ബെംഗളൂരു: ഫിലിം എക്സിബിഷൻ വ്യവസായ പ്രമുഖരായ പിവിആർ ലിമിറ്റഡ്, ദ ലക്ഷ്വറി കളക്ഷൻസ് മുഖേന തങ്ങളുടെ ആദ്യത്തെ ‘ഡയറക്ടേഴ്സ് കട്ട്’ വെള്ളിയാഴ്ച ബെംഗളൂരുവിൽ ലോഞ്ച് ചെയ്തു. നഗരത്തിലെ ബ്രിഗേഡ് റോഡിലുള്ള ഫോറം റെക്സ് വാക്കിലെ ഈ ആഡംബര സിനിമാ ഘടന, മികച്ച ഹോസ്പിറ്റാലിറ്റിയെയും വിനോദത്തെയും സംയോജിപ്പിച്ച് അതിവിശിഷ്ടമായ സിനിമ അനുഭവമായിരിക്കും പ്രേക്ഷകർക്ക് പ്രധാനം ചെയ്യുക.
നഗരത്തിലെ പുതിയ ഡയറക്ടേഴ്സ് കട്ട്, 4K ലേസർ പ്രൊജക്ഷൻ സിസ്റ്റം ഉൾപ്പെടെയുള്ള നൂതന സാങ്കേതിക വിദ്യകളുമായി സംയോജിപ്പിച്ചിരിക്കുന്ന അഞ്ച് സൂപ്പർ-ആഡംബര ഓഡിറ്റോറിയങ്ങളിലായി (ദി ലോഞ്ച്, ദി ഗാലറി, ദി ഗ്രോവ്, ദി ലൈബ്രറി, ദി വെനീഷ്യൻ) മൊത്തം 243 സിനിമ പ്രേമികളെ ഉൾക്കൊള്ളിക്കും.
7.1 ഡോൾബി സറൗണ്ട് സിസ്റ്റവും റിയൽ-D 3D സാങ്കേതികവിദ്യയും. സുഖസൗകര്യങ്ങളുടെയും ആതിഥ്യമര്യാദയുടെയും കാര്യത്തിൽ മുന്നിട്ടു നിൽക്കുകയും ചെയ്യും, കൂടാതെ ആധുനിക അലങ്കാരങ്ങൾ, പ്രാദേശികവൽക്കരിക്കപ്പെട്ടതും സര്വ്വദേശപ്രിയമായ രുചികളുടെ മെനു എന്നിവയും ഒരു സഹായി സേവനത്തോടൊപ്പം ഇവിടെയെത്തുന്ന സിനിമാപ്രേമികൾക്ക് വാഗ്ദാനം ചെയ്യുന്നുണ്ട് . ഒരു ദശാബ്ദത്തിന് മുമ്പ് ഡൽഹിയിലെ വസന്ത് കുഞ്ചിലാണ് ആദ്യത്തെ ഡയറക്ടേഴ്സ് കട്ട് തുറന്നത്.
അതേസമയം, ഈ സമാരംഭത്തോടെ, 12 പ്രോപ്പർട്ടികളിലായി 88 സ്ക്രീനുകളുള്ള പിവിആർ സിനിമാസ് ബെംഗളൂരുവിൽ അതിന്റെ സാന്നിധ്യം അറിയിച്ചിട്ടുണ്ട്. മൊത്തത്തിൽ, ഇന്ത്യയും ശ്രീലങ്കയും ഉൾപ്പെടെ 77 നഗരങ്ങളിലായി 178 പ്രോപ്പർട്ടികളിലായി 884 സ്ക്രീനുകളോടെ 2022-23 സാമ്പത്തിക വർഷത്തിൽ PVR അതിന്റെ വളർച്ചാ വേഗത ശക്തിപ്പെടുത്തും എന്നാണ് റിപ്പോർട്ടുകൾ.
അതുല്യവും പ്രേക്ഷകർക്ക് ഇഷ്ടാനുസൃതവുമായ അനുഭവങ്ങൾ സൃഷ്ടിക്കുക എന്നതാണ് ഞങ്ങളുടെ ഉദ്ദേശമെന്ന് മാധ്യമങ്ങളോട് സംസാരിച്ച പിവിആർ സിനിമാസ് ലക്ഷ്വറി കളക്ഷൻസിന്റെ സിഇഒ റെനൗഡ് പല്ലിയേർ പറഞ്ഞു,.ഞങ്ങളുടെ പ്രോപ്പർട്ടികളിലുടനീളമുള്ള സ്റ്റാൻഡേർഡ് ഉപകരണങ്ങളും വ്യക്തമായ ശബ്ദ സംവിധാനങ്ങളും സാങ്കേതികവിദ്യയും ഫീച്ചറുകളുമാണ് ഞങ്ങളുടെ പ്രത്യേകത എന്നും അദ്ദേഹം കൂട്ടിച്ചേർത്തു. ഡയറക്ടേഴ്സ് കട്ട് എന്ന ആശയം പ്രേക്ഷകർക്ക് സിനിമകളോട് ഇണങ്ങുന്ന അന്തരീക്ഷവും പ്രകമ്പനവും അനുഭവവും സൃഷ്ടിക്കുക എന്നതാണ് ഉറപ്പു നൽകുന്നതെന്നും റെനൗഡ് പല്ലിയേർ പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
