ബെംഗളൂരു: ബെംഗളൂരു-മംഗളൂരു സ്ലീപ്പർ ബസിൽ യാത്ര ചെയ്യുകയായിരുന്ന സ്ത്രീയോട് അപമര്യാദയായി പെരുമാറിയ സംഭവത്തിൽ ഒരാളെ കങ്കനാടി ടൗൺ പൊലീസ് അറസ്റ്റ് ചെയ്തു. അറസ്റ്റിലായ മുഹമ്മദ് മുസ്തഫ (24) ബെംഗളൂരുവിലെ ഒരു ഫുട്വെയർ ഷോപ്പിൽ ജോലിക്കാരനാണെന്നും ദക്ഷിണ കന്നഡയിലെ ബിസി റോഡ് സ്വദേശിയാണെന്നും സിറ്റി പോലീസ് കമ്മീഷണർ എൻ ശശി കുമാർ പറഞ്ഞു.
ഒരു സ്വകാര്യ സ്ഥാപനത്തിൽ ജോലി ചെയ്യുന്ന യുവതി ജൂൺ ആറിന് രാത്രി ബെംഗളൂരുവിൽ നിന്ന് ബസിൽ മംഗളൂരുവിലേക്ക് പോവുകയായിരുന്നു. ജോലിക്ക് ഇന്റർവ്യൂവിനായി നഗരത്തിലേക്ക് പോകുകയായിരുന്ന യുവതിയോട് ഇയാൾ മോശമായി പെരുമാറുകയായിരുന്നു. ജൂൺ 7 ന് പുലർച്ചെ 5 മണിയോടെ യുവാവ് തന്നോട് മോശമായി പെരുമാറുന്നതായി യുവതി സഹയാത്രികരുടെയും ഡ്രൈവറുടെയും ശ്രദ്ധയിൽപ്പെടുത്തിയിരുന്നു. ഇതോടെ സഹയാത്രികർ യുവതിയോട് അപമര്യാദയായി പെരുമാറിയത് ചോദ്യം ചെയ്തതോടെ പ്രതി സഹയാത്രികരോട് മോശമായി സംസാരിക്കുകയും ചെയ്തു.
തുടർന്നാണ് യുവതി പോലീസിൽ പരാതി നൽകിയത്. ഐപിസി സെക്ഷൻ 354 (സ്ത്രീയുടെ എളിമയെ പ്രകോപിപ്പിക്കുക എന്ന ഉദ്ദേശത്തോടെയുള്ള ആക്രമണം അല്ലെങ്കിൽ ക്രിമിനൽ ബലപ്രയോഗം) പ്രകാരമാണ് പോലീസ് പരാതി രജിസ്റ്റർ ചെയ്തത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
