ബെംഗളൂരു: ബെംഗളൂരുവിൽ നിന്ന് കേരളത്തിലേക്കുള്ള മയക്കുമരുന്ന് കടത്ത് സംഘത്തിലെ പ്രധാനിയായ നൈജീരിയന് യുവതി പോലീസ് പിടിയിൽ.
നൈജീരിയന് പൗരനായ ഒകാഫോര് എസെ ഇമ്മാനുവലിന്റെ കൂട്ടാളിയാണ് യുവതി. പാലാരിവട്ടം പോലീസാണ് ഇവരെ അറസ്റ്റ് ചെയ്ത് കൊച്ചിയിലെത്തിച്ചത്. ബെംഗളൂരുവില് നിന്ന് ആറ് മാസത്തിനുള്ളില് 4.5 കിലോഗ്രാം എംഡിഎംഎയാണ് സംഘം കേരളത്തിലേക്ക് എത്തിച്ചതെന്നാണ് വിവരം.
ഓഗസ്റ്റ് ഏഴിനാണ് കലൂര് ജവഹര്ലാല് നെഹ്റു സ്റ്റേഡിയത്തിന് സമീപം നിര്ത്തിയിട്ടിരുന്ന സ്കൂട്ടറില് നിന്ന് രണ്ട് കവറുകളിലായി 102.04 ഗ്രാം മയക്കുമരുന്നുമായി ഹാറൂണ് സുല്ത്താന് എന്നയാള് അറസ്റ്റിലായത്. ഇയാളില് നിന്ന് ലഭിച്ച വിവരത്തിന്റെ അടിസ്ഥാനത്തില് ബെംഗളൂരു ആസ്ഥാനമായുള്ള മയക്കുമരുന്ന് മാഫിയ സംഘത്തിലേക്ക് അന്വേഷണം വ്യാപിപ്പിച്ചത് . അലിന് ജോസഫ്, നിജു പീറ്റര്, അലന് ടോണി എന്നിവരാണ് അറസ്റ്റിലായത്. ഡല്ഹിയില് നിന്നും ബെംഗളൂരുവില് നിന്നും കേരളത്തിലേക്ക് മയക്കുമരുന്ന് എത്തിച്ച ഫോര്ട്ട് കൊച്ചി സ്വദേശി വര്ഗീസ് ജോസഫ് ഫെര്ണാണ്ടസും പോലീസ് പിടിയിൽ ആയിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
