി പോലീസ് സ്റ്റേഷൻപരിധിയിൽ വരുന്ന അഞ്ച് ലേഔട്ടുകളിലാണ് കൂടുതൽ കവർച്ച നടന്നത്. ലക്ഷക്കണക്കിന് രൂപയും ആഭരണങ്ങളും വിലപിടിപ്പുള്ള മറ്റു വസ്തുക്കളും മോഷണം പോയി. നാലംഗ മോഷണസംഘമാണ് മിക്ക വീടുകളിലും എത്തിയത്. പകൽസമയം ബൈക്കിലെത്തി കൊള്ളയടിക്കേണ്ട വീടുകൾ കണ്ടെത്തിവെക്കും. പൂട്ടിക്കിടക്കുന്ന വീടുകളാണ് സംഘം ശ്രദ്ധിക്കുന്നത്. വീടിന്റെ പരിസരവും ആളുകളുടെ പ്രവർത്തനങ്ങളും സസൂക്ഷ്മം നിരീക്ഷിക്കും. തുടർന്ന് മടങ്ങിപ്പോയി പുലർച്ചെ ഒന്നിനുശേഷം സംഘം…