ബെംഗളൂരു: ഡീസൽ ബസുകളെ അപേക്ഷിച്ചു യാത്രക്കാർക്കു പ്രിയം ഒച്ചയും കുലുക്കവും കുറഞ്ഞ പരിസ്ഥിതി സൗഹാർദ ഇലക്ട്രിക് ബസുകളോട്. സ്കൂൾ, കോളജ് വിദ്യാർഥികൾ ഉൾപ്പെടെ സ്ഥിരമായി ഇ ബസിൽ യാത്ര ചെയ്യുന്നവരുടെ എണ്ണവും ഓരോ മാസവും കൂടുകയാണ്. ടുമോക്ക് ആപ് ഉപയോഗിച്ച് ഡിജിറ്റൽ പാസ് ആരംഭിച്ചതും പുതുതലമുറ ഇ ബസുകളെ നഗരവാസികൾക്കിടയിൽ ജനകീയമാക്കി.
കഴിഞ്ഞ വർഷം ഡിസംബർ 27നാ ണ് നഗരത്തിൽ ആദ്യമായി 40 ഇലക്ട്രിക് മിനി ബസുകൾ സർവീസ് ആരംഭിച്ചത്. കൂടാതെ ഈ വർഷം ഓഗസ്റ്റ് 15ന് 75 വലിയ ഇലക്ട്രിക് ബസുകളുടെ സർവീസും ആരംഭിച്ചു. ആദ്യം മെട്രോ ഫീഡർ സർവീസുകളായി ഓടിയ ബസുകൾ പിന്നീട് കൂടുതൽ ഇടങ്ങളിലേക്ക് വ്യാപിപ്പിച്ചു. 100 ഇലക്ട്രിക് ബസുകൾ കൂടി ഈ വർഷം ബിഎംടിസിക്കു ലഭിക്കും. സാധാരണ നോൺ എസി ബസിന്റെ ടിക്കറ്റ് നിരക്ക് തന്നെയാ ണ് ഇലക്ട്രിക് ബസുകൾക്കും ഈടാക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
