ബെംഗളൂരു : ബെംഗളൂരു-തുമകൂരു ഹൈവേയിൽ ടിപ്പർലോറി ഇരുചക്രവാഹനത്തിലിടിച്ച് എട്ടുമാസം ഗർഭിണിയായ യുവതി മരിച്ചു.
ബില്ലിനകൊട്ടെ സ്വദേശി സിഞ്ചന (27) ആണ് മരിച്ചത്. ബുധനാഴ്ച രാവിലെയായിരുന്നു അപകടം.
ഭർത്താവ് മഞ്ജുനാഥിനൊപ്പം ശിവഗംഗ ക്ഷേത്രത്തിൽ ദർശനം നടത്തിയശേഷം വീട്ടിലേക്ക് പോകുമ്പോഴായിരുന്നു അപകടം.
കെ.എസ്.ആർ.ടി.സി. ബസിൽ ഇടിക്കാതിരിക്കാൻ ലോറി ബ്രേക്കിട്ടപ്പോൾ ഇടത്തേക്ക് തെന്നിവന്ന് ഇരുചക്രവാഹനത്തിൽ ഇടിക്കുകയായിരുന്നെന്ന് പോലീസ് പറഞ്ഞു.
നിലത്തുവീണ യുവതിയുടെ ദേഹത്തുകൂടി ലോറി കയറിയിറങ്ങി. മഞ്ജുനാഥ് നിസ്സാരപരിക്കുകളോടെ രക്ഷപ്പെട്ടു. ലോറിഡ്രൈവർ അരുൺകുമാറിനെ (27) നെലമംഗല പോലീസ് അറസ്റ്റുചെയ്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
