Month: August 2024

ബംഗളുരു : ഇന്നലെ പുലർച്ചെ വരെ പെയ്ത കനത്ത മഴയിൽ നഗരം വീണ്ടും വെള്ളക്കേട്ടിലായി. ഇതോടെ ഗതാഗതക്കുരുക്കും രൂക്ഷമായി.  നഗരത്തിലെ മഴവെള്ളകനാലുകളും ഓടകളും അടഞ്ഞു കിടക്കുന്നതിനാൽ തടകങ്ങളിലേക്ക് വെള്ളം ഒഴുകുന്നില്ല. ഇതിനാൽ അര മണിക്കൂർ മഴപെയ്താലും നഗരത്തിൽ പ്രളയത്തിന് സമാനമായ സാഹചര്യമാണ് ഉണ്ടാകുന്നത്. ഔട്ടർ റിങ് റോഡിൽ കല്യാൺ നാഗരിനും ഹെബ്ബാളിനും ഇടയിൽ വെള്ളം കയറിയത് വിമാനത്താവള യാത്രക്കാരെയും വലച്ചു. നഗരത്തിലെ ഒട്ടുമിക്ക ഭാഗങ്ങളും മഴയെ തുടർന്ന് വെള്ളക്കേട്ടിലായി.

ബെംഗളൂരു : റോഡിലെ വെള്ളക്കെട്ടിൽ പെട്ടെന്ന് നിന്നുപോയ ബെംഗളൂരു മെട്രോപ്പൊളിറ്റൻ ട്രാൻസ്‌പോർട്ട് കോർപ്പറേഷന്റെ (ബി.എം.ടി.സി.) വൈദ്യുതബസിന് തീപിടിച്ചു. തിങ്കളാഴ്ച രാത്രി പതിനൊന്നോടെ ഔട്ടർറിങ് റോഡിൽ കെംപാപുരയ്ക്ക് സമീപത്തായിരുന്നു സംഭവം. ബസ് പൂർണമായി കത്തിനശിച്ചു. ആളപായമില്ല. ടിൻ ഫാക്ടറിയിൽനിന്ന് ഗൊരഗുണ്ടെപാളയത്തേക്കു പോവുകയായിരുന്ന ബസിനാണ് തീപിടിച്ചത്. കനത്ത മഴയെത്തുടർന്ന് കെംപാപുരയിൽ റോഡിൽ വെള്ളക്കെട്ട് രൂപപ്പെട്ടിരുന്നു. ബസ് ഇവിടെയെത്തിയപ്പോൾ പെട്ടെന്ന് നിന്നു. ജീവനക്കാർ ബസിലുണ്ടായിരുന്ന പതിനഞ്ചോളം യാത്രക്കാരെ മറ്റൊരു ബസിൽ കയറ്റിവിട്ടു. തുടർന്നാണ് കണ്ടക്ടറും ഡ്രൈവറും ബസിൽനിന്ന് പുകയുയരുന്നത് കണ്ടത്. അഗ്നിരക്ഷാസേനയെത്തിയപ്പോഴത്തേക്കും തീ പടർന്നുപിടിച്ചു. പിന്നീട് വിശദപരിശോധനയ്ക്കായി ബസ്…